ຂປລ
ຂປລ.ອົງການໄອຍະການປະຊາຊົນສູງສຸດ ຈັດພິທີສອບເສັງເລື່ອນຂັ້ນພະນັກງານວິຊາການກົດໝາຍ ທີ່ຈະກ້າວຂຶ້ນເປັນຜູ້ຊ່ວຍ ພະນັກງານໄອຍະການປະຊາຊົນ, ຜູ້ຊ່ວຍພະນັກງານໄອຍະການປະຊາຊົນ ທີ່ຈະເລື່ອນຂັ້ນເປັນພະນັກງານ ໄອຍະການປະຊາຊົນ ຂັ້ນ III ແລະ ພະນັກງານ ໄອຍະການປະຊາຊົນ ຂັ້ນ III ທີ່ຈະເລື່ອນຂັ້ນເປັນພະນັກງານໄອຍະການປະຊາຊົນ ຂັ້ນ II ແລະ ການປະເມີນ ພະນັກງານໄອຍະການປະຊາຊົນ ຂັ້ນ II ທີ່ຈະເລື່ອນຂັ້ນເປັນ ພະນັກງານໄອຍະການປະຊາຊົນ ຂັ້ນ I ປະຈໍາປີ 2024 ໃນວັນທີ 25 ກໍລະກົດ 2024
![](https://kpl.gov.la/Media/Upload/News/Thumb/2024/07/26/7.jpg)
ຂປລ.ອົງການໄອຍະການປະຊາຊົນສູງສຸດ ຈັດພິທີສອບເສັງເລື່ອນຂັ້ນພະນັກງານວິຊາການກົດໝາຍ ທີ່ຈະກ້າວຂຶ້ນເປັນຜູ້ຊ່ວຍ ພະນັກງານໄອຍະການປະຊາຊົນ, ຜູ້ຊ່ວຍພະນັກງານໄອຍະການປະຊາຊົນ ທີ່ຈະເລື່ອນຂັ້ນເປັນພະນັກງານ ໄອຍະການປະຊາຊົນ ຂັ້ນ III ແລະ ພະນັກງານ ໄອຍະການປະຊາຊົນ ຂັ້ນ III ທີ່ຈະເລື່ອນຂັ້ນເປັນພະນັກງານໄອຍະການປະຊາຊົນ ຂັ້ນ II ແລະ ການປະເມີນ ພະນັກງານໄອຍະການປະຊາຊົນ ຂັ້ນ II ທີ່ຈະເລື່ອນຂັ້ນເປັນ ພະນັກງານໄອຍະການປະຊາຊົນ ຂັ້ນ I ປະຈໍາປີ 2024 ໃນວັນທີ 25 ກໍລະກົດ 2024 ໂດຍການເປັນປະທານຂອງ ທ່ານ ນາງ ພອນທິບ ສາວະລີ ກໍາມະການຄະນະບໍລິຫານງານພັກ, ຫົວໜ້າກົມຈັດຕັ້ງ-ພະນັກງານ ອົງ ການໄອຍະການປະຊາຊົນສູງສຸດ, ມີຮອງຫົວໜ້າກົມຈັດຕັ້ງ-ພະນັກງານ, ຄະນະຮັບຜິດຊອບສອບເສັງ ແລະ ຜູ້ເຂົ້າຮ່ວມສອບເສັງ ທັງໜົດ 142 ທ່ານ ຍິງ 47 ທ່ານ.
![](https://kpl.gov.la/Media/Upload/News/Thumb/2024/07/26/10.jpg)
ໃນວາລະດັ່ງກ່າວ, ທ່ານ ນາງ ພອນທິບ ສາວະລີ ໄດ້ເນັ້ນຫລາຍບັນຫາທີ່ສຳຄັນ ຕໍ່ນັກສອບເສັງທີ່ໄດ້ເຂົ້າຮ່ວມສອບເສັງໃນ 7 ພາກວິຊາຄື: ຄວາມຮູ້ທົ່ວໄປ, ການຕິດຕາມກວດກາທົ່ວໄປ, ການຕິດຕາມກວດກາການດຳ ເນີນຄະດີອາຍາ, ການຕິດຕາມກວດກາດຳເນີນຄະດີແພ່ງ, ການຕິດຕາມ ກວດກາຄ້າຍຄຸມຂັງ-ດັດສ້າງ, ຄອມພິວເຕີ ແລະ ພາສາອັງກິດ ເຊິ່ງການສອບເສັງໃນຄັ້ງນີ້ ໄດ້ເລືອກເຟັ້ນເອົາຜູ້ທີ່ມີມາດຖານທີ່ຄົບຖ້ວນ ແລະ ຮັບປະກັນໃຫ້ໄດ້ຜູ້ທີ່ມີຄຸນະພາບແທ້ຈິງ ເພື່ອກຽມພ້ອມຮັບໃຊ້ໜ້າທີ່ ການເມືອງທີ່ຖືກມອບໝາຍ ແລະ ນໍາເອົາຄວາມຮູ້, ຄວາມສາ ມາດ ແລະ ປະສົບການໜູນໃຊ້ເຂົ້າໃນການຄົ້ນຄວ້າ ແກ້ໄຂຄະດີໃຫ້ມີຄວາມໂປ່ງໃສ, ຍຸຕິທໍາ ໄປຄຽງຄູ່ກັບດ້ານຄຸນທາດການເມືອງ, ຈັນຍາບັນ, ຈັນຍາທໍາ ຂອງພະນັກງານໄອຍະການປະຊາຊົນ ໃຫ້ໜັກແໜ້ນ ເພື່ອປະຕິບັດໜ້າທີ່ຕິດ ຕາມກວດກາການປະຕິບັດກົດໝາຍ, ສັ່ງຟ້ອງຜູ້ຖືກຫາຂຶ້ນສານ, ເຂົ້າຮ່ວມປະຊຸມສານ ແລະ ຕາມການມອບໝາຍ. ທັງຮັບປະກັນເນື້ອໃນຄໍາຂວັນ 3 ມີ 4 ຮັບປະກັນ, ປະຕິບັດພາລະບົດບາດ, ສິດ ແລະ ໜ້າທີ່ ຂອງພະນັກງານໄອຍະການປະຊາຊົນ ໂດຍສະເພາະ ໃຫ້ແກ່ອົງການໄອຍະການ ປະຊາຊົນໃນຂອບເຂດທົ່ວປະເທດ ໃຫ້ມີການພັດທະ ນາ ແລະ ເຕີບໃຫ່ຍເຂັ້ມແຂງ ກ້າວສູ່ທັນສະໄໝເທື່ອລະກ້າວ.
![](https://kpl.gov.la/Media/Upload/News/Thumb/2024/07/26/9.jpg)
ການສອບເສັງເລື່ອນຂັ້ນ ພະນັກງານໄອຍະການປະຊາຊົນ ແລະ ຜູ້ຊ່ວຍພະນັກງານໄອຍະການ ປະຊາຊົນ ໃນຂອບເຂດທົ່ວປະເທດ ປະຈໍາປີ 2024 ໄດ້ສຳເລັດໃນຕອນເຊົ້າ ວັນທີ 26 ກໍລະກົດ 2024 ຕາມຄາດໝາຍທີ່ວາງໄວ້.
ຂ່າວ-ພາບ: ອານຸສັກ
KPL