ຂປລ
ປີ 2024, ປະລິມານການຜະລິດ ແລະ ຈຳໜ່າຍລົດ ໃຊ້ພະລັງງານ ໃໝ່ຂອງ ສປ ຈີນ ຕ່າງໄດ້ບັນລຸເຖິງ 12,88 ລ້ານຄັນ ແລະ 12,86 ລ້ານຄັນ ຕາມລຳດັບ, ຕ່າງໄດ້ເພີ່ມຂຶ້ນ 34,4% ແລະ 35,5% ຕາມລຳດັບເມື່ອທຽບໃສ່ປີ 2023.
ຂປລ.ວິທະຍຸ ສາກົນ ແຫ່ງ ສປ ຈີນ,ຕົວເລກ ຂໍ້ມູນຫລ້າສຸດ ກ່ຽວກັບ ອຸດສາຫະກຳລົດ ປີ 2024 ທີ່ສະມາຄົມ ອຸດສາຫະກຳລົດຈີນ ເປີດເຜີຍວ່າ: ຕົວເລກ ຂໍ້ມູນຫລ້າສຸດ ສະແດງໃຫ້ເຫັນວ່າ: ປີ 2024, ປະລິມານການຜະລິດ ແລະ ຈຳໜ່າຍລົດ ໃຊ້ພະລັງງານ ໃໝ່ຂອງ ສປ ຈີນ ຕ່າງໄດ້ບັນລຸເຖິງ 12,88 ລ້ານຄັນ ແລະ 12,86 ລ້ານຄັນ ຕາມລຳດັບ, ຕ່າງໄດ້ເພີ່ມຂຶ້ນ 34,4% ແລະ 35,5% ຕາມລຳດັບເມື່ອທຽບໃສ່ປີ 2023. ປະລິມານ ການຈຳໜ່າຍລົດ ໃຊ້ພະລັງງານໃໝ່ ໄດ້ກວມ 40,9% ຂອງຍອດປະລິມານການຈຳໜ່າຍລົດໃໝ່ ແລະ ສືບຕໍ່ເປັນຈຸດເຕີບໂຕ ທີ່ສຳຄັນ ສຳລັບ ອຸດສາຫະກຳລົດ ຂອງ ສປ ຈີນ. ໃນຂະນະດຽວກັນ, ໃນປີ 2024, ສປ ຈີນ ໄດ້ສົ່ງອອກລົດ ໃຊ້ພະລັງງານໃໝ່ 1, 284 ລ້ານຄັນ, ເພີ່ມຂຶ້ນ 6,7% ເມື່ອທຽບໃສ່ປີ 2023 ແລະ ສືບຕໍ່ເປັນອັນດັບທີ 1 ຂອງໂລກເປັນ 10 ປີລຽນຕິດ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
