ຂປລ
ເຈົ້າໜ້າທີ່ ຍີ່ປຸ່ນ ປະກາດ ເຕືອນປະຊາຊົນ ກ່ຽວກັບ ຫິມະ ລະລາຍ ອາດເຮັດໃຫ້ເກີດ ເຫດດິນເຈື່ອນ ໃນພື້ນທີ່ ຫິມະປົກຄຸມ ໂດຍສະເພາະ ໃນແຂວງ ອາໂອໂມຣິ ທາງພາກເໜືອສຸດ ຂອງເກາະ ຮອນຊູ ເພາະມີຫລາຍເມືອງ ທີ່ມີ ຫິມະຕົກ ຢ່າງໜັກ ສູງກວ່າ 1 ແມັດ
ຂປລ.ຕາມຂ່າວຈາກໂຕກຽວ,ວັນທີ5ທັນວານີ້, ເຈົ້າໜ້າທີ່ ຍີ່ປຸ່ນ ປະກາດ ເຕືອນປະຊາຊົນ ກ່ຽວກັບ ຫິມະ ລະລາຍ ອາດເຮັດໃຫ້ເກີດ ເຫດດິນເຈື່ອນ ໃນພື້ນທີ່ ຫິມະປົກຄຸມ ໂດຍສະເພາະ ໃນແຂວງ ອາໂອໂມຣິ ທາງພາກເໜືອສຸດ ຂອງເກາະ ຮອນຊູ ເພາະມີຫລາຍເມືອງ ທີ່ມີ ຫິມະຕົກ ຢ່າງໜັກ ສູງກວ່າ 1 ແມັດ ຫລັງຈາກ ສຳນັກງານ ອຸຕຸນິຍົມວິທະຍາ ຂອງຍີ່ປຸ່ນ ເຕືອນວ່າ: ຫລາຍພື້ນທີ່ ຕັ້ງແຕ່ ທາງພາກເໜືອ ໄປຈົນເຖິງ ພາກຕາເວັນຕົກ ຂອງຍີ່ປຸ່ນ ຜະເຊີນກັບ ສະພາບ ອາກາດ ໜາດແຮງ ໃນໄລຍະນີ້ ຂະນະທີ່ ໃຈກາງ ນະຄອນຫລວງ ໂຕກຽວ ມີອຸນຫະພູມ ຕ່ຳສຸດ ເປັນປະຫວັດສາດ ໃນລະດັບ ຕິດລົບ 24,6 ອົງສາເຊ ໂດຍສະເພາະ ເມືອງຣິກຸເບດສຶ ແຂວງຮອກໄກໂດ ທາງພາກເໜືອ ຂອງປະເທດ.ຂະນະທີ່ ເມືອງສຸວະ ແຂວງນາກາໂນ ທາງພາກກາງ ຂອງເກາະຮອນຊູ ທີ່ເປັນເກາະຫລັກ ຂອງປະເທດ ອຸນຫະພູມ ຕິດລົບ 6,9 ອົງສາເຊ, ເມືອງໄຊຕາມະ ໃກ້ນະຄອນຫລວງໂຕກ່ຽວ ອຸນຫະພູມຕິດລົບ 4,1% ແລະ ເມື່ອງອື່ນໆ ອຸນຫະພູມ ຫລຸດຕ່ຳລົງ ຢ່າງຕໍ່ເນື່ອງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
