ຂປລ
ຢູ່ນະຄອນຫລວງ ຮ່າໂນ້ຍ ປະເທດ ຫວຽດນາມ , ໂດຍກະຊວງ ການຕ່າງປະເທດ ຫວຽດນາມ ໄດ້ຈັດພິທີຊັກທຸງ ຂຶ້ນເສົາ ອາຊຽນ, ເນື່ອງໃນໂອກາດ ສະເຫລີມສະຫລອງ ວັນສ້າງຕັ້ງ ອາຊຽນ ຄົບຮອບ 57 ປີ (8 ສິງຫາ 1967-8 ສິງຫາ 2024). ໂດຍເປັນ ປະທານພິທີ
ຂປລ.ສຳນັກຂ່າວ ວິທະຍຸກະຈາຍສຽງແຫ່ງຊາດ ຫວຽດນາມ ລາຍງານວ່າ: ວັນທີ 08 ສິງຫາ, ຢູ່ນະຄອນຫລວງ ຮ່າໂນ້ຍ ປະເທດ ຫວຽດນາມ , ໂດຍກະຊວງ ການຕ່າງປະເທດ ຫວຽດນາມ ໄດ້ຈັດພິທີຊັກທຸງ ຂຶ້ນເສົາ ອາຊຽນ, ເນື່ອງໃນໂອກາດ ສະເຫລີມສະຫລອງ ວັນສ້າງຕັ້ງ ອາຊຽນ ຄົບຮອບ 57 ປີ (8 ສິງຫາ 1967-8 ສິງຫາ 2024). ໂດຍເປັນ ປະທານພິທີ, ທ່ານ ໂດ໊ຮຸ່ງຫວຽດ ຮອງລັດຖະມົນຕີການ ຕ່າງປະເທດ ຫວຽດນາມ, ຫົວໜ້າ SOM ASEAN ຫວຽດນາມ, ຢັ້ງຢືນວ່າ:
“ພວກເຮົາຮັບປະກັນໄດ້ ສັນຕິພາບ ແລະ ສະຖຽນລະພາບ ໃນພາກພື້ນ ເຊິ່ງກ່ອນນີ້ ເຄີຍຖືກສົງຄາມ ແລະ ປະທະກັນ. ພວກເຮົາໄດ້ສ້າງພື້ນຖານ ເສດຖະກິດ ທີ່ມີລັກສະນະ ເຊື່ອມໂຍງສູງ ດ້ວຍການພັດທະນາ ແບບຍືນຍົງ ແລະ ກວມລວມ, ສ້າງສັງຄົມ ໂດຍຖືປະຊາຊົນ ເປັນໃຈກາງ. ຊຶ່ງປັດໄຈສຳຄັນ ໃນສະພາບການ ໂລກປັດຈຸບັນ.
ປັດຈຸບັນ, ອາຊຽນ ແມ່ນຮູບແບບ ການຮ່ວມມື ແລະ ເຊື່ອມໂຍງ ໃນພາກພື້ນ. ດ້ວຍວິໄສທັດ ຍຸດທະສາດ, ໄດ້ຮັບການຊຸກຍູ້ ດ້ວຍຄວາມສາມັກຄີ ຂອງທຸກປະເທດ ສະມາຊິກ, ອາຊຽນ ພວມເພີ່ມທະວີ ບົດບາດເປັນໃຈກາງ ແລະ ຕັດສິນໃຈ ເພື່ອພາກພື້ນ ອາຊຽນ ຍືນຍົງ, ປ່ຽນແປງໃໝ່, ຖືປະຊາຊົນ ເປັນໃຈກາງ”.
ເນື່ອງໃນໂອກາດນີ້, ທ່ານ ໂດ໊ຮຸ່ງຫວຽດ ໄດ້ເນັ້ນໜັກ ເຖິງບຸລິມະສິດຂອງ ຫວຽດນາມ ສຳລັບ ອາຊຽນ, ໂດຍຖືວ່າ ອາຊຽນ ຍາມໃດກໍມີທີ່ຕັ້ງ ຍຸດທະສາດ ໃນທຸກການເຄື່ອນໄຫວ ການຕ່າງປະເທດຂອງ ຫວຽດນາມ. ຫວຽດນາມ ໃຫ້ຄຳໝັ້ນສັນຍາ ຈະສືບຕໍ່ຮ່ວມມື ກັບບັນດາປະເທດ ອາຊຽນ ແລະ ຄູ່ຮ່ວມມື ເພື່ອຊຸກຍູ້ ພາກພື້ນສັນຕິພາບ ແລະ ເຂັ້ມແຂງ, ນຳພາກພື້ນ ອາຊີຕາເວັນອອກສຽງໃຕ້ ກາຍເປັນພາກພື້ນ ແຫ່ງສັນຕິພາບ, ວັດທະນາຖາວອນ ແລະ ສະຖຽນລະພາບ ຢ່າງແທ້ຈິງ.
KPL
