ຂປລ
ຂປລ. ໃນວັນທີ 17 ກັນຍາ 2024 ນີ້, ທ່ານ ຄຳພັນ ພົມມະທັດ ປະທານຄະນະກວດກາສູນກາງພັກ, ປະທານອົງການກວດກາແຫ່ງລັດ, ຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ ພ້ອມຄະນະ ລົງຢ້ຽມຢາມ ແລະ ມອບຈຳນວນ 1 ຕື້ກີບ ໃຫ້ແຂວງຫລວງພະບາງ ເພື່ອນຳໃຊ້ເຂົ້າໃນການແກ້ໄຂ ໄພພິບັດນໍ້າຖ້ວມ ຢູ່ແຂວງຫລວງພະບາງ ໂດຍມີ ທ່ານ ຄໍາຂັນ ຈັນທະວີສຸກ ເຈົ້າແຂວງຫລວງພະບາງ ພ້ອມຄະນະໃຫ້ການຕ້ອນຮັບ.
ຂປລ. ໃນວັນທີ 17 ກັນຍາ 2024 ນີ້, ທ່ານ ຄຳພັນ ພົມມະທັດ ປະທານຄະນະກວດກາສູນກາງພັກ, ປະທານອົງການກວດກາແຫ່ງລັດ, ຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ ພ້ອມຄະນະ ລົງຢ້ຽມຢາມ ແລະ ມອບຈຳນວນ 1 ຕື້ກີບ ໃຫ້ແຂວງຫລວງພະບາງ ເພື່ອນຳໃຊ້ເຂົ້າໃນການແກ້ໄຂ ໄພພິບັດນໍ້າຖ້ວມ ຢູ່ແຂວງຫລວງພະບາງ ໂດຍມີ ທ່ານ ຄໍາຂັນ ຈັນທະວີສຸກ ເຈົ້າແຂວງຫລວງພະບາງ ພ້ອມຄະນະໃຫ້ການຕ້ອນຮັບ.
ໂອກາດນີ້ ທ່ານ ຄໍາຂັນ ຈັນທະວີສຸກ ກໍໄດ້ລາຍງານສະພາບ ກ່ຽວກັບໄພພິບັດຢູ່ແຂວງຫລວງພະບາງ ໃນລະຫວ່າງວັນທີ 23-25 ກໍລະກົດ 2024 ວ່າ: ຜົນກະທົບາກນໍ້າຖ້ວມໃນເບື້ອງຕົ້ນມີ 3 ເມືອງຄື: ເມືອງໂພນທອງ, ເມືອງວຽງຄຳ ແລະ ເມືອງປາກແຊງ, ລວມມີ 19 ບ້ານ, 757 ຄອບຄົວ, ຈຳນວນພົນທີ່ໄດ້ຮັບຜົນກະທົບ 4.284 ຄົນ, ຍິງ 2.214 ຄົນ, ລວມມູນຄ່າເສຍຫາຍເບື້ອງຕົ້ນ 8 ຕື້ກວ່າກີບ, ເນື້ອທີ່ທຳການຜະລິດຖືກຜົນກະທົບ ແລະ ເສຍຫາຍ ມີເນື້ອທີ່ນາ 36 ກວ່າເຮັກຕາ, ເນື້ອທີ່ໄຮ່ 10 ກວ່າເຮັກຕາ, ສັດລ້ຽງເສຍຫາຍ ເປັນຕົ້ນ ງົວ, ຄວາຍ 50 ໂຕ, ໝູ 100 ໂຕ, ສັດປີກ 2.000 ໂຕ, ໜອງປາ 32 ໜອງ, ຊົນລະປະທານເສຍຫາຍ 4 ແຫ່ງ, ລະບົບນໍ້າລິນ ເສຍຫາຍ 13 ບ້ານ, ເສັ້ນ ທາງຫລວງ ແລະ ເສັ້ນທາງຊົນນະບົດຖືກຕັດຂາດ ແລະ ເປ່ເພ ເສຍຫາຍ 5 ເສັ້ນ, ລະບົບຕາໜ່າງໄຟຟ້າຖືກຜົນກະທົບ 20 ບ້ານ, ເຮັດໃຫ້ເສົາໄຟຟ້າເບຕົງຫັກເສຍຫາຍ 29 ຕົ້ນ.
ສໍາລັບນະຄອນ-ຫລວງພະບາງ ໄດ້ຮັບຜົນກະທົບຈາກໄພນໍ້າຖ້ວມ ໃນລະຫວ່າງວັນທີ 8-14 ກັນຍາ 2024 ມີທັງໝົດ 17 ບ້ານ, 237 ຄອບຄົວ, ຄອບຄົວທີ່ນໍ້າຖວມ ແລະ ຍົກຍ້າຍອອກ 90 ຄອບຄົວ. ໃນນັ້ນ, ມີຄອບຄົວທຸກ 3 ຄອບຄົວ ປະເມີນຜົນເສຍຫາຍເບື້ອງຕົ້ນ 493 ລ້ານກວ່າກີບ. ຜົນເສຍຫາຍສ່ວນຫລາຍແມ່ນ ເຄື່ອງນຸ່ງຫົ່ມ, ເຄື່ອງໃຊ້ຄົວເຮືອນ, ເຄື່ອງເຟີນີເຈີ ແລະ ອື່ນໆ.
ໂອກາດດຽວກັນນີ້, ທ່ານ ຄໍາພັນ ພົມມະທັດ ກໍໄດ້ມອບເງິນ ໃຫ້ຄະນະກວດກາພັກ-ລັດແຂວງ ຈຳນວນ 200 ລ້ານກີບ ເພື່ອນຳໃຊ້ເຂົ້າໃນວຽກງານບໍລິຫານ. ຈາກນັ້ນ, ທ່ານເຈົ້າແຂວງພ້ອມດ້ວຍການນຳນະຄອນ ກໍໄດ້ນຳພາ ທ່ານ ຄຳພັນ ພົມມະທັດ ໄປຢ້ຽມຢາມ ແລະ ລົງພື້ນທີ່ ບ້ານທີ່ໄດ້ຮັບຜົນກະທົບ ຈາກໄພນໍ້າຍື່ງຖ້ວມ ເຊັ່ນ: ບ້ານໂພນສະອາດ, ບ້ານ ພະບາດໃຕ້ ແລະ ບ້ານສັງຄະໂລກ ຕື່ມອີກ.
ຂ່າວ-ພາບ: ດາວອນ ມະນີວັນ
KPL
