ຂປລ
ໃນວັນທີ 13 ກັນຍາ, ບໍລິສັດໄຟຟ້າ ປາກແບງ ຈຳກັດ ໄດ້ຈັດກິດຈະກຳສະເຫຼີມສະຫຼອງບຸນໄຫວ້ພະຈັນພາຍໃຕ້ຫົວຂໍ້ “ຮ່ວມກັນສະຫຼອງບຸນປະເພນີທີ່ດີງາມ”, ໃນກິດຈະກຳດັ່ງກ່າວ, ພະນັກງານລາວ ແລະ ພະນັກງານຈີນໄດ້ເຕົ້າໂຮມກັນຢ່າງມ່ວນຊື່ນ.
ໃນວັນທີ 13 ກັນຍາ, ບໍລິສັດໄຟຟ້າ ປາກແບງ ຈຳກັດ ໄດ້ຈັດກິດຈະກຳສະເຫຼີມສະຫຼອງ ບຸນໄຫວ້ພະຈັນພາຍໃຕ້ຫົວຂໍ້ “ຮ່ວມກັນສະຫຼອງບຸນປະເພນີທີ່ດີງາມ”, ໃນກິດຈະກຳດັ່ງກ່າວ, ພະນັກງານລາວ ແລະ ພະນັກງານຈີນໄດ້ເຕົ້າໂຮມກັນຢ່າງມ່ວນຊື່ນ, ພ້ອມທັງໄດ້ເພີ່ມຄວາມເຂົ້າອົກເຂົ້າໃຈເຊິ່ງກັນ ແລະ ກັນ ແລະ ສ້າງຄວາມສາມັກຄີ ລະຫວ່າງພະນັກງານລາວ ແລະ ຈີນ, ເພື່ອກາຍເປັນກຳລັງການຮ່ວມມືທີ່ເຂັ້ມແຂງ, ປະກອບສ່ວນຢ່າງຕັ້ງໜ້າ ເພື່ອໃຫ້ການພັດ ທະນາຂະແໜງພະລັງງານໄຟຟ້າຂອງລາວ ໄດ້ຫັນປ່ຽນຮູບແບບຕາມທິດສີຂຽວ ແລະ ຕອບສະໜອງຄວາມຕ້ອງການດ້ານໄຟຟ້າຂອງລາວ.
ບຸນໄຫວ້ພະຈັນເປັນບຸນປະເພນີດັ້ງເດີມຂອງຈີນ, ການສະຫຼອງວັນບຸນດັ່ງກ່າວ ໄດ້ສະແດງໃຫ້ເຫັນວ່າ ປະຊາຊົນຈີນມີຄວາມປາດຖະໜາ ຢາກໃຫ້ຄອບຄົວໄດ້ເຕົ້າໂຮມກັນຢ່າງພ້ອມໜ້າພ້ອມຕາກັນ, ປະຊາຊົນມີຄວາມຜາສຸກ, ປະ ເທດຊາດມີຄວາມສະຫງົບສຸກ ແລະ ທົ່ວປວງຊົນມີຄວາມສະຫວັດດີພາບ. ຜູ້ອຳນວຍການຂອງບໍລິສັດໄຟຟ້າ ປາກແບງໄດ້ໃຫ້ຄວາມເຫັນວ່າ ໃນເດືອນຕຸລາປີກາຍນີ້, ຫົວໜ້າຂອງກຸ່ມບໍລິສັດ ໄຊນາ ຕ້າຖັງ ຈຳກັດ ໄດ້ເຂົ້າຢ້ຽມຂໍ່ານັບທ່ານ ທອງລຸນ ສີສຸລິດ ເລຂາທິການໃຫຍ່ ພັກປະຊາຊົນປະຕິວັດລາວ, ປະທານປະເທດແຫ່ງ ສປປ ລາວ.ໃນເດືອນມັງກອນປີນີ້, ຄະນະຜູ້ແທນຝ່າຍລາວ ເຊິ່ງນຳໂດຍທ່ານ ດຣ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ, ປະ ທານສູນກາງແນວລາວສ້າງຊາດ ໄດ້ໃຫ້ກຽດຢ້ຽມຢາມ ແລະ ເຮັດວຽກຢູ່ກຸ່ມບໍລິສັດ ໄຊນາ ຕ້າຖັງ ຈຳກັດ;ນອກນັ້ນ, ບັນດາການນຳກະຊວງຂອງລາວ ທີ່ກ່ຽວຂ້ອງກໍໄດ້ມີການແລກປ່ຽນ ຄວາມຄິດຄວາມເຫັນ ຢ່າງເປັນມິດຕະພາບກັບຜູ້ຮັບຜິດຊອບຂອງບໍລິສັດໄຊນາ ຕ້າຖັງກ່ຽວກັບການສົ່ງເສີມການຮ່ວມມື ດ້ານຂະແໜງພະລັງງານໄຟຟ້າ ໃຫ້ເຂົ້າສູ່ລວງເລິກ. ໃນເວລາດຽວກັນ, ຕັ້ງແຕ່ບໍລິສັດໄຟຟ້າ ປາກແບງ ຈຳກັດ ໄດ້ສ້າງຕັ້ງຂຶ້ນເປັນເວລາ 1 ປີຜ່ານມາ, ທາງບໍລິສັດໄດ້ໃຫ້ຄວາມສຳຄັນ ກັບການສ້າງວຽກເຮັດງານທຳ ໃຫ້ກັບພະນັກງານລາວ ແລະ ເປີດໂອກາດໃຫ້ນັກສຶກສາລາວໄດ້ຝຶກງານ, ພ້ອມທັງໄດ້ເພີ່ມຄວາມເອົາໃຈໃສ່ ຕໍ່ພະນັກງານ, ຈັດກິດຈະກຳຝຶກອົບຮົມໃຫ້ພະນັກງານ, ເຮັດໃຫ້ເຂົາເຈົ້າ ໄດ້ສະແດງຄວາມຮູ້ຄວາມສາມາດຂອງຕົນອອກມາ, ເພື່ອສ້າງເປັນໂຄງການຂີດໝາຍ, ພວກເຮົາໄດ້ຕັ້ງຫຼັກປັກຖານຢູ່ລາວ, ປະກອບກຳລັງຂອງຕົນ ເພື່ອສົ່ງເສີມການສ້າງຄູ່ຮ່ວມຊາຕາກຳ ລາວ-ຈີນ ແລະ ສົ່ງເສີມ ໃຫ້ເສດຖະກິດສັງຄົມຂອງລາວມີການພັດທະນາ.
ຜູ້ອຳນວຍການຂອງບໍລິສັດໄຟຟ້າ ປາກແບງ ຍັງໄດ້ໃຫ້ຄວາມເຫັນວ່າ ການພັດທະນາຂອງລາວ ໄດ້ເພີ່ມຄວາມວ່ອງໄວຂຶ້ນ, ມີເງື່ອນໄຂທີ່ດີໃນການພັດທະນາ ຂະແໜງອຸດສາຫະກຳໄຟຟ້າ, ລາວຍັງໄດ້ສະເໜີ “ຍຸດທະສາດດ້ານພະລັງ ງານລະດັບ5A ”, ຫວັງວ່າພະນັກງານທຸກຄົນ ຈົ່ງສົ່ງເສີມຈິດໃຈການເອົາໃຈໃສ່ຄວາມປອງດອງ, ຄວາມສາມັກຄີ, ຮັກປະເທດຊາດ ແລະ ຮັກຄອບຄົວຂອງຕົນ, ຕ້ອງຮ່ວມມືກັນຢ່າງໃກ້ຊິດ, ມີຄວາມສາມັກຄີກັນຢ່າງແໜ້ນແຟ້ນ, ເພື່ອຍາດ ໄດ້ຜົນງານລະດັບດີຢ້ຽມ, ສ້າງໂຄງການເຂື່ອນໄຟຟ້າປາກແບງ ໃຫ້ເປັນໂຄງການຕົວແບບ ໃນອາຊີຕາເວັນອອກສ່ຽງໃຕ້, ສູ້ຊົນສ້າງວຽກເຮັດງານທຳ ໃຫ້ຫຼາຍຂຶ້ນກວ່າເກົ່າ, ເພີ່ມກຳລັງຂັບເຄື່່ອນທີ່ເຂັ້ມແຂງ ເຂົ້າໃນການພັດທະນາຂອງລາວຕາມທິດສີຂຽວ ແລະ ປ່ອຍກາສກາກໂບນິກຕໍ່າ.
ນາງ ທິລະພັນ ນ້ອຍວົງ, ອາຍຸ 21ປີ, ເປັນນັກສຶກສາທີ່່ຮຽນຈົບ ຈາກຄະນະວິທະຍາສາດສິ່ງແວດລ້ອມ, ລາວຫາກໍ່ເລີ່ມເຮັດວຽກໃນຫວ່າງເດືອນສິງຫາ. ລາວໄດ້ໃຫ້ຄວາມເຫັນວ່າ ໃນບໍລິສັດນີ້, ຕົນໄດ້ຮູ້ສຶກວ່າພະນັກງານໄດ້ເຄົາ ລົບ ແລະ ນັບຖືເຊິ່ງກັນ ແລະ ກັນ, ການເປັນຜູ້ໃຫຍ່ຫຼາຍຂຶ້ນ ເຮັດໃຫ້ລາວໄດ້ມີຄວາມສຸກຫຼາຍກວ່າເກົ່າ ແລະ ລາວ ຈະພະຍາຍາມເຮັດວຽກ, ຮຽນຮູ້ຫຼາຍສິ່ງຫຼາຍຢ່າງ, ເພື່ອກາຍເປັນຂົວຕໍ່ມິດຕະພາບ ລະຫວ່າງລາວ-ຈີນ ແລະ ຮັບໃຊ້ການພັດທະນາຂອງປະເທດຊາດ ແລະ ການພັດທະນາຂອງບໍລິສັດໃຫ້ດີຂຶ້ນກວ່າເກົ່າ.
KPL