ຂປລ
ປີ 2024ເປັນປີຮ້ອນທີ່ສຸດຂອງປະເທດ ນັບຕັ້ງແຕ່ປີ 1901, ເນື່ອງຈາກການປ່ຽນແປງ ສະພາບອາກາດຢ່າງຮຸນແຮງ ທີ່ເກີດຂຶ້ນທົ່ວໂລກ. ອຸນຫະພູມອາກາດ ສະເລ່ຍປີ2024 ຢູ່ອິນເດຍ ສູງກວ່າ ອຸນຫະພູມ ສະເລ່ຍໃນໄລຍະປີ 1901-2020ເຖິງ 0,65 ອົງສາ
ຂປລ.ສຳນັກຂ່າວ ເອເອຟພີ, ກົມອຸຕຸນິຍົມ ວິທະຍາຂອງ ອິນເດຍ ເປີດເຜີຍວ່າ: ປີ 2024ເປັນປີຮ້ອນທີ່ສຸດ ຂອງປະເທດ ນັບຕັ້ງແຕ່ປີ 1901, ເນື່ອງຈາກການປ່ຽນແປງ ສະພາບ ອາກາດ ຢ່າງຮຸນແຮງ ທີ່ເກີດຂຶ້ນທົ່ວໂລກ. ອຸນຫະພູມອາກາດ ສະເລ່ຍປີ2024 ຢູ່ອິນເດຍ ສູງກວ່າ ອຸນຫະພູມ ສະເລ່ຍໃນໄລຍະປີ 1901-2020ເຖິງ 0,65 ອົງສາ, ເຮັດໃຫ້ອິນເດຍ ຜະ ເຊີນກັບ ຄື້ນຄວາມຮ້ອນ ເປັນເວລາດົນທີ່ສຸດ ເມື່ອປີຜ່ານມາ, ຊຶ່ງມີອຸນຫະພູມ ເພີ່ມຂຶ້ນສູງກວ່າ 45%. ໂດຍສະເພາະ ເດືອນພຶດສະພາ ໃນນະຄອນຫລວງ ນີວແດນລີ ມີອຸນຫະພູມ ສູງສຸດເປັນປະຫວັດສາດ.
ອິນເດຍ ເປັນປະເທດທີ່ ປ່ອຍແກັສ ເຮືອນແກ້ວຫລາຍ ເປັນອັນດັບ3 ຂອງໂລກ ແຕ່ໃຫ້ຄຳໝັ້ນສັນຍາ ທີ່ຈະບັນລຸເປົ້າໝາຍ ເສດຖະກິດປອດການປ່ອຍມົນລະພິດ ສຸດທິພາຍໃນປີ 2070 ຊຶ່ງເປັນຕົວເລກ ຊ້າກວ່າປະເທດ ອຸດສາຫະກຳສ່ວນໃຫຍ່ໃນໂລກ ທາງພາກຕາເວັນຕົກເຖິງ 2 ທົດສະວັດ, ປັດຈຸບັນ ອິນເດຍຍັງເພິ່ງພາ ຖ່ານຫີນ ເປັນຫລັກໃນການຜະລິດໄຟຟ້າ./
KPL
