ຂປລ
ຂປລ. ໃນວັນທີ 15 ກັນຍາ 2024 ຜ່ານມາ, ລັດຖະບານ ແຫ່ງ ສປປ ລາວ ແລະ ອົງການ ອຸຍນີເຊບ ໄດ້ມອບອຸປະກອນດ້ານນໍ້າ, ສຸຂາພິບານ ແລະ ສຸຂະອະນາໄມ ເປັນຕົ້ນແມ່ນຢາເມັດຄະລໍລີນ ສຳລັບຂ້າເຊື້ອໃນນ້ຳດື່ມ 1.100.000 ເມັດ, ຄຸໃສ່ນ້ຳຫລາຍກ່ວາ 250 ໜ່ວຍ, ສະບູ 4.000 ກ້ອນ, ຕຸກໃສ່ນ້ຳດື່ມ 250 ຕຸກ, ຖັງນ້ຳສຳລັບຢາຍນ້ຳດື່ມ 5 ຖັງ, ຜ້າອະນາໄມຜູ້ຍິງ 200 ແພັກ, ໂອຢາງ 400 ໜ່ວຍ ເເລະ ຜ້າບັດ 5 ຜືນ ໃຫ້ບ້ານທີ່ໄດ້ຮັບຜົນກະທົບຈາກໄພນ້ຳຖ້ວມທົ່ວ ທັງໝົດ 486 ບ້ານ ໃນ 8 ແຂວງ ຂອງ ສປປ ລາວ
ຂປລ. ໃນວັນທີ 15 ກັນຍາ 2024 ຜ່ານມາ, ລັດຖະບານ ແຫ່ງ ສປປ ລາວ ແລະ ອົງການ ອຸຍນີເຊບ ໄດ້ມອບອຸປະກອນດ້ານນໍ້າ, ສຸຂາພິບານ ແລະ ສຸຂະອະນາໄມ ເປັນຕົ້ນແມ່ນຢາເມັດຄະລໍລີນ ສຳລັບຂ້າເຊື້ອໃນນ້ຳດື່ມ 1.100.000 ເມັດ, ຄຸໃສ່ນ້ຳຫລາຍກ່ວາ 250 ໜ່ວຍ, ສະບູ 4.000 ກ້ອນ, ຕຸກໃສ່ນ້ຳດື່ມ 250 ຕຸກ, ຖັງນ້ຳສຳລັບຢາຍນ້ຳດື່ມ 5 ຖັງ, ຜ້າອະນາໄມຜູ້ຍິງ 200 ແພັກ, ໂອຢາງ 400 ໜ່ວຍ ເເລະ ຜ້າບັດ 5 ຜືນ ໃຫ້ບ້ານທີ່ໄດ້ຮັບຜົນກະທົບຈາກໄພນ້ຳຖ້ວມທົ່ວ ທັງໝົດ 486 ບ້ານ ໃນ 8 ແຂວງ ຂອງ ສປປ ລາວ ເພື່ອຮັບປະກັນການເຂົ້າເຖິງນໍ້າທີ່ປອດໄພ ແລະ ສຸຂະອະນາໄມ ຂອງຄອບຄົວທີ່ໄດ້ຮັບຜົນກະທົບ ແນໃສ່ການ ຫລຸດຜ່ອນຄວາມສ່ຽງ ຕໍ່ພະຍາດຕິດຕໍ່ທາງນ້ຳ ເຊັ່ນ: ພະ ຍາດຖອກທ້ອງ ແລະ ໂລກອະຫິວາ ເຊິ່ງເປັນຄວາມສ່ຽງທີ່ສາມາດເພີ່ມຂຶ້ນໄດ້ ພາຍຫລັງເກີດເຫດໄພນໍ້າຖ້ວມ.
ທ່ານ ບິລາລ ດູຣານິ ຜູ້ຕາງໜ້າ ອົງການອຸຍນິເຊບ ປະຈຳ ສປປ ລາວ ໄດ້ກ່າວວ່າ: ອົງການອຸຍນີເຊບ ມີຄວາມພາກພູມໃຈ ທີ່ໄດ້ຊ່ວຍສະໜັບສະໜູນແກ່ ລັດຖະບານ ແຫ່ງ ສປປ ລາວ ໃນໄລຍະທີ່ພົບຄວາມຫຍຸ້ງຍາກນີ້ ແລະ ຈະສືບຕໍ່ເຮັດວຽກຢ່າງໃກ້ຊິດ, ຮ່ວມມືກັບທຸກພາກສ່ວນ ເພື່ອຊ່ວຍ ເຫລືອຄອບຄົວທີ່ໄດ້ຮັບຜົນກະທົບ ໂດຍສະເພາະ ແມ່ນເດັກນ້ອຍ. ການເຂົ້າເຖິງນ້ຳສະອາດ ແລະ ສຸຂະອະນາໄມ ແມ່ນມາດຕະການປ້ອງກັນພື້ນຖານທີ່ສຳຄັນຫລາຍໃນເຫດສຸກເສີນດັ່ງກ່າວ ເພື່ອຫລຸດ ຜ່ອນຄວາມສ່ຽງຕໍ່ການລະບາດຂອງພະຍາດ ໂດຍສະເພາະໃນເດັກນ້ອຍ.
ພ້ອມກັນນີ້, ທ່ານ ພົມປະເສີດ ໄຊຍະແສງ ຫົວໜ້າກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ກໍໄດ້ເນັ້ນໜັກເຖິງຄວາມສຳຄັນ ແລະ ປະຕິບັດການຢ່າງວ່ອງໄວ ໃນເຫດ ການສຸກເສີນ ເຊິ່ງບຸລິມະສິດຂອງພວກເຮົາ ແມ່ນການປົກປ້ອງສຸຂະພາບຂອງຊຸມຊົນ ໂດຍສະເພາະແມ່ນເດັກນ້ອຍ ເຊິ່ງເປັນກຸ່ມທີ່ມີ ຄວາມສ່ຽງທີ່ສຸດ ໃນເວລາເກີດໄພນ້ຳຖ້ວມ. ການຊ່ວຍເຫລືອທີ່ທັນເວລາຈາກອົງການອຸຍນີເຊບ ແລະ ຄູ່ຮ່ວມພັດທະນາ ໄດ້ຊ່ວຍໃຫ້ພວກເຮົາສາມາດຕອບສະໜອງຊັບ ພະຍາກອນທີ່ຈຳເປັນ ເພື່ອປ້ອງກັນການແພ່ລະບາດຂອງພະຍາດ ແລະ ປົກປ້ອງສະຫວັດດີການຂອງປະຊາຊົນລາວ.
ຢ່າງໃດກໍຕາມ ອົງການຢູນິເຊັບ ແລະ ຄູ່ຮ່ວມພັດທະນາ ຈະສືບຕໍ່ເຮັດວຽກຢ່າງໃກ້ຊິດກັບ ລັດ ຖະບານ ແຫ່ງ ສປປ ລາວ ເພື່ອຮັບປະກັນວ່າ ທຸກໆຊຸມຊົນ, ບ້ານ ທີ່ໄດ້ຮັບຜົນກະທົບຈາກເຫດການສຸກເສີນນີ້ ຈະສາມາດເຂົ້າເຖິງການບໍລິການດ້ານນໍ້າ, ສຸຂາພິບານ ແລະ ສຸຂະອະນາໄມ ໄດ້ຢ່າງທົ່ວເຖິງ.
KPL
