ຂປລ
ມາເລເຊຍ ຮັບບົດບາດ ປະທານ ອາຊຽນ 2025 ຢ່າງເປັນທາງການ ຊຶ່ງປີນີ້ ເປັນປີແຫ່ງ ວິວັດການສ້າງ ອາຊຽນ ໃຫ້ກາຍເປັນ ປະຊາຄົມສະໜິດ ຕິດພັນ-ໝັ້ນແກ່ນ ເຂັ້ມແຂງ ຫລາຍກວ່າເກົ່າ ແລະ ຖືມະນຸດ ເປັນໃຈກາງ.
ຂປລ.ວິທະຍຸ ກະຈາຍສຽງ ຫວຽດນາມ, ວັນທີ 2 ມັງກອນ, ມາເລເຊຍ ຮັບບົດບາດ ປະທານ ອາຊຽນ 2025 ຢ່າງເປັນທາງການ ຊຶ່ງປີນີ້ ເປັນປີແຫ່ງ ວິວັດການສ້າງ ອາຊຽນ ໃຫ້ກາຍເປັນ ປະຊາຄົມສະໜິດ ຕິດພັນ-ໝັ້ນແກ່ນ ເຂັ້ມແຂງ ຫລາຍກວ່າເກົ່າ ແລະ ຖືມະນຸດ ເປັນໃຈກາງ.
ທ່ານ ອັນວາ ອິບຣາຮິມ(Anwar Ibrahim), ນາຍົກລັດຖະມົນຕີ ມາເລເຊຍ ຢືນຢັນ ຈະມານະ ພະຍາຍາມ ເພື່ອປະຕິບັດ ບົດບາດ ປະທານ ອາຊຽນ 2025 ໃຫ້ສຳເລັດຜົນ ດ້ວຍຫລາຍໜ້າທີ່ ເພື່ອວິວັດການສ້າງ ປະຊາຄົມ. ອາຊຽນ ຈະສະເຫລີມ ສະຫລອງ ໄລຍະ 10 ປີທຳອິດ ຂອງວິວັດການສ້າງ ປະຊາຄົມ ສະໜິດ ຕິດພັນ ກ່ຽວກັບ ດ້ານການເມືອງ, ການຮ່ວມສຳພັນ ດ້ານເສດຖະກິດ ແລະ ແບ່ງປັນ ຄວາມຮັບຜິດຊອບ ສັງຄົມ.ຕາມແຜນການ, ປະເທດ ເຈົ້າພາບ ອາຊຽນ 2025 ຈະເປັນປະທານ ກອງຊຸມວົງແຄບ ກະຊວງ ການຕ່າງປະເທດ ອາຊຽນ ໃນວັນທີ 18-19 ມັງກອນ ຈະມາເຖິງນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
