ຂປລ
ຂປລ. ໃນວັນທີ 5 ພະຈິກ 2024 ນີ້, ບໍລິສັດ ລັດວິສາຫະກິດ ຫວຍພັດທະນາ ຈັດພິທີມອບເງິນລາງວັນ ໃຫ້ຜູ້ໂຊກດີ ທີ່ຖືກຫວຍລາສີ ລາງວັນທີ 1 ເລກ 6 ລາສີລຽງ ມູນຄ່າ 2,4 ຕື້ກີບ ແລະ ຜູ້ໂຊກດີ ລາງວັນທີ 1 ເລກ 6 ລາສີລຽງ ແລະ 5 ລາສີທ້າຍ ມູນຄ່າ 816 ລ້ານກີບ
ຂປລ. ໃນວັນທີ 5 ພະຈິກ 2024 ນີ້, ບໍລິສັດ ລັດວິສາຫະກິດ ຫວຍພັດທະນາ ຈັດພິທີມອບເງິນລາງວັນ ໃຫ້ຜູ້ໂຊກດີ ທີ່ຖືກຫວຍລາສີ ລາງວັນທີ 1 ເລກ 6 ລາສີລຽງ ມູນຄ່າ 2,4 ຕື້ກີບ ແລະ ຜູ້ໂຊກດີ ລາງວັນທີ 1 ເລກ 6 ລາສີລຽງ ແລະ 5 ລາສີທ້າຍ ມູນຄ່າ 816 ລ້ານກີບ ຕາງໜ້າມອບລາງວັນໂດຍ ທ່ານ ຄໍາເຜັ່ນ ບຸບຜາວົງ ຜູ້ອໍານວຍການບໍລິສັດ ລັດວິສາຫະກິດ ຫວຍພັດທະນາ, ມີທ່ານ ນາງ ຕຸລາວັນ ວັນນະພົມ ຮອງອໍານວຍການບໍລິສັດ ອິນຊີເທຣດດິ້ງ ຈໍາກັດຜູ້ດຽວ ແລະ ທ່ານ ນາງ ລູກສອນ ພະສີຫາຄົມ ຕາງໜ້າຮອງຜູ້ອໍານວຍການບໍລິສັດ ຮ່ວມທຶນຫວຍລາສີ ເຂົ້າຮ່ວມເປັນສັກຂີພິຍານ.
ຜູ້ໂຊກດີທີ່ຖືກລາງວັນຄັ້ງນີ້, ແມ່ນ ທ່ານນາງ ພຸດດາວອນ ສີຊານົນ, ອາຍຸ 25 ປີ, ອາຊີບພະນັກງານ, ປັດຈຸບັນ ຢູ່ບ້ານເຊກອງ ເມືອງສາມັກຄີໄຊ ແຂວງອັດຕະປື ໂດຍໄດ້ຊື້ເລກ ຜ່ານແອັບອິນຊີຮັບ (Insee Hub) ເທິງມືຖື, ຊື້ ງວດທີ 94 ອອກວັນທີ 28 ພະຈິກ 2024, ເລກທີ່ອອກ 6 ລາສີລຽງຄື: 12.7.2.10.12.2 ໄດ້ຮັບເງິນລາງວັນ 2,4 ຕື້ກີບ, ມູນຄ່າທີຊື້ແມ່ນ 3.000 ກີບ.
ສ່ວນຜູ້ໂຊກດີຄົນທີ 2 ແມ່ນ ທ່ານ ເພັດ, ອາຍຸ 32 ປີ, ອາຊີບຄ້າຂາຍ, ປັດຈຸບັນ ຢູ່ບ້ານຕາດທອງ ເມືອງສີໂຄດຕະບອງ ນະຄອນຫລວງວຽງຈັນ, ໂດຍຊື້ຜ່ານຄົນຂາຍຫວຍອິນຊີ, ຖືກລາງວັນງວດທີ 95, ອອກວັນທີ 3 ທັນວາ 2024, ຖືກ 6 ລາສີລຽງ ແລະ 5 ລາສີທ້າຍ, ເລກທີອອກ 11.5.10.2.8.1 ໄດ້ຮັບເງິນລາງວັນ 816 ລ້ານກີບ, ມູນຄ່າທີ່ຊື້ 6 ລາສີລຽງ 1.000 ກີບ ແລະ 5 ລາສີທ້າຍ 2.000 ກີບ.
ຫວຍລາສີ ແມ່ນຜະລິດຕະພັນໜຶ່ງຂອງ ບໍລິສັດລັດວິສາຫະກິດ ຫວຍພັດທະນາ ເຊິ່ງກໍານົດຂຶ້ນ ແລະ ຈັດລຽງຕາມຕໍາລາໂຫລາສາດຂອງ 12 ລາສີປີເກີດ ທີ່ມີການເຊື່ອຖືກັນມາຍາວນານ ແລະ ຄຸ້ນເຄີຍກັນດີໃນສັງຄົມ. ຫວຍລາສີ ເລີ່ມຈັດຕັ້ງການອອກເລກລາງວັນ ນັບແຕ່ວັນທີ 2 ມັງກອນ 2024 ເປັນຕົ້ນມາ, ອອກທຸກວັນອັງຄານ ແລະ ວັນພະຫັດ ສາມາດຊື້ຫວຍລາສີໄດ້ ຜ່ານຄົນຂາຍຫວຍອິນຊີ ແລະ ແອັບພິເຄຊັນ ອິນຊີຮັບ (Insee Hub).
ຂ່າວ: ທະນູທອງ
ພາບ: ຂັນໄຊ
KPL
