ຂປລ
ຂປລ. ມາຮອດປັດຈຸບັນ, ໂຄງການກໍ່ສ້າງເຂື່ອນໄຟຟ້ານໍ້າງື່ມ 3 ມີຄວາມຄືບໜ້າກວ່າ 80%, ຄາດວ່າຈະສຳເລັດ ແລະ ເປີດຜະລິດກະແສໄຟຟ້າ ໃນຕົ້ນປີ 2027 ທີ່ຈະມາເຖິງ, ຖ້າໂຄງການ ດັ່ງກ່າວສຳເລັດ ຈະເປັນເຂື່ອນຫີນຖົມດິນສູງທີ່ສຸດໃນອາຊຽນ (210 ແມັດ).
ຂປລ. ມາຮອດປັດຈຸບັນ, ໂຄງການກໍ່ສ້າງເຂື່ອນໄຟຟ້ານໍ້າງື່ມ 3 ມີຄວາມຄືບໜ້າກວ່າ 80%, ຄາດວ່າຈະສຳເລັດ ແລະ ເປີດຜະລິດກະແສໄຟຟ້າ ໃນຕົ້ນປີ 2027 ທີ່ຈະມາເຖິງ, ຖ້າໂຄງການ ດັ່ງກ່າວສຳເລັດ ຈະເປັນເຂື່ອນຫີນຖົມດິນສູງທີ່ສຸດໃນອາຊຽນ (210 ແມັດ).
ທ່ານ ໂພຄຳ ສິດທິດາລາ ຫົວໜ້າໂຄງການກໍ່ສ້າງເຂື່ອນໄຟຟ້ານໍ້າງື່ມ3 ໄດ້ໃຫ້ຮູ້ເມື່ອບໍ່ດົນນີ້ວ່າ: ໂຄງການເຂື່ອນໄຟຟ້ານໍ້າງື່ມ 3 ຕັ້ງຢູ່ 3 ເມືອງ ໃນ 2 ແຂວງຄື: ເມືອງພູກູດ ແຂວງຊຽງຂວາງ, ເມືອງ ອານຸວົງ ແລະ ເມືອງລ້ອງແຈ້ງ ແຂວງໄຊສົມບູນ, ເລີ່ມລົງມືກໍ່ສ້າງມາແຕ່ປີ 2013 ຕາມແຜນເບື້ອງຕົ້ນຈະໃຫ້ສຳເລັດ ແລະ ເປີດການຜະລິດກະແສໄຟຟ້າໃນປີ 2021 ແຕ່ເນື່ອງຈາກວ່າ ໂຄງການມີຄວາມຫຍຸ້ງຍາກ ທາງດ້ານການເງິນ ເຮັດໃຫ້ການຈັດຕັ້ງປະຕິບັດໂຄງການ ຖືກໂຈະໄວ້ຊົ່ວຄາວ ແລະ ຈະສືບຕໍ່ກໍ່ສ້າງໃນທ້າຍປີ 2024 ນີ້.
ເຂື່ອນໄຟຟ້ານໍ້າງື່ມ 3 ມີກຳລັງຕິດຕັ້ງທັງໝົດ 480 ເມັກກາວັດ, ສາມາດຜະລິດພະລັງງານໄຟຟ້າໄດ້ 2.345 GWh/ປີ ແລະ ຈະສ້າງຄວາມສະຖຽນລະພາບ ດ້ານພະລັງງານ ພາຍໃນປະເທດ ໄດ້ເນື່ອງຈາກວ່າ ໂຄງການມີເປົ້າໝາຍ ຈະສະໜອງກະແສໄຟຟ້າ ເພື່ອການຊົມໃຊ້ຢູ່ພາຍໃນປະເທດ.
ຂ່າວ: ທະນູທອງ
ຂໍ້ມູນ-ພາບ: ເວບໄຊກະຊວງພະລັງງານ
KPL
