*ງານຕະຫລາດນັດສາກົນ, ການຄ້າ, ການທ່ອງທ່ຽວ ແລະ ການລົງທຶນ ຕາມແລວເສັ້ນທາງເສດຖະກິດຕາເວັນອອກ-ຕາເວັນຕົກ ຈັດຂຶ້ນໃນລະຫວ່າງ 2-7 ສິງຫາ 2024 ຢູ່ນະຄອນດາໜັງ ສສ ຫວຽດນາມ ມີ 10 ປະເທດເຂົ້າຮ່ວມ ໂດຍມີຫ້ອງວາງສະແດງສິນຄ້າຜະລິດຕະພັນລາວ ແລະ ຜະລິດຕະພັນການທ່ອງທ່ຽວ ມີ 10 ກວ່າຫ້ອງວາງສະແດງ ແລະ 16 ກວ່າຫົວໜ່ວຍທຸລະກິດ ຈາກ ສປປ ລາວ. ໃນນັ້ນ, ໂຮງແຮມແລນມາກແມ່ຂອງລີເວີໄຊ ກໍເປັນໂຮງແຮມໜຶ່ງທີ່ໄດ້ຮ່ວມງານດັ່ງກ່າວ ເຊິ່ງໂຮງແຮມດັ່ງກ່າວແມ່ນພ້ອມໃຫ້ຂໍ້ມູນຂ່າວສານດ້ານການທ່ອງທ່ຽວ.

    ທ່ານ ປິ່ງໂກ ພອນສະຫວັນ ຜູ້ຈັດການໂຮງແຮມແລນມາກແມ່ຂອງ ລີເວີໄຊ ໄດ້ໃຫ້ສໍາພາດໃນວັນທີ 3 ສິງຫາ 2024 ຕໍ່ນັກຂ່າວ ຂ່າວສານປະເທດລາວວ່າ: ງານຕະຫລາດນັດສາກົນ, ການຄ້າ, ການທ່ອງທ່ຽວ ແລະ ການລົງທຶນຕາມແລວເສ້ັນທາງເສດຖະກິດຕາເວັນອອກ-ຕາເວັນຕົກໃນຄັ້ງນີ້, ເປັນໂອກາດດີທີ່ໄດ້ເຂົ້າມາຮ່ວມ ເຊິ່ງເປົ້າໜາຍຫລັກໆຂອງພວກເຮົາແມ່ນຢາກມາສ້າງຄວາມຮູ້ສິ່ງໃໝ່, ຕະຫລາດໃໝ່ໆກ່ຽວກັບທຸລະກິດຂອງໂຮງແຮມເຊ່ິງໂຮງແຮມແລນມາກແມ່ຂອງລີເວີໄຊ ກໍເປັນເປັນໂຮງໜຶ່ງຢູ່ແຖວໜ້າ ຂອງ ສປປ ລາວ ທີ່ມີການບໍລິການໃຫ້ນັກທ່ອງທ່ຽວທີ່ຫລາກຫລາຍ  ໂດຍສະເພາະໃຫ້ນັກທ່ອງທ່ຽວປະເທດເພື່ອນມິດເປັນຕົ້ນ ສສ ຫວຽດນາມ, ໄທ, ຈີນ, ສ ເກົາຫລີ ແລະ ບັນດາປະເທດອາຊຽນ ເພື່ອຮັດແນວໃດດຶງດູດເອົານັກທ່ອງທ່ຽວ ເຂົ້າໄປທ່ຽວລາວໃຫ້ຫລາຍຂຶ້ນ ໂດຍໄດ້ຮ່ວມມືກັບບໍລິສັດທ່ອງທ່ຽວ ໂຄສະນາໃຫ້ປີທ່ອງທ່ຽວລາວ 2024 ໃຫ້ນັກທ່ອງທ່ຽວໄດ້ເຂົ້າເຖິງຂ້ໍມູນຂ່າວສານການທ່ອງທ່ຽວ, ເສັ້ນທາງການທ່ອງທ່ຽວ ໃຫ້ນັກທ່ອງທ່ຽວໄປທ່ຽວລາວໃຫ້ຫລາຍຂຶ້ນ ເຊິ່ງພາຍໃນງານຂ້າພະເຈົ້າກໍໄດ້ພົບປະກັບບັນດາຜູ້ປະກອບການ, ການບໍລິການດ້ານການທ່ອງທ່ຽວທີ່ມາຮ່ວມໃນງານນີ້ ລວມເຖິງນັກທ່ອງທ່ຽວທີ່ຫລາກຫລາຍເຂົາເຈົ້າມີຄວາມສົນໃຈຢາກໄປທ່ອງທ່ຽວຢູ່ ສປປ ລາວ.

    ທ່ານ ປິ່ງໂກ ພອນສະຫວັນ ຍັງໄດ້ກ່າວຕື່ມວ່າ: ນອກຈາກໂຮງແຮມແລນມາກແມ່ຂອງລີເວີໄຊແລ້ວ ພວກເຮົາຍັງມີອາພັດເມັນທີ່ຕິດກັບຕຶກໂຮງແຮມ ເຊິ່ງມີບໍລິການ 200 ກວ່າຫ້ອງ ແລະ ຍັງມີໂຮງແຮມວຽງຈັນໄລເຊັນເຕີ ເຊິ່ງຫາກໍເປີດ ໃໝ່ມີ 300 ກວ່າຫ້ອງຕິດວຽງຈັນເຊັນເຕີ. ນັກທ່ອງທ່ຽວ ຫລື ນັກທຸລະກິດສົນໃຈ ຕິດຕໍ່ 020 5965 8383, 021 266888.

ຂ່າວ-ພາບ: ວີລະວັນ 

KPL