ຂປລ
ຂປລ. ພິທີລົງນາມສັນຍາຮ່ວມມື ໂຄງການພັດທະນາຊັບພະຍາກອນມະນຸດ ທາງດ້ານໄອຊີທີ ລະຫວ່າງ ສະຖາບັນເຕັກໂນໂລຊີ ການສື່ສານຂໍ້ມູນຂ່າວສານ ກະຊວງເຕັກໂນໂລຊີ ແລະ ການສື່ສານ ກັບ ບໍລິສັດ ຮຸ່ງອາລຸນ ເຕັກໂນໂລຊີ ໄດ້ຈັດຂຶ້ນ ໃນວັນທີ 28 ຕຸລາ 2024 ໂດຍການຮ່ວມລົງນາມລະຫວ່າງ ທ່ານ ປະດັບໄຊ ໄຊຍະໂຄດ ຫົວໜ້າສະຖາບັນກະຊວງເຕັກໂນໂລຊີ ແລະ ການສື່ສານ ແລະ ທ່ານ ພຸດ ສີສຸພັນ ອໍານວຍການບໍລິສັດ ຮຸ່ງອາລຸນ ເຕັກໂນໂລຊີ ຈຳກັດ ໂດຍມີພາກສ່ວນກ່ຽວຂ້ອງ ຂອງທັງສອງຝ່າຍ ເຂົ້າຮ່ວມ.
ຂປລ. ພິທີລົງນາມສັນຍາຮ່ວມມື ໂຄງການພັດທະນາຊັບພະຍາກອນມະນຸດ ທາງດ້ານໄອຊີທີ ລະຫວ່າງ ສະຖາບັນເຕັກໂນໂລຊີ ການສື່ສານຂໍ້ມູນຂ່າວສານ ກະຊວງເຕັກໂນໂລຊີ ແລະ ການສື່ສານ ກັບ ບໍລິສັດ ຮຸ່ງອາລຸນ ເຕັກໂນໂລຊີ ໄດ້ຈັດຂຶ້ນ ໃນວັນທີ 28 ຕຸລາ 2024 ໂດຍການຮ່ວມລົງນາມລະຫວ່າງ ທ່ານ ປະດັບໄຊ ໄຊຍະໂຄດ ຫົວໜ້າສະຖາບັນກະຊວງເຕັກໂນໂລຊີ ແລະ ການສື່ສານ ແລະ ທ່ານ ພຸດ ສີສຸພັນ ອໍານວຍການບໍລິສັດ ຮຸ່ງອາລຸນ ເຕັກໂນໂລຊີ ຈຳກັດ ໂດຍມີພາກສ່ວນກ່ຽວຂ້ອງ ຂອງທັງສອງຝ່າຍ ເຂົ້າຮ່ວມ.
ທ່ານ ປະດັບໄຊ ໄຊຍະໂຄດ ໄດ້ໃຫ້ຮູ້ວ່າ: ການຮ່ວມມືດັ່ງກ່າວ, ເປັນແຜນການຂະຫຍາຍຄູ່ຮ່ວມມື ໃນການສ້າງໂຄງການຝຶກອົບຮົມ ຊັບພະຍາກອນມະນຸດ ທາງດ້ານໄອຊີທີ ເພື່ອພັດທະນາ ຊັບພະຍາກອນດ້ານໄອຊີທີ ໃຫ້ກັບພາກລັດ ແລະ ເອກະຊົນ, ເປີດກວ້າງໃຫ້ກັບພະນັກງານ, ນັກສຶກສາ ແລະ ບຸກຄົນທົ່ວໄປທີ່ມີຄວາມສົນໃຈ ຢາກຍົກລະດັບຄວາມຮູ້ດ້ານໄອຊີທີ, ເພື່ອປະກອບສ່ວນຊຸກຍູ້ແນວ ທາງການຫັນ ເປັນດີຈິຕອນ ຂອງລັດຖະບານ ແລະ ຄວາມຮຽກຮ້ອງຕ້ອງການ ຂອງຕະຫລາດແຮງງານ ທາງດ້ານໄອຊີທີ ຢູ່ ສປປ ລາວ. ການເຊັນສັນຍາໃນຄັ້ງນີ້, ສອງຝ່າຍຈະຮ່ວມມື ເພື່ອຝຶກອົບຮົມບຸກຄະລາກອນ ທາງດ້ານໄອຊີທີ ໃນຂອບເຂດທົ່ວປະເທດພາຍໃຕ້ຫົວຂໍ້: ຝຶກອົບຮົມຫລັກສູດການພັດທະນາເວັບໄຊ, ຫລັກສູດການພັດທະນາແອັບມືຖື, ຫລັກສູດຄວາມປອດໄພ ທາງດ້ານເຕັກໂນໂລຊີ, ຫລັກ ສູດການນຳໃຊ້ AI, ຫລັກສູດການວິເຄາະຂໍ້ມູນ, ຫລັກສູດການບໍລິຫານໂຄງການ, ຫລັກສູດການອອກແບບ UX & UI ແລະ ຫລັກສູດການອອກແບບກຣາບຟິກ.
ການຮ່ວມມືໃນຄັ້ງນີ້, ເປັນຂີດໝາຍສໍາຄັນທາງດ້ານ ການພັດທະນາ ຊັບພະຍາກອນມະນຸດ ແລະ ສອດຄ່ອງກັບທິດທາງວິໄສທັດ ແຜນຍຸດທະສາດ ການຫັນເປັນດີຈິຕອນ ເຊິ່ງວຽກງານກໍ່ສ້າງບຸກຄະລາກອນ ອັນເປັນພື້ນຖານ ແລະ ໃຈກາງ ຂອງການຫັນປ່ຽນ ທາງດ້ານເຕັກນິກນະໂຍບາຍ ແລະ ແນວທາງ ໃຫ້ກ້າວໜ້າໃນທ່ວງທ່າທີ່ໝັ້ນຄົງ, ເຂັ້ມແຂງກຸ້ມຕົນເອງ ແລະ ສ້າງແຮງງານລາວຍົກລະດັບ ຂີດຈໍາກັດໃຫ້ຂຶ້ນສູ່ເວທີສາກົນ.
ຂໍ້ມູນ-ພາບ: ໜັງສືພິມປະຊາຊົນ
KPL
