ຂປລ
ຂປລ. ແຫລ່ງຂ່າວຈາກ ແຂວງບໍ່ແກ້ວ ໃຫ້ຮູ້ວ່າ: ເນື່ອງຈາກພາຍຸໄຕ້ຝຸ່ນຢາກິ (Super Typhoon YAGI) ເຄື່ອນທີ່ເຂົ້າມາພາກເໜືອຂອງ ສປປ ລາວ ເຮັດໃຫ້ມີຝົນຕົກໜັກຕິດຕໍ່ກັນຫລາຍວັນ ນັບແຕ່ວັນທີ 8 - 9 ກັນຍາ 2024 ເຮັດໃຫ້ມີນໍ້າໄຫລຊຸຖ້ວມເຮືອນປະຊາຊົນ ຢູ່ ບ້ານນາໂຮມ ມີຄວາມເສຍຫາຍຢ່າງໜັກໜ່ວງ, ຊຶ່ງມີຄອບຄົວທີ່ໄດ້ຮັບ ຜົນກະທົບເສຍຫາຍ 9 ຄອບຄົວ.
ຂປລ. ແຫລ່ງຂ່າວຈາກ ແຂວງບໍ່ແກ້ວ ໃຫ້ຮູ້ວ່າ: ເນື່ອງຈາກພາຍຸໄຕ້ຝຸ່ນຢາກິ (Super Typhoon YAGI) ເຄື່ອນທີ່ເຂົ້າມາພາກເໜືອຂອງ ສປປ ລາວ ເຮັດໃຫ້ມີຝົນຕົກໜັກຕິດຕໍ່ກັນຫລາຍວັນ ນັບແຕ່ວັນທີ 8 - 9 ກັນຍາ 2024 ເຮັດໃຫ້ມີນໍ້າໄຫລຊຸຖ້ວມເຮືອນປະຊາຊົນ ຢູ່ ບ້ານນາໂຮມ ມີຄວາມເສຍຫາຍຢ່າງໜັກໜ່ວງ, ຊຶ່ງມີຄອບຄົວທີ່ໄດ້ຮັບ ຜົນກະທົບເສຍຫາຍ 9 ຄອບຄົວ. ນອກຈາກນີ້, ຍັງມີເນື້ອທີ່ປູກຝັງ ຂອງພໍ່ແມ່ປະຊາຊົນເປັນຕົ້ນ ສວນ, ໄຮ່ ແລະນາ ຢູ່ຈຸດບ້ານຫ້ວຍແປ້ນ, ບ້ານປາງທອງ ແລະ ນາແຄມລ້ອງນໍ້າຫາດ ບ້ານຖິ່ນແກ້ວ, ບ້ານຜາອຸດົມ, ບ້ານສີບຸນເຮືອງ, ບ້ານໂຮມສຸກ, ບ້ານໃຫ່ຍນໍ້າຍາວ, ບ້ານ ຄໍາຝອງ, ບ້ານກອນຊອດ, ບ້ານຄະນອງ ແລະ ເຂດຈັດສັນຫາດໝວກ, ເສັ້ນທາງທີ່ໄດ້ຮັບ ຄວາມເສຍຫາຍດິນເຈື່ອນຖົມ ແລະ ຂາດຢູ່ຈຸດຈັດສັນຫາດໝວກ, ຂົວຂ້າມຫ້ວຍ ໝວກ, ຈຸດບ້ານໃຫ່ຍນໍ້າຍາວ, ບ້ານສີບຸເຮືອງ, ຂົວນໍ້າຄາ , ບ້ານນາໂຮມຂົ້ວຫ້ວຍເນືອມ ແລະ ເສັ້ນທາງແຕ່ບ້ານໄຊສະຫວ່າງ ຫາ ບ້ານນາຄູນຊາຍແດນເມືອງຮຸນ ແຂວງອຸດົມໄຊ ແລະ ເສັ້ນທາງ ບ້ານຄະນອງ, ຊຶ່ງປັດຈຸບັນເຮັດໃຫ້ ການສັນຈອນໄປ-ມາພົບຄວາມຫຍຸ້ງຍາກ ແລະ ເສັ້ນທາງບາງບ່ອນບໍ່ສາມາດສັນຈອນໄປ-ມາໄດ້.
ຄະນະຄຸ້ມຄອງໄພພິບັດ ເມືອງຜາອຸດົມ ແຂວງບໍ່ແກ້ວ ໃຫ້ຮູ້ວ່າ: ຕໍ່ເຫດການດັ່ງກ່າວ, ທາງການນຳຂອງເມືອງ ກໍຄື ຄະນະປະຈຳພັກເມືອງ, ຄະນະກໍາມະການປ້ອງກັນໄພພິບັດຂັ້ນເມືອງ, ຄະນະກອງ ບັນຊາການ ທະຫານເມືອງ ພ້ອມດ້ວຍຄະນະກອງພັນໃຫຍ່ ທະຫານຮາບ 302 ແລະ ຊາວໜຸມຕະລຸມບອນທີ່ເປັນພະນັກງານ-ລັດຖະກອນ ພາຍໃນເມືອງ ໄດ້ລະດົມກຳລັງ ທັງໝົດ 105 ສະຫາຍ ຍິງ 19 ສະຫາຍ ລົງຊ່ວຍເຫລືອປະຊາຊົນ ທີ່ຖືກຜົນກະທົບຢູ່ຫລາຍບ້ານ ໂດຍສະເພາະ ບ້ານນາໂຮມ ໂດຍໄດ້ຍົກຍ້າຍເຂົ້າ ແລະ ເຄື່ອງຂອງຕ່າງໆ ອອກຈາກບ່ອນທີ່ມີຄວາມສ່ຽງນໍ້າຖ້ວມ ໄປໄວ້ບ່ອນທີ່ປອດໄພ.
ຂ່າວ: ໂສພາ ທິບພະວົງ
KPL
