ຂປລ
ອົງການອາຫານ ແລະ ກະເສດແຫ່ງ ອົງການ ສະຫະ ປະຊາຊາດ (FAO) ໄດ້ເຜີຍແຜ່ ຂໍ້ມູນວ່າ: ດັດສະນີ ລາຄາ ອາຫານ ຂອງໂລກ ໃນປີ 2024 ແມ່ນ 122, ຫລຸດຕ່ຳລົງ 2,1% ເມື່ອທຽບໃສ່ປີ 2023.
ຂປລ.ວິທະຍຸ ສາກົນ ແຫ່ງ ສປ ຈີນ, ອົງການອາຫານ ແລະ ກະເສດແຫ່ງ ອົງການ ສະຫະ ປະຊາຊາດ (FAO) ໄດ້ເຜີຍແຜ່ ຂໍ້ມູນວ່າ: ດັດສະນີ ລາຄາ ອາຫານ ຂອງໂລກ ໃນປີ 2024 ແມ່ນ 122, ຫລຸດຕ່ຳລົງ 2,1% ເມື່ອທຽບໃສ່ປີ 2023. ສາເຫດ ຕົ້ນຕໍ ຍ້ອນວ່າ ລາຄາຂອງ ພືດພັນ ທັນຍາຫານ ແລະ ນ້ຳຕານ ຫລຸດຕ່ຳລົງ ຢ່າງຫລວງຫລາຍ, ເຖິງວ່າ ລາຄາ ຂອງນ້ຳມັນພືດ ຜະລິດ ຕະພັນນົມ ແລະ ປະເພດຊິ້ນ ສູງຂຶ້ນ ໃນລະດັບໃດໜຶ່ງກໍຕາມ, ແຕ່ບໍ່ມີຜົນສະທ້ອນ ຫລາຍປານໃດ.ນອກນີ້, ຂໍ້ມູນທີ່ເຜີຍແຜ່ ໂດຍອົງການ FAO ສະແດງ ໃຫ້ເຫັນວ່າ, ດັດສະນີ ລາຄາອາຫານ ໃນເດືອນທັນວາປີ 2024 ຜ່ານມາແມ່ນ 127, ຫລຸດຕ່ຳລົງ 0,5% ເມື່ອທຽບໃສ່ ເດືອນພະຈິກປີ 2024, ສາເຫດຕົ້ນຕໍ ແມ່ນຍ້ອນວ່າ ລາຄານ້ຳຕານ ໄດ້ຫລຸດຕ່ຳລົງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
