ຂປລ
ນັບມາຮອດ ທ້າຍປີ 2023, ອັດຕາປົກຄຸມ ປ່າໄມ້ຂອງ ສປ ຈີນ ໄດ້ຫລາຍກວ່າ 25%, ປະລິມານ ສະສົມປ່າໄມ້ ທັງໝົດ ບັນລຸ ຫລາຍກວ່າ 20 ຕື້ແມັດກ້ອນ, ຍອດປະລິມານ ກຳຈັດ ກາກບອນຕໍ່ປີ ບັນລຸ ຫລາຍກວ່າ 1,2 ຕື້ໂຕນ
ຂປລ.ວິທະຍຸ ສາກົນ ແຫ່ງ ສປ ຈີນ, ເມື່ອບໍ່ດົນມານີ້, ທ່ານ ກ່ວນຈື້ເອົ່າ ຫົວໜ້າ ອົງການປ່າໄມ້ ແລະ ທົ່ງຫຍ້າ ແຫ່ງຊາດຈີນ ແນະນຳ ໃນກອງປະຊຸມ ປ່າໄມ້ໂລກ 2024 ທີ່ຈັດຂຶ້ນຢູ່ ນະຄອນ ນານນີງ ເຂດປົກຄອງຕົນເອງ ເຜົ່າຈວ້າງ ກວາງຊີ ຂອງ ສປ ຈີນ ໃຫ້ຮູ້ວ່າ: ນັບມາຮອດ ທ້າຍປີ 2023, ອັດຕາປົກຄຸມ ປ່າໄມ້ຂອງ ສປ ຈີນ ໄດ້ຫລາຍກວ່າ 25%, ປະລິມານ ສະສົມປ່າໄມ້ ທັງໝົດ ບັນລຸ ຫລາຍກວ່າ 20 ຕື້ແມັດກ້ອນ, ຍອດປະລິມານ ກຳຈັດ ກາກບອນຕໍ່ປີ ບັນລຸ ຫລາຍກວ່າ 1,2 ຕື້ໂຕນ, ເນື້ອທີ່ປ່າປູກ ແມ່ນອັນດັບ 1 ໃນທົ່ວໂລກ, ກາຍເປັນປະເທດ ທີ່ມີສີຂຽວ ເພີ່ມຂຶ້ນຫລາຍທີ່ສຸດໃນໂລກ.ຍອດມູນຄ່າ ການຜະລິດ ຂອງຂະແໜງການປ່າໄມ້ ແລະ ທົ່ງຫຍ້າ ຂອງ ສປ ຈີນ ຫລາຍກວ່າ 9.000 ຕື້ຢວນ, ກາຍເປັນປະເທດ ໃຫຍ່ທີ່ສຸດໃນດ້ານການຄ້າ, ການຜະລິດ ແລະ ການບໍລິໂພກ ຜະລິດ ຕະພັນປ່າໄມ້ ຕົ້ນຕໍ. ກອງປະຊຸມ ດັ່ງກ່າວ ມີຫົວຂໍ້ວ່າ “ຂະແໜງການປ່າໄມ້ ຮ່ວມມືກັນ ສ້າງພາລະກິດ: ນຳພາ ຂະແໜງ ການປ່າໄມ້ ພັດທະນາ ຢ່າງມີຄຸນນະພາບສູງ ດ້ວຍການປະດິດສ້າງໃໝ່”, ບຸກຄົນ, ນັກວິຊາການ ແລະ ຊ່ຽວຊານ ທີ່ມາຈາກ ພາກສ່ວນປ່າໄມ້, ອົງການຈັດຕັ້ງສາກົນ ແລະ ວິສາຫະກິດ ທີ່ມີຊື່ສຽງ ໃນສາກົນ ໃນດ້ານຂະແໜງ ການປ່າໄມ້ ໄດ້ເຂົ້າຮ່ວມ ກອງປະຊຸມ, ມີວິສາຫະກິດ ເກືອບ 1.100 ແຫ່ງ ເຂົ້າຮ່ວມກິດຈະກຳ ທີ່ກ່ຽວຂ້ອງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
