ຂປລ
ເປັນອີກງານໜຶ່ງ ທີ່ຫລາຍຄົນຕັ້ງໜ້າລໍຄ່ອຍຖ້າວ່າປານໃດຈະຮອດມື້ງານເດ ເພາະຈະໄດ້ພົບກັບຄວາມຕື່ນເຕັ້ນຢ່າງຍິ່ງໃຫຍ່ບໍ່ ວ່າຈະເປັນແສງ, ສີ, ສຽງ.
*ເປັນອີກງານໜຶ່ງ ທີ່ຫລາຍຄົນຕັ້ງໜ້າລໍຄ່ອຍຖ້າວ່າປານໃດຈະຮອດມື້ງານເດ ເພາະຈະໄດ້ພົບກັບຄວາມຕື່ນເຕັ້ນຢ່າງຍິ່ງໃຫຍ່ບໍ່ ວ່າຈະເປັນແສງ, ສີ, ສຽງ ແລະ ສິລະປິນຫລາຍໆທ່ານ ທັງລາວ ແລະ ຕ່າງປະເທດ ບໍ່ວ່າຈະເປັນແບັກອ້າຍ, ຕ່າຍອາກາດ, ນອກນີ້, ຍັງມີສິປະປິ່ນຫລາຍປະເທດເຂົ້າຮ່ວມ ແຕ່ທີ່ແຟນເພງຄອຍຖ້າຫລາຍທີ່ສຸດຄືວົງ GOT7 ຂອງ ສ.ເກົາຫລີກໍເປັນອີກໜຶ່ງທ່ານທີ່ຈະມາສ້າງຄວາມສຸກ, ຄວາມປະທັບໃຈໃຫ້ແຟນເພງຊາວລາວ ໃຫ້ໄດ້ເບີກບານມ່ວນຊື່ນໄດ້ທີ່ງານ 2024 Round Festival ທີ່ຫໍປະຊຸມແຫ່ງຊາດນະຄອນຫລວງວຽງຈັນໃນວັນທີ 2-3 ພະຈິກ 2024. ຖືວ່າເປັນຂ່າວດີ ສຳລັບແຟນໆເຄປັອບໃນລາວເພາະງານ 2024 Round Festival ກຳລັງຈະມາຈັດທີ່ລາວເປັນຄັ້ງທຳອິດ ແລະ ຄວາມຕື່ນເຕັ້ນກໍເພີ່ມຂຶ້ນເປັນທະວີຄູນ ເພາະແບມແບມ (Bambam) ໜຶ່ງ ໃນສະມາຊິກຂອງວົງ GOT7 ຈະມາຮ່ວມງານນີ້ ນຳຄວາມພິເສດຂອງງານນີ້ແມ່ນເປັນການປະສົມປະສານລະຫວ່າງຄວາມເປັນລາວ ແລະ ຄວາມເປັນເຄປັອບ. ແບມແບມທີ່ມີຄວາມຮັກຕໍ່ກັບແຟນໆຊາວລາວມາໂດຍຕະຫລອດຈະນຳສະເໜີການສະແດງສຸດພິເສດທີ່ເຕັມໄປດ້ວຍພະລັງຂອງເຄປັອບ ທີ່ທຸກຄົນຫ້າມພາດຢ່າງເດັດຂາດ.
ນອກຈາກທີ່ແບມແບມ ຈະມາເປັນໂຮສຕ໌ (host) ຫລັກຂອງງານເພື່ອນຳພາຄວາມປະທັບໃຈ ແລະ ຄວາມມ່ວນຊື່ນໃນງານນີ້ແລ້ວ, ຍັງມີການສະແດງດົນຕີຈາກສິລະປິນລາວ ແລະ ເກົາຫລີ ແລະ ຍັງມີກິດຈະກຳທີ່ຫລາກຫລາຍເຊັ່ນ: ການສະແດງທາງດ້ານວັດທະນະທຳ, ການວາງສະແດງທາງດ້ານສິລະປະ ແລະ ກິດຈະກຳເພື່ອສົ່ງເສີມການແລກປ່ຽນວັດທະນະທຳຜ່ານດົນຕີ ແລະ ສິລະປະຂອງທັງສອງປະເທດອື່ນໆອີກໃຫ້ຜູ້ເຂົ້າຮ່ວມງານໄດ້ສຳຜັດ. ເວົ້າໄດ້ວ່າງານນີ້ ຈະເປັນພື້ນທີ່ໃໝ່ທີ່ສຳຄັນໃນການເຊື່ອມໂຍງວັດທະນະທຳຂອງລາວເຂົ້າກັບສາກົນ ແລະ ຍັງຊ່ວຍຍົກລະດັບຄວາມສຳພັນລະຫວ່າງລາວ ແລະ ເກົາຫລີໃຕ້ຜ່ານທາງດົນຕີ.
ຕິດຕາມການອັບເດດກ່ຽວກັບງານນີ້ໄດ້ທາງ ROUND Festival.
ໂດຍ: ມາລິດາ
KPL
