ຂປລ
ສປຈີນ ເລັ່ງດຳເນີນແຜນລິເລີ່ມ ການເບິ່ງແຍງຜູ້ສູງອາຍຸ, ໃນຂະນະທີ່ ປະເທດ ພວມຮັບມືກັບ ຄວາມ ທ້າທາຍ ຈາກພາວະປະຊາກອນສູງອາຍຸ. ປັດຈຸບັນ ປະຊາກອນສູງອາຍຸ ໄດ້ກວມເອົາອັດຕາສ່ວນຫລາຍກວ່າ ໜຶ່ງໃນຫ້າຂອງພົນລະເມືອງ ສປຈີນ.
ຂປລ.ສຳນັກຂ່າວ ຊິນຮວາຂອງ ສປຈີນ,ເມື່ອບໍ່ດົນມານີ້ ສປຈີນ ເລັ່ງດຳເນີນແຜນລິເລີ່ມ ການເບິ່ງແຍງຜູ້ສູງອາຍຸ, ໃນຂະນະທີ່ ປະເທດ ພວມຮັບມືກັບຄວາມທ້າທາຍຈາກພາວະປະຊາກອນສູງອາຍຸ. ປັດຈຸບັນ ປະຊາກອນສູງອາຍຸ ໄດ້ກວມເອົາອັດຕາສ່ວນຫລາຍກວ່າ ໜຶ່ງໃນຫ້າຂອງພົນລະເມືອງ ສປຈີນ.
ກອງປະຊຸມ ກິດຈະການ ພົນລະເຮືອນ ລະດັບປະເທດທີ່ຜ່ານມາ ໄດ້ຈັດການຄວາມຄືບໜ້າກ່ຽວກັບ ການສົ່ງເສີມ ເບິ່ງແຍງຜູ້ສູງອາຍຸຢູ່ເຮືອນ, ບ້ານພັກຜູ້ສູງອາຍຸ ແລະ ການຄຸ້ມຄອງຜູ້ສູງອາຍຸ ໃນປີ 2024 ລວມເຖິງມາດຕະການໃໝ່ ໃນປີ 2025 ເພື່ອແນໃສ່ໃຫ້ ສອດຄ່ອງກັບ ຄ່ານິຍົມ ຄອບຄົວແບບດັ້ງເດີມ, ຕອບສະໜອງຄວາມຕ້ອງການຂອງ ຜູ້ສູງອາຍຸ ໂດຍສ່ວນໃຫຍ່ທີ່ມີຄວາມປະຖາໜາ ໃນສະຖານທີ່ເດີມ(Aging in Place).
ລັດຖະບານກາງ ສປຈີນ ໄດ້ຈັດສັນງົບປະມານ 300 ລ້ານຢວນ ໃນປີ 2024 ເພື່ອສະໜັບສະໜູນ ໂຄງການຊ່ວຍເຫລືອ ດ້ານອາຫານໃຫ້ແກ່ຜູ້ສູງອາຍຸ ທົ່ວປະເທດ ແລະ ການຊ່ວຍຈັດຕຽງຄົນເຈັບໃນເຮືອນ ຈໍານວນ 3,58 ແສນຕຽງ. ນອກຈາກນັ້ນການເບິ່ງແຍງຢູ່ສະຖາບັນ ກໍມີຄວາມກ້າວໜ້າຢ່າງຫລວງຫລາຍ. ປັດຈຸບັນ ສປຈີນ ມີສະຖາບັນ ແລະ ສະຖານເບິ່ງແຍງຜູ້ສູງອາຍຸ 4,04 ແສນແຫ່ງ (ນັບເຖິງເດືອນຕຸລາປີ 2024).ໃນຂະນະທີ່ ກະຊວງກິດຈະການ ພົນລະເຮືອນຂອງສປຈີນ ພວມສຸມໃສ່ນະໂຍບາຍໃນປີ 2025 ເພື່ອສົ່ງເສີມສັງຄົມ ໃຫ້ມີສ່ວນຮ່ວມດ້ານການດູແລຜູ້ສູງອາຍຸ ແລະ ການຄຸ້ມຄອງສິດທິ ຕາມກົດໝາຍຂອງຜູ້ສູງອາຍຸເພີ່ມຂຶ້ນ./
KPL
