ຂປລ
ທ່ານ ຟ້າມມິງຈິງ, ນາຍົກ ລັດຖະມົນຕີ ຫວຽດນາມ, ທັງເປັນຫົວໜ້າ ຄະນະຊີ້ນຳ ແຫ່ງລັດ ບັນດາໂຄງການ, ກິດຈະການ ສຳຄັນ ແຫ່ງຊາດ, ມີຈຸດສຸມ ຂອງຂະແໜງ ຄົມມະນາຄົມ ແລະ ຂົນສົ່ງ ເປັນເຈົ້າພາບ ຈັດຕັ້ງກອງປະຊຸມ ຄະນະປະຈຳ ລັດຖະບານ ກັບກະຊວງ ຄົມມະນາຄົມ ແລະ ຂົນສົ່ງ, ຄະນະ ກຳມະການ ປະຊາຊົນ ນະຄອນຮ່າໂນ້ຍ, ນະຄອນ ໂຮ່ຈີມິນ ແລະ ບັນດາກະຊວງ, ຂະແໜງການ ທີ່ກ່ຽວຂ້ອງ ກ່ຽວກັບ ແຜນການລະບົບ ເສັ້ນທາງລົດໄຟ ໃນຕົວເມືອງ ຮ່າໂນ້ຍ ແລະ ນະຄອນໂຮ່ຈີມິນ.
ຂປລ.ວິທະຍຸ ກະຈາຍສຽງ ຫວຽດນາມ, ວັນທີ 5 ທັນວາ, ທ່ານ ຟ້າມມິງຈິງ, ນາຍົກ ລັດຖະມົນຕີ ຫວຽດນາມ, ທັງເປັນຫົວໜ້າ ຄະນະຊີ້ນຳ ແຫ່ງລັດ ບັນດາໂຄງການ, ກິດຈະການ ສຳຄັນ ແຫ່ງຊາດ, ມີຈຸດສຸມ ຂອງຂະແໜງ ຄົມມະນາຄົມ ແລະ ຂົນສົ່ງ ເປັນເຈົ້າພາບ ຈັດຕັ້ງກອງປະຊຸມ ຄະນະປະຈຳ ລັດຖະບານ ກັບກະຊວງ ຄົມມະນາຄົມ ແລະ ຂົນສົ່ງ, ຄະນະ ກຳມະການ ປະຊາຊົນ ນະຄອນຮ່າໂນ້ຍ, ນະຄອນ ໂຮ່ຈີມິນ ແລະ ບັນດາກະຊວງ, ຂະແໜງການ ທີ່ກ່ຽວຂ້ອງ ກ່ຽວກັບ ແຜນການລະບົບ ເສັ້ນທາງລົດໄຟ ໃນຕົວເມືອງ ຮ່າໂນ້ຍ ແລະ ນະຄອນໂຮ່ຈີມິນ. ຜົນສະຫລຸບ ໃນກອງປະຊຸມຄັ້ງນີ້, ທ່ານ ຟ້າມມິງຈິງ ຮຽກຮ້ອງ ໃນວິວັດການ ກໍ່ສ້າງແຜນການ ຕ້ອງມີຈິນຕະນາການ ບຸກທະລຸ, ມີວິໄສທັດ ຍຸດທະສາ, ຍາວນານ, ມີພື້ນຖານ, ທັນສະໄມ, ສັງລວມ, ກວມລວມ, ນຳມາເຊິ່ງປະສິດທິຜົນ ແລະ ຮຽກຮ້ອງເຖິງ ການສ້າງເສັ້ນທາງລົດໄຟ ໃນຕົວເມືອງ ຕ້ອງເລືອກເອົາ ເຕັກໂນໂລຊີ ທີ່ທັນສະໄໝ, ເໝາະສົມກັບເງື່ອນໄຂ ຫວຽດນາມ; ຫັນບັນດາ ແຫລ່ງກຳລັງ ເປັນຫລາຍຮູບແບບ ລວມມີ ແຫລ່ງກຳລັງພາກລັດ, ແຫລ່ງກຳລັງພາກເອກະຊົນ, ການກູ້ຢຶມທຶນ, ການຮ່ວມມື ລະຫວ່າງ ພາກລັດ - ພາກເອກະຊົນ, ສະຫງວນ ແຫລ່ງກຳລັງ, ສຸມໃສ່ ບຳລຸງສ້າງ ແຫລ່ງຊັບພະຍາກອນມະນຸດ ຮັບໃຊ້ ການພັດທະນາ ອຸດສາຫະກຳ ເສັ້ນທາງລົດໄຟ ຢ່າງເຂັ້ມແຂງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
