ຂປລ
ມາເລເຊຍ ເປີດຕົວສຳນັກງານ ປັນຍາປະດິດແຫ່ງຊາດ (NAIO) ເພື່ອກຳກັບດູແລ ແລະ ກຳນົດນະໂຍບາຍ ຂອງພາກສ່ວນ ເອໄອ ໃນປະເທດ ທີ່ພວມເຕີບໂຕ , ໂດຍຕັ້ງເປົ້າໝາຍ ຊຸກຍູ້ໃຫ້ ມາເລເຊຍ ກາຍເປັນສູນກາງ ເອໄອ ລະດັບພາກພື້ນ.
ຂປລ.ສຳນັກຂ່າວ ຊິນຮວາຂອງ ສປຈີນ, ວັນທີ 12 ທັນວາ, ມາເລເຊຍ ເປີດຕົວສຳນັກງານ ປັນຍາປະດິດແຫ່ງຊາດ (NAIO) ເພື່ອກຳກັບດູແລ ແລະ ກຳນົດນະໂຍບາຍ ຂອງພາກສ່ວນ ເອໄອ ໃນປະເທດ ທີ່ພວມເຕີບໂຕ , ໂດຍຕັ້ງເປົ້າໝາຍ ຊຸກຍູ້ໃຫ້ ມາເລເຊຍ ກາຍເປັນສູນກາງ ເອໄອ ລະດັບພາກພື້ນ. ຖະແຫລງການຈາກທ່ານ ໂກບິນ ຊິງ ເດໂອ, ລັດຖະມົນຕີກະຊວງ ດິຈິຕອນ ຂອງມາເລເຊຍ ລະບຸວ່າ: ສຳນັກງານ ເປັນແຜນລິ່ເລີ່ມ ຊຶ່ງກົນທະຍຸດ ພາຍໃຕ້ການກຳກັບດູແລ ຂອງກະຊວງ ຊຶ່ງຈັດຕັ້ງຂຶ້ນ ເພື່ອສ້າງ ມາເລເຊຍ ໃຫ້ເປັນຜູ້ນໍາ ດ້ານເອໄອ ລະດັບພາກພື້ນ ແລະ ເປັນຜູ້ຂັບເຄື່ອນ ການປ່ຽນຜ່ານ ສູ່ດີຈິຕອນ ລະດັບໂລກ.
ຊຶ່ງສຳນັກງານ ຕັ້ງເປົ້າໝາຍ ຈະແກ້ໄຂບັນຫາ ຄວາມທ້າທາຍ ລະດັບທ້ອງຖິ່ນ ແລະ ລະດັບໂລກ ພ້ອມທັງສົ່ງເສີມການພັດທະນາ ທີ່ຍືນຍົງ, ໂດຍຈະເນັ້ນງານສົ່ງເສີມ ນະວັດຕະກຳ , ຍົກລະດັບຄວມຮ່ວມມື ຂ້າມພາກສ່ວນ ຕະຫລອດຈົນ ບູລະນະການ ເອໄອ ເຂົ້າກັບກອບການເຮັດວຽກ ຂອງລັດຖະບານ ອຸດສາຫະກຳ ແລະ ສັງຄົມ.
ທາງສຳນັກງານຈະເປັນຜູ້ນຳ ຄວາມພະຍາຍາມ ດ້ານການວິໄຈ, ການປະຍຸກໃຊ້ ແລະ ການໃຊ້ງານ ເຊິງການຄ້າ ກ່ຽວກັບ ເອໄອ, ເພື່ອສົ່ງເສີມ ເສດຖະກິດ ດີຈິຕອນ ແລະ ປັບປຸງບໍລິການ ສາທາລະນະ. ຂະນະທີ່ ມາເລເຊຍ ກາຍເປັນຈຸດໝາຍ ການລົງທຶນລະດັບພາກພື້ນ ຊັ້ນນໍາ ສຳລັບອຸດສາຫະກຳ ເຕັກໂນໂລຊີຂັ້ນສູງຈຳນວນຫລາຍ ຕະຫລອດໄລ ຍະປີຜ່ານມາ ຊຶ່ງດຶງດູດການລົງທຶນໃນດ້ານ ສູນຂໍ້ມູນ, ຄລາວ ແລະ ໂຄງການເອໄອ./.
KPL
