ຜູ້ບັນຊາການທະຫານສູງສຸດອາຊຽນ ຫາລື ແລະ ຕົກລົງ ຫລາຍບັນຫາສຳຄັນ

05/09/2024 15:13
Email Print 1490
ຂປລ ຂປລ. ກອງປະຊຸມຜູ້ບັນຊາການທະຫານສູງສຸດອາຊຽນ ຄັ້ງທີ 21 ທີ່ຈັດຂຶ້ນໃນລະຫວ່າງວັນທີ 4-7 ກັນຍາ 2024 ຢູ່ນະຄອນຫລວງວຽງຈັນ ສປປ ລາວ, ໄດ້ປິດລົງດ້ວຍຜົນສຳເລັດຢ່າງຈົບງາມ ພາຍໃຕ້ຄໍາຂວັນ “ຮ່ວມມືກັນເພື່ອສັນຕິພາບ, ຄວາມໝັ້ນຄົງ ແລະ ຄວາມເຂັ້ມແຂງຂອງອາຊຽນ” ໂດຍມີຜູ້ບັນຊາການທະຫານສູງສຸດ 10 ປະເທດອາຊຽນ ພ້ອມຄະນະຜູ້ແທນ ແລະ ຕີມໍແລັດສະເຕ ໃນນາມເປັນປະເທດສັງເກດການ ເຂົ້າຮ່ວມ.




ຂປລ. ກອງປະຊຸມຜູ້ບັນຊາການທະຫານສູງສຸດອາຊຽນ ຄັ້ງທີ
21 ທີ່ຈັດຂຶ້ນໃນລະຫວ່າງວັນທີ 4-7 ກັນຍາ 2024 ຢູ່ນະຄອນຫລວງວຽງຈັນ ສປປ ລາວ, ໄດ້ປິດລົງດ້ວຍຜົນສຳເລັດຢ່າງຈົບງາມ ພາຍໃຕ້ຄໍາຂວັນ ຮ່ວມມືກັນເພື່ອສັນຕິພາບ, ຄວາມໝັ້ນຄົງ ແລະ ຄວາມເຂັ້ມແຂງຂອງອາຊຽນໂດຍມີຜູ້ບັນຊາການທະຫານສູງສຸດ 10 ປະເທດອາຊຽນ ພ້ອມຄະນະຜູ້ແທນ ແລະ ຕີມໍແລັດສະເຕ ໃນນາມເປັນປະເທດສັງເກດການ ເຂົ້າຮ່ວມ.

ໂອກາດດັ່ງກ່າວ, ທ່ານ ພົນໂທ ຄຳລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະ ເທດ, ຫົວໜ້າກົມໃຫຍ່ເສນາທິການກອງທັບປະຊາຊົນລາວ ໃນນາມປະທານກອງປະຊຸມ ຜູ້ບັນຊາການທະຫານສູງສຸດອາຊຽນ ຄັ້ງທີ 21 ໄດ້ຖະແຫລງຂ່າວຜົນສໍາເລັດ ຂອງກອງປະຊຸມດັ່ງກ່າວ ວ່າ: ໃນກອງປະຊຸມຄັ້ງນີ້, ໄດ້ຮັບຟັງການລາຍງານ ກ່ຽວກັບຜົນສໍາເລັດຂອງກອງປະຊຸມ ຫົວໜ້າສືບຂ່າວທະຫານອາຊຽນ ຄັ້ງທີ 21 ແລະ ກອງປະຊຸມຫົວໜ້າສູ້ຮົບອາຊຽນ ຄັ້ງທີ 14. ພ້ອມນັ້ນ, ບັນດາຜູ້ບັນຊາການທະຫານສູງສຸດ ກອງທັບປະເທດອາຊຽນ ຍັງໄດ້ພ້ອມກັນແລກປ່ຽນກ່ຽວກັບ ສະພາບທີ່ພົ້ນເດັ່ນໃນພາກພື້ນ ແລະ ປຶກສາຫາລື ກ່ຽວກັບການຮ່ວມມືວຽກງານປ້ອງກັນຊາດ ເພື່ອເສີມສ້າງຂີດຄວາມສາມາດ, ຄວາມເຊື່ອໝັ້ນ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ລະຫວ່າງກອງທັບ ຂອງບັນດາປະເທດສະມາຊິກອາຊຽນ ໃນການຮັບມືກັບສິ່ງທ້າທາຍ ຕໍ່ຄວາມໝັ້ນຄົງ ໃນປັດຈຸບັນ ແລະ ໃນອະນາຄົດ, ທັງເປັນການປະກອບສ່ວນເຂົ້າໃນການຮັກສາສັນຕິພາບ, ຄວາມໝັ້ນຄົງ ແລະ ຄວາມເຂັ້ມແຂງຂອງພາກພື້ນ.

ພ້ອມນີ້, ກອງປະຊຸມ ຍັງໄດ້ຮັບຮອງເອົາແຜນການ 2 ປີຂອງທະຫານອາຊຽນ 2024-2026, ເຊິ່ງລວມມີບັນດາກອງປະຊຸມ ແລະ ກິດຈະກໍາຕ່າງໆ ພາຍໃຕ້ແຜນງານຂອງກອງປະຊຸມ ລັດຖະມົນຕີປ້ອງກັນປະເທດອາຊຽນ, ອາຊຽນ-ບວກ, ກອງປະຊຸມຜູ້ບັນຊາການທະຫານສູງສຸດອາຊຽນ ແລະ ອື່ນໆ. ນອກນັ້ນ, ຍັງໄດ້ພິຈາລະນາ, ຮັບຮອງ ແລະ ລົງນາມຖະແຫລງການຮ່ວມ ກອງປະຊຸມ ຜູ້ບັນຊາການທະຫານສູງສຸດອາຊຽນ ຄັ້ງທີ 21 ເຊິ່ງເປັນພື້ນຖານສໍາຄັນ ໃຫ້ແກ່ການສືບຕໍ່ຈັດຕັ້ງປະຕິບັດ ທິດທາງການຮ່ວມມືຂອງທະຫານອາຊຽນ. ພ້ອມນີ້, ກອງທັບປະຊາຊົນລາວ ຍັງໄດ້ມອບໂອນການເປັນປະ ທານ ກອງປະຊຸມຜູ້ບັນຊາການທະຫານ ສູງສຸດອາຊຽນ ຄັ້ງທີ 22, ກອງປະຊຸມຫົວໜ້າສືບຂ່າວທະຫານອາຊຽນຄັ້ງທີ 22 ແລະ ກອງປະຊຸມຫົວໜ້າສູ້ຮົບອາຊຽນຄັ້ງທີ 15 ໃຫ້ແກ່ມາເລເຊຍ ສືບຕໍ່ເປັນປະທານກອງປະຊຸມ ໃນປີ 2025.

​ໂອກາດ​ນີ້, ທ່ານ ພົນໂທ ຄຳລຽງ ອຸທະໄກສອນ ຍັງໄດ້ຕາງໜ້າໃຫ້ນາຍ ແລະ ພົນທະຫານ ຂອງກອງທັບປະຊາຊົນລາວ, ສະແດງຄວາມຂອບໃຈ ມາຍັງກອງທັບບັນດາປະເທດ ສະມາຊິກອາຊຽນ ແລະ ຕີມໍແລັດສະເຕ ທີ່ໄດ້ໃຫ້ການສະໜັບສະໜູນ, ຊ່ວຍເຫລືອ ແລະ ປະກອບສ່ວນຢ່າງຕັ້ງໜ້າ ເຂົ້າໃນກອງປະຊຸມຄັ້ງນີ້, ພ້ອມທັງສະແດງຄວາມຂອບໃຈ ແລະ ຊົມເຊີຍ ມາຍັງກອງເລຂາອາຊຽນ ຂອງກະ ຊວງປ້ອງກັນປະເທດ, ບັນດາອານຸກໍາມະການ ແລະ ທຸກພາກສ່ວນທີ່ກ່ຽວຂ້ອງ ທີ່ໄດ້ປະກອບສ່ວນເຂົ້າໃນການຫ້າງຫາກະກຽມ ແລະ ຈັດຕັ້ງກອງປະຊຸມຄັ້ງນີ້ ດ້ວຍຜົນສໍາເລັດ ອັນຈົບງາມ.

KPL

ຂ່າວອື່ນໆ

    • ໂອກາດດີສຳລັບຄົນລາວ ຈະໄປສຳຜັດປະເທດມາເລເຊຍອາຊຽນ ASEAN

      ໂອກາດດີສຳລັບຄົນລາວ ຈະໄປສຳຜັດປະເທດມາເລເຊຍ

      1/28/2025 11:48:24 AM

      ພາກອຸດສາຫະກໍາທ່ອງທ່ຽວມາເລເຊຍ ປີ 2025 ຫາປີ 2026 ຄາດວ່າຈະເປັນປີດີທີ່ສຸດ ແລະ ຖືກທີ່ສຸດ ທີ່ຄົນລາວຄວນຂຶ້ນແຜນໄວ້ ເພາະມີຫລາຍກິດຈະກໍາທີ່ໜ້າສົນໃຈຈັດສັນໄວ້ ເພື່ອສ້າງປະສົບການທ່ີບໍ່ມີວັນລືມຂອງທ່ານ.

    • ຜູ້ແທນລາວ ສຳເລັດການເຂົ້າຮ່ວມ ມະຫາກຳທ່ອງທ່ຽວອາຊຽນ 2025ອາຊຽນ ASEAN

      ຜູ້ແທນລາວ ສຳເລັດການເຂົ້າຮ່ວມ ມະຫາກຳທ່ອງທ່ຽວອາຊຽນ 2025

      1/22/2025 3:44:46 PM

      ຂປລ. ຄະນະ​ຜູ້​ແທນຈາກ ສປປ ລາວ ນໍາ​ໂດຍ ທ່ານ ນາງ ດາລານີ ພົມມະວົງສາ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ສໍາ​ເລັດ​ການເຂົ້າຮ່ວມມະຫາກຳທ່ອງທ່ຽວອາຊຽນ (ATF2025) ຈັດຂຶ້ນລະຫວ່າງວັນທີ 19-20 ມັງກອນ 2025, ທີ່ ລັດຈໍຮໍ ປະເທດມາເລເຊຍ ພາຍໃຕ້ຄໍາຂວັນ “ສາມັກຄີໜຶ່ງດຽວ ສ້າງອະນາຄົດການທ່ອງທ່ຽວອາຊຽນດ້ວຍກັນ​”.

    • ມາເລເຊຍ ຈັດກອງປະຊຸມວົງແຄບລັດຖະມົນຕີການຕ່າງປະເທດອາຊຽນອາຊຽນ ASEAN

      ມາເລເຊຍ ຈັດກອງປະຊຸມວົງແຄບລັດຖະມົນຕີການຕ່າງປະເທດອາຊຽນ

      1/21/2025 12:19:30 PM

      ກອງປະຊຸມ ວົງແຄບ ລັດຖະມົນຕີ ການຕ່າງປະເທດ ອາຊຽນ ໄດ້ສິ້ນສຸດລົງ ຢາງຈົບງາມ ເມື່ອບໍ່ດົນມານີ້ ຢູ່ ລັງກາວິຂອງ ມາເລເຊຍ ແລະ ສສ ຫວຽດນາມ ມີການປະກອບສ່ວນ ຢ່າງຕັ້ງໜ້າ.

    • ຜູ້ແທນລາວ ເຂົ້າຮ່ວມ ກອງປະຊຸມ ລັດຖະມົນຕີຕ່າງປະເທດອາຊຽນ ແບບວົງແຄບອາຊຽນ ASEAN

      ຜູ້ແທນລາວ ເຂົ້າຮ່ວມ ກອງປະຊຸມ ລັດຖະມົນຕີຕ່າງປະເທດອາຊຽນ ແບບວົງແຄບ

      1/20/2025 2:05:21 PM

      ຂປລ. ໃນວັນທີ 19 ມັງກອນ 2025 ຜ່ານມາ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງຕ່າງປະເທດ ພ້ອມຄະນະ ໄດ້ເຂົ້າຮ່ວມກອງປະຊຸມລັດຖະມົນຕີ ຕ່າງປະເທດອາຊຽນ ແບບວົງແຄບ ຢູ່ ລັງກາວີ ປະເທດ ມາເລເຊຍ, ມີບັນດາລັດຖະມົນຕີຕ່າງປະເທດອາຊຽນ, ຕີມໍແລັດສະເຕ ແລະ ເລຂາທິການໃຫຍ່ອາຊຽນ ເຂົ້າຮ່ວມ. ກອງປະຊຸມຄັ້ງນີ້, ແມ່ນຄັ້ງທໍາອິດ ຈັດຂຶ້ນພາຍໃຕ້ການເປັນປະທານອາຊຽນຂອງ ມາເລເຊຍ ປີ 2025 ພາຍໃຕ້ຄໍາຂວັນ “ການມີສ່ວນຮ່ວມຢ່າງທົ່ວເຖິງ ແລະ ຍືນຍົງ (Inclusivity and Sustainability)”.

    • ລັດຖະມົນຕີກະຊວງການຕ່າງປະເທດ ພົບປະກັບ ເລຂາທິການໃຫຍ່ອາຊຽນອາຊຽນ ASEAN

      ລັດຖະມົນຕີກະຊວງການຕ່າງປະເທດ ພົບປະກັບ ເລຂາທິການໃຫຍ່ອາຊຽນ

      1/20/2025 1:32:10 PM

      ຂປລ. ໃນວັນທີ 19 ມັງກອນ 2025 ນີ້, ທ່ານ ທອງສະຫວັນ ພົມວິຫານ ລັດຖະມົນຕີກະ ຊວງການຕ່າງປະເທດ ໄດ້ພົບປະສອງຝ່າຍກັບ ທ່ານ ກາວ ກິມ ຮຸນ (Kao Kim Hourn) ເລຂາທິ ການໃຫຍ່ອາຊຽນ ໃນໂອກາດ ເຂົ້າຮ່ວມກອງປະຊຸມ ລັດຖະມົນຕີຕ່າງປະເທດອາຊຽນ ແບບວົງແຄບ ຢູ່ລັງກາວີ ມາເລເຊຍ ໃນລະຫວ່າງວັນທີ 18-19 ມັງກອນ 2025.

ads
ads

Top