ຂປລ
ທ່ານ ປຣາໂບໂວ ຊູບຽນໂຕ ປະທານາທິບໍດີ ອິນໂດເນເຊຍ ໄດ້ເດີນທາງໄປຮອດ ນະຄອນຫລວງ ອາບູດາບີ ຂອງ ສະຫະນະຄອນ ເອເມເຣັດ ອາຣັບ ເພື່ອຢ້ຽມຢາມ ທາງລັດຖະກິດ ທີ່ທຳນຽບ ປະທານາທິບໍດີ ສະຫະນະຄອນ ເອເມເຣັດ ອາຣັບ ໄດ້ຈັດພິທີ ຕ້ອນຮັບ ຢ່າງເປັນທາງການ.
ຂປລ.ວິທະຍຸ ສາກົນ ແຫ່ງ ສປ ຈີນ, ເມື່ອບໍ່ດົນມານີ້, ທ່ານ ປຣາໂບໂວ ຊູບຽນໂຕ ປະທານາທິບໍດີ ອິນໂດເນເຊຍ ໄດ້ເດີນທາງໄປຮອດ ນະຄອນຫລວງ ອາບູດາບີ ຂອງ ສະຫະນະຄອນ ເອເມເຣັດ ອາຣັບ ເພື່ອຢ້ຽມຢາມ ທາງລັດຖະກິດ ທີ່ທຳນຽບ ປະທານາທິບໍດີ ສະຫະນະຄອນ ເອເມເຣັດ ອາຣັບ ໄດ້ຈັດພິທີ ຕ້ອນຮັບ ຢ່າງເປັນທາງການ. ທ່ານ ໂມຮຳເມັດບິນ ຈາເຢດ ອັນນາຢານ ປະທານາທິບໍດີ ສະຫະນະຄອນ ເອເມເຣັດ ອາຣັບ ໄດ້ພົບປະກັບ ທ່ານ ປຣາໂບໂວ ຊູບຽນໂຕ. ໂດຍສອງຝ່າຍ ໄດ້ບັນລຸ ສັນຍາ ແລະ ບົດບັນທຶກ ຄວາມເຂົ້າໃຈຕ່າງໆ ໃນຫລາຍຂົງເຂດ ເຊັ່ນ: ວິທະຍາສາດ ເຕັກໂນໂລຊີ, ພະລັງງານ ໝູນວຽນ, ການແພດ ການຮັກສາ ສຸຂະພາບ, ວັດທະນະທຳ, ການທ່ອງທ່ຽວ, ການຂຸດຄົ້ນ ບໍ່ແຮ່, ພື້ນຖານ ໂຄງລ່າງ, ຄວາມທັນສະໄໝ ແລະ ການພັດທະນາ ຂອງລັດຖະບານ, ການລົງທຶນ, ການຂົນສົ່ງ ທາງການບິນສາກົນ ແລະ ອື່ນໆ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
