ຫລີກ-ລີກ- ຫລຸ ແລະ ລຸ ໃນພາສາລາວ

10/03/2026 13:59
Email Print 51
ຂປລ ຂປລ. ສືບຕໍ່ນໍາເອົາບັນດາ ຄໍາ ທີ່ມີຕົວແກນເປັນອັກສອນສູງ ແລະ ຕໍ່າ, ມີສະຫລະ ແລະ ຕົວ ສະກົດຕາຍ ມານໍາສະເໜີຕື່ມອີກ ໃນບົດນີ້ ເພື່ອທົບທວນນໍາກັນ ໃຫ້ ການຂຽນຖືກຕາມຫລັກການຂີດ ຂຽນພາສາລາວ. ຄໍາ “ຫລີກ” ເປັນຄໍາກໍາມະ ໝາຍເຖິງ ເວັ້ນ, ຜີກ, ຫຍັບອອກ ຈາກທາງ ເຊັ່ນ ຫລີກທາງ, ຫລີກ ເວັ້ນ, ຫລີກເສື້ອມາພໍ້ແຂ້... ຄໍາ “ລີກ” ເປັນຄໍານາມ ໝາຍ ເຖິງ ໄມ້ດິ້ວນ້ອຍໆ ແລະ ຍາວ;ຖັກ
ຂປລ. ສືບຕໍ່ນໍາເອົາບັນດາ ຄໍາ ທີ່ມີຕົວແກນເປັນອັກສອນສູງ ແລະ ຕໍ່າ, ມີສະຫລະ ແລະ ຕົວ ສະກົດຕາຍ ມານໍາສະເໜີຕື່ມອີກ ໃນບົດນີ້ ເພື່ອທົບທວນນໍາກັນ ໃຫ້ ການຂຽນຖືກຕາມຫລັກການຂີດ ຂຽນພາສາລາວ. ຄໍາ “ຫລີກ” ເປັນຄໍາກໍາມະ ໝາຍເຖິງ ເວັ້ນ, ຜີກ, ຫຍັບອອກ ຈາກທາງ ເຊັ່ນ ຫລີກທາງ, ຫລີກ ເວັ້ນ, ຫລີກເສື້ອມາພໍ້ແຂ້... ຄໍາ “ລີກ” ເປັນຄໍານາມ ໝາຍ ເຖິງ ໄມ້ດິ້ວນ້ອຍໆ ແລະ ຍາວ;ຖັກ ຫລື ຕອກໃສ່ກັນໃຫ້ເປັນແຜ່ນ ສໍາລັບປູເຮືອນ, ຖຽງນາ, ຮ້ານ ນັ່ງຫລິ້ນຢູ່ກາງບ້ານ. ນອກນັ້ນ ຍັງໝາຍເຖິງໄມ້ດິ້ວ ທີ່ຕອກເປັນ ຮົ້ວ ມັກເອີ້ນວ່າຮົ້ວໄມ້ລີກ. ລີກ ຍັງເປັນຊື່ຂອງນໍ້າສາຍໜຶ່ງທີ່ສໍາ ຄັນຢູ່ແຂວງວຽງຈັນ ຄື ນໍ້າລີກ. ສ່ວນຄໍາວ່າ “ຫລຸ” ເປັນຄໍາ ກໍາມະ ໝາຍເຖິງ ໄຫລອອກ, ຊອດ ເຊັ່ນ ກະຕ່າກົ້ນຊອດ ເອີ້ນ ກະຕ່າກົ້ນຫລຸ, ດັ່ງຄໍາຜະຫຍາ “ບາດວ່າຕ້ອນເຈົ້າຫລຸ ຄູເຈົ້າຮົ້ງ ຊິພາຍຂ້ອງປື່ງດັງ”. ຄໍາສອງ ພະຍາງ ຍັງມີຄໍາ ຫລຸຫລັ່ງ ເຊິ່ງ ເປັນຄໍາຄຸນນາມ ໝາຍເຖິງ ໄຫລ ອອກຫລາຍ, ໄປ ຫລື ມາຫລາຍໆ; ຫລາຍ. ຄໍາ “ລຸ” ເປັນຄໍາກໍາມະ ໝາຍ ເຖິງ, ລ່ວງ, ຊຸອອກ, ຖ່າຍອອກ, ທັ່ງອອກ, ເອົາຂອງເກົ່າ ຫລື ຂອງ ທີ່ບໍ່ຕ້ອງການອອກໃຫ້ໝົດ, ໄດ້, ທັ່ງຂໍ້ໄມ້ໃຫ້ຊອດ ເຊັ່ນ: ລຸປ້ອງໄມ້, ບັນລຸຈຸດປະສົງ. ຄໍາວ່າ “ລຸ” ເປັນ ຄໍາຄຸນນາມ ໝາຍເຖິງ ໂຊກດີ, ມີ ລາບ. ຄໍາສອງພະຍາງ ຍັງມີ ຄໍາ ວ່າ ລຸລ່ວງ... ດັ່ງນັ້ນ ຈຶ່ງນໍາມາເພື່ອສຶກສາ ຮ່ວມກັນຄືດັ່ງນີ້ແລ, ພໍ້ກັນໃໝ່ໃນ ບົດຕໍ່ໄປ.
KPL

ຂ່າວອື່ນໆ

ads
ads

Top