ຂປລ
ໃນວາລະດຳເນີນກອງປະຊຸມສະຫລຸບວຽກງານສັນຕິບານ ປະຈຳປີ 2025 ແລະ ວາງທິດທາງແຜນການ ປີ 2026 ໃນວັນທີ 3 ມີນາ 2026.
ຂປລ. ທ່ານ ພົທ ວັນທອງ ກອງມະນີ ລັດຖະມົນຕີກະຊວງປ້ອງກັນຄວາມສະຫງົບ (ປກສ) ໄດ້ເນັ້ນໃຫ້ກຳລັງສັນຕິບານຍົກລະດັບຄວາມສາມາດດ້ານວິຊາສະເພາະໃຫ້ທັນສະໄໝ, ນຳໃຊ້ ເຄື່ອງມືທີ່ທັນສະໄໝເຂົ້າໃນການປະຕິບັດໜ້າທີ່ ເພື່ອຕອບໂຕ້ກັບອາຊະຍາກຳຮູບແບບໃໝ່ ແລະ ອາ ຊະຍາກຳທາງຄອມພິວເຕີ.
ພ້ອມນ້ີ, ຄະນະພັກ-ຄະນະບັນຊາແຕ່ລະຂັ້ນ ແລະ ນາຍ-ພົນຕຳຫລວດ ທຸກສະຫາຍຕ້ອງຍົກສູງວຽກງານການເມືອງ-ນຳພາແນວຄິດ, ຕ້ອງກຳແໜ້ນແນວທາງຂອງພັກ, ເພ່ີມທະວີຄວາມຈົງຮັກພັກດີ, ກໍ່ສ້າງກຳລັງສັນຕິບານໃຫ້ມີຄວາມເຂັ້ມແຂງ, ມີຈັນຍາບັນ ແລະ ເປັນກຳລັງທີ່ໄວ້ເນື້ອເຊື່ອໃຈໄດ້ຂອງປະຊາຊົນ; ຕ້ອງເປັນເຈົ້າການໃນການຕິດຕາມ, ເກັບກຳ ແລະ ວິເຄາະວິໄຈຂໍ້ມູນຂ່າວສານທັງພາຍໃນ ແລະ ຕ່າງປະເທດໃຫ້ທັນການ ເພື່ອສະກັດກັ້ນທຸກກົນອຸບາຍມ້າງເພທຳລາຍຂອງກຸ່ມຄົນບ່ໍດີທີ່ຫວັງສ້າງຄວາມບ່ໍສະຫງົບ; ໃຫ້ສືບຕ່ໍຫັນກຳລັງລົງກໍ່ສ້າງຮາກຖານການເມືອງຢ່າງແທ້ຈິງ, ເຮັດໃຫ້ວຽກງານປ້ອງກັນຄວາມສະຫງົບກາຍເປັນພາລະກິດຂອງທົ່ວປວງຊົນ, ສ້າງໃຫ້ປະຊາຊົນເປັນຫູເປັນຕາຊ່ວຍເຈົ້າໜ້າທີ່; ຕ້ອງເພີ່ມທະວີການພົວພັນຮ່ວມມືກັບບັນດາປະເທດເພື່ອນມິດຍຸດທະສາດ ແລະ ອົງການຈັດຕັ້ງສາກົນ ເພື່ອແລກປ່ຽນຂໍ້ມູນຂ່າວສານ ແລະ ປະສົບການໃນການຕ້ານອາຊະຍາກຳຂ້າມຊາດ.
ຂ່າວ: ກິດຕາ
KPL
