ຂປລ
ປະຊາຊົນ ອາເມລິກາ ທີ່ເຂົ້າຮ່ວມ ການສຳຫລວດ 2.121 ຄົນເຂົ້າຮ່ວມ. ສ່ວນຫລາຍ ກໍເປັນຫ່ວງຫລາຍ ຕໍ່ການແລມອງ ສຳລັບປີ 2025 ໂດຍຄາດຄະເນວ່າ ການປະທະກັນ ດ້ານການເມືອງ, ຄວາມຫຍຸ້ງຍາກດ້ານເສດຖະກິດ ແລະ ການປະທະກັນໃນສາກົນ ຈະເປັນສິ່ງນຳພາໃນປີ 2025.
ຂປລ.ວິທະຍຸ ສາກົນແຫ່ງ ສປ ຈີນ,ອີງຕາມ ໜັງສືພິມ The Hill ຂອງ ສ.ອາເມລິກາ ລາຍງານ ເມື່ອບໍ່ດົນມານີ້ ໂດຍອ້າງ ຕາມຜົນ ການສຳຫລວດ ປະຊາມະຕິ Gallup ສະບັບ ຫລ້າສຸດ ສະແດງໃຫ້ເຫັນວ່າ: ປະຊາຊົນ ອາເມລິກາ ທີ່ເຂົ້າຮ່ວມ ການສຳຫລວດ 2.121 ຄົນ ເຂົ້າຮ່ວມ. ສ່ວນຫລາຍ ກໍເປັນຫ່ວງຫລາຍ ຕໍ່ການແລມອງ ສຳລັບປີ 2025 ໂດຍຄາດຄະເນວ່າ ການປະທະກັນ ດ້ານການເມືອງ, ຄວາມຫຍຸ້ງຍາກດ້ານເສດຖະກິດ ແລະ ການປະທະກັນໃນສາກົນ ຈະເປັນສິ່ງນຳພາໃນປີ 2025.ຜົນການສຳຫລວດ ສະແດງໃຫ້ເຫັນວ່າ: ຜູ້ຕອບແບບສອບຖາມ 76% ເຫັນວ່າ ໃນປີ 2025, ອາເມລິກາ ຈະເກີດ ການປະທະກັນ ດ້ານການເມືອງ ເປັນຫລັກ ແຕ່ບໍ່ແມ່ນ ການຮ່ວມມື. ພ້ອມກັນນັ້ນ, ຜູ້ຕອບແບບ ສອບຖາມ 56% ຄາດຄະເນວ່າ: ເສດຖະກິດ ຈະຜະເຊີນໜ້າກັບ ຄວາມຫຍຸ້ງຍາກ ຫລາຍກວ່າເກົ່າ ຫາກບໍ່ແມ່ນ ຄວາມຈະເລີນຮຸ່ງເຮືອງ. ຜູ້ຕອບແບບສອບຖາມ 67% ເຫັນວ່າ ສະຖານະການ ສາກົນ ຈະເຄັ່ງຕຶງ ຂຶ້ນອີກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
