ຂປລ
ຂປລ. ອົງການສົ່ງເສີມການຄ້າຍີ່ປຸ່ນ (JETRO) ມອບໃບຢັ້ງຢືນ-ການຮັບຮ້ອງຮ້ານອາຫານ ແລະ ຮ້ານທີ່ນຳໃຊ້ ຫລື ສະໜອງສິນຄ້າຍີ່ປຸ່ນ ຢູ່ຕ່າງປະເທດ ໃຫ້ຮ້ານອາຫານ Easy steak house by olivia ແລະ ຮ້ານອາຫານຍີ່ປຸ່ນ Edo Izakaya Japanese Restaurant & Bar ທີ່ໄດ້ນໍາໃຊ້ວັດຖຸດິບ ຈາກປະເທດຍີ່ປຸ່ນ ເຂົ້າໃນການປຸ່ງແຕ່ງອາຫານ ແລະ ເຄື່ອງດື່ມ(ເຫລົ້າ). ທັງນີ້, ກໍເພື່ອແນໃສ່ສົ່ງເສີມອາຫານ ແລະ ເຄື່ອງດື່ມ ທີ່ປອດໄພ ແລະ ແຊບ ລວມທັງວັດທະນາທໍາການກິນຂອງຍີ່ປຸ່ນ ໃຫ້ທົ່ວໂລກຮັບຮູ້ຢ່າງກວ້າງຂວາງ.
ຂປລ. ອົງການສົ່ງເສີມການຄ້າຍີ່ປຸ່ນ (JETRO) ມອບໃບຢັ້ງຢືນ-ການຮັບຮ້ອງຮ້ານອາຫານ ແລະ ຮ້ານທີ່ນຳໃຊ້ ຫລື ສະໜອງສິນຄ້າຍີ່ປຸ່ນ ຢູ່ຕ່າງປະເທດ ໃຫ້ຮ້ານອາຫານ Easy steak house by olivia ແລະ ຮ້ານອາຫານຍີ່ປຸ່ນ Edo Izakaya Japanese Restaurant & Bar ທີ່ໄດ້ນໍາໃຊ້ວັດຖຸດິບ ຈາກປະເທດຍີ່ປຸ່ນ ເຂົ້າໃນການປຸ່ງແຕ່ງອາຫານ ແລະ ເຄື່ອງດື່ມ(ເຫລົ້າ). ທັງນີ້, ກໍເພື່ອແນໃສ່ສົ່ງເສີມອາຫານ ແລະ ເຄື່ອງດື່ມ ທີ່ປອດໄພ ແລະ ແຊບ ລວມທັງວັດທະນາທໍາການກິນຂອງຍີ່ປຸ່ນ ໃຫ້ທົ່ວໂລກຮັບຮູ້ຢ່າງກວ້າງຂວາງ.
ການມອບໃບຢັ້ງຢືນ-ການຮັບຮ້ອງຮ້ານອາຫານ ແລະ ຮ້ານທີ່ນຳໃຊ້ ຫລື ສະໜອງສິນຄ້າຍີ່ປຸ່ນ ຢູ່ຕ່າງປະເທດ ໄດ້ສ້າງຕັ້ງຂຶ້ນໂດຍ ກະຊວງກະສິກໍາ ປ່າໄມ້ ແລະ ການປະມົງຍີ່ປຸ່ນ, ພ້ອມກັບອົງການສົ່ງເສີມການຄ້າຍີ່ປຸ່ນ (JETRO) ໃນປີ 2016 ເຊິ່ງກາໝາຍດັ່ງກ່າວ, ໄດ້ເຮັດໃຫ້ບັນດາ ຮ້ານອາຫານ ແລະ ຮ້ານຂາຍເຄື່ອງຍ່ອຍໃນທົ່ວໂລກ ຫັນມານຳໃຊ້ສິນຄ້າປະເພດອາຫານ ແລະ ເຄື່ອງດື່ມ ທີ່ຜະລິດໃນປະເທດຍີ່ປຸ່ນ. ສຳລັບເງື່ອນໄຂການຮັບຮອງ ຮ້ານອາຫານປະກອບມີ: ອາຫານຈະຕ້ອງໃຊ້ວັດຖຸດິບ ທີ່ຜະລິດຈາກປະເທດຍີ່ປຸ່ນ, ສະໜອງເຄື່ອງດື່ມ ທີ່ມີທາດເຫລົ້າ ເປັນປະຈຳ, ລາຍອາຫານ ແລະ ເຫລົ້າ ຕ້ອງຂຽນສະແດງໃຫ້ເຫັນວ່າເປັນຂອງປະເທດຍີ່ປຸ່ນ, ນຳສະເໜີໃຫ້ເຫັນເຖິງ ຈຸດພິເສດຂອງລົດຊາດເຫລົ້າ ແລະ ວັດຖູດິບຂອງຍີ່ປຸ່ນ.
ທ່ານ ອານຸສິດ ສີຄູນເມືອງ ເຈົ້າຂອງຮ້ານອາຫານ Easy steak house by Olivia, ທັງເປັນພໍ່ຄົວ ໄດ້ໃຫ້ສຳພາດວ່າ: ຮ້ານອາຫານ Easy steak house by olivia ໄດ້ເປີດໃຫ້ບໍລິການ ເວລາ 2 ປີ ໂດຍໄດ້ນຳເຂົ້າວັດຖຸດິບ ຈາກປະເທດຍີ່ປຸ່ນ ເປັນຕົ້ນ ຊິ້ນງົວທີ່ມີຄຸນນະພາບ ແລະ ອາຫານທະເລ ເປັນຕົ້ນ ປາ, ຫອຍ, ກຸ້ງ ແລະ ອື່ນໆ. ນອກນັ້ນ, ຍັງໄດ້ນຳເຂົ້າຊີ້ນປະເພດອື່ນໆ ຈາກຫລາຍປະເທດໃນທົ່ວໂລກ ເຊິ່ງທາງຮ້ານເນັ້ນການບໍລິການແບບເປັນກັນເອງ, ມີອາຫານທີ່ຫລາກຫລາຍປະເພດ ໂດຍສະເພາະ ແມ່ນສະເຕັກ ເຊິ່ງທາງຮ້ານໄດ້ເລືອກໃຊ້ ຊີ້ນທີ່ມີຄຸນນະພາບ ທີ່ນຳເຂົ້າຈາກປະເທດຍີ່ປຸ່ນ ມາລັງສັນເປັນອາຫານທີ່ແຊບ, ນຸ້ມລະລາຍໃນປາກ ແລະ ສະເຕັກຊີ້ນສັດປະເພດອື່ນໆ ໄວ້ ບໍລິ ການໃຫ້ແກ່ລູກຄ້າທັງພາຍໃນ ແລະ ຕ່າງປະເທດ. ການທີ່ໄດ້ຮັບໃບຢັ້ງຢືນໃນຄັ້ງນີ້, ສະແດງໃຫ້ເຫັນເຖິງຄວາມໄວ້ເນື້ອເຊື່ອໃຈ ຂອງອົງການຈັດຕັ້ງສາກົນ ກໍຄື ສ້າງຄວາມໄວ້ເນື້ອເຊື່ອໃຈໃຫ້ກັບສັງຄົມ, ເປັນການຢັ້ງຢືນເຖິງ ຄຸນນະພາບ, ການບໍລິການ ລວມເຖິງລົດຊາດອາຫານ ທີ່ເປັນເອກະລັກຂອງທາງຮ້ານ.
ຂ່າວ-ພາບ: ກິດຕາ
KPL
