ຂປລ
ລັດຖະບານ ສ.ອາເມລິກາ ຢືນຢັນການປັບຂຶ້ນພາສີສິນຄ້າ ນໍາເຂົ້າຈາກ ສປຈີນ ເພີ່ມເຕີມ, ຊຶ່ງລວມເຖິງ ສ່ວນປະກອບ ແຜງໂຊລາຣເຊລ ທີ່ສຳຄັນ ຖືເປັນຄວາມພະຍາຍາມ ຄັ້ງຫລ້າສຸດ ຂອງປະເທດ ໃນການປົກປ້ອງ ພາກສ່ວນພະລັງງານສີຂຽວ ທີ່ຂະຫຍາຍຕົວ ຢ່າງຕໍ່ເນື່ອງ.
ຂປລ.ສຳນັກຂ່າວ ເອເອຟພີ, ລັດຖະບານ ສ.ອາເມລິກາ ຢືນຢັນການປັບຂຶ້ນພາສີສິນຄ້າ ນໍາເຂົ້າຈາກ ສປຈີນ ເພີ່ມເຕີມ, ຊຶ່ງລວມເຖິງ ສ່ວນປະກອບ ແຜງໂຊລາຣເຊລ ທີ່ສຳຄັນ ຖືເປັນຄວາມພະຍາຍາມ ຄັ້ງຫລ້າສຸດ ຂອງປະເທດ ໃນການປົກປ້ອງ ພາກສ່ວນພະລັງງານສີຂຽວ ທີ່ຂະຫຍາຍຕົວ ຢ່າງຕໍ່ເນື່ອງ. ການເຄື່ອນໄຫວຫລ້າສຸດ ທີ່ປະກາດ ໂດຍສຳນັກງານ ຄະນະຜູ້ແທນການຄ້າ ສ.ອາເມລິກາ (ຢູເອສທີອາຣ) ຖືເປັນການສະຫລຸບ ການກວດກາ ມາດຕະການພາສີ ຊຶ່ງບັງຄັບໃຊ້ ໃນໄລຍະ ລັດຖະບານ ຊຸດທຳອິດຂອງ ທ່ານ ໂດນັນ ທຣຳ, ວ່າທີປະທານາທິບໍດີ ສ.ອາເມລິກາ.
ຂະນະທີ່ ອັດຕາພາສີສຳລັບ ແຜ່ນເວເຟີຣໂຊລາຣເຊລ ແລະ ໂພລີຊີລິຄອນ ຈະເພີ່ມຂຶ້ນ 2 ເທົ່າເປັນ 50% ໃນເດືອນມັງກອນ ທີ່ຈະມາເຖິງ, ສ່ວນອັດຕາພາສີ ສຳລັບຜະລິດຕະພັນ ທັງສະເຕນ (Tungsten)ບາງປະເພດ ຈະເພີ່ມຂຶ້ນຈາກ 0% ເປັນ 25%.
ການປັບຂຶ້ນອັດຕາພາສີ ທີ່ປະກາດດັ່ງກ່າວນີ້ ຈະຊ່ວຍຫລຸດ ຄວາມຮຸນແຮງ ໃນນະໂຍບາຍ ແລະ ແນວປະຕິບັດ ທີ່ເປັນອັນຕະລາຍ ຕໍ່ສປຈີນ . ຊຶ່ງການດຳເນີນການ ເບື້ອງຕົ້ນ ຈະສົ່ງເສີມ ການລົງທຶນ ພາຍໃນປະເທດ ເພື່ອກະຕຸ້ນ ເສດຖະກິດ ພະລັງງານສະອາດ ຂອງປະເທດ./.
KPL
