ເມືອງເງິນ ສູ້ຊົນປ່ອຍປາລົງສູ່ແຫລ່ງນໍ້າທໍາມະຊາດ ໃຫ້ໄດ້ 570.000 ໂຕ

19/07/2024 12:33

Email Print 994

ຂປລ ຂປລ. ແຫລ່ງຂ່າວຈາກ ແຂວງໄຊຍະບູລີ ໃຫ້ຮູ້ວ່າ: ໃນວັນທີ 12 ກໍລະກົດ 2024 ຜ່ານມາ ທີ່ອ່າງເກັບນໍ້າຫ້ວຍນານ້ອຍ ເມືອງເງິນ ແຂວງ ໄຊຍະບູລີ ຈັດພິທີປ່ອຍປາ ລົງສູ່ແຫລ່ງນໍ້າທໍາມະຊາດ ເນື່ອງໃນໂອກາດວັນປ່ອຍປາ ແລະ ສັດນໍ້າ ແຫ່ງຊາດ

ຂປລ. ແຫລ່ງຂ່າວຈາກ ແຂວງໄຊຍະບູລີ ໃຫ້ຮູ້ວ່າ: ໃນວັນທີ 12 ກໍລະກົດ 2024 ຜ່ານມາ ທີ່ອ່າງເກັບນໍ້າຫ້ວຍນານ້ອຍ ເມືອງເງິນ ແຂວງ ໄຊຍະບູລີ ຈັດພິທີປ່ອຍປາ ລົງສູ່ແຫລ່ງນໍ້າທໍາມະຊາດ ເນື່ອງໃນໂອກາດວັນປ່ອຍປາ ແລະ ສັດນໍ້າ ແຫ່ງຊາດ 13 ກໍລະກົດ 2024 ໂດຍການເຂົ້າຮ່ວມຂອງທ່ານ ທະວີສັກ ໄຊຍະວົງ ເຈົ້າເມືອງໆເງິນ, ທ່ານ ຍຸດທະນາ ຈຸນພັນທອງ ຜູ້ອໍານວຍການສາຍງານກິດຈະການອົງກອນ ບໍລິສັດໄຟຟ້າຫົງສາ ພ້ອມດ້ວຍບັນດາຫ້ອງການອ້ອມຂ້າງເມືອງ, ພະນັກງານ, ນັກທຸລະກິດ ຜູ້ປະກອບການ ແລະ ນາຍບ້ານເທສະບານເມືອງເຂົ້າຮ່ວມ. ທ່ານ ທະວີສັກ ໄຊຍະວົງ ໄດ້ກ່າວວ່າ: ເພື່ອເປັນການຈັດຕັ້ງຜັນຂະຫຍາຍກົດໝາຍ ວ່າດ້ວຍສັດນ້ຳ ແລະ ການປະມົງ (ສະບັບປັບປຸງ) ແລະ ບັນດານິຕິກຳຕ່າງໆ ທີ່ກ່ຽວຂ້ອງ ໃນໄລຍະຜ່ານມາ ການນຳຂັ້ນຕ່າງໆ ກໍໄດ້ເອົາໃຈໃສ່ນໍາພາ ແລະ ຊີ້ນໍາຕໍ່ກັບການປົກປັກຮັກສາ, ການອະນຸລັກປ່າໄມ້, ສັດນ້ຳ ແລະ ສັດປ່າ ທັງນີ້ກໍເພື່ອແນໃສ່ເຮັດໃຫ້ຊັບພະຍາກອນປ່າໄມ້, ສັດນ້ຳ ແລະ ສັດປ່າ ໄດ້ຮັບການຄຸ້ມຄອງ ແລະ ເພີ່ມຄວາມອຸດົມສົມບູນ ໃຫ້ທໍາມະຊາດ, ມີການຄຸ້ມຄອງນຳໃຊ້ແບບຍືນຍົງຕາມນະໂຍບາຍວາງອອກ ໂດຍບໍ່ມີວັນບົກແຫ້ງ. ໃນປີ 2024 ເມືອງເງິນ ມີແຜນສູ້ຊົນປ່ອຍປາໃຫ້ໄດ້ 570.000 ໂຕ ໃນນີ້, ໄດ້ປ່ອຍກ່ອນວັນທີ 13 ກໍລະກົດ 2024 ຈໍານວນ 361.000 ໂຕ ແລະ ຈະນຳໄປປ່ອຍຫລັງວັນທີ 13 ກໍລະກົດ 2024 ຈໍານວນ 173.000 ໂຕ, ສຳລັບປ່ອຍພິທີທາງການໃນວັນທີ 13 ກໍລະກົດ 2024 ນີ້ຈຳນວນ 36.000 ໂຕ ມີ 4 ຈຸດໃນທົ່ວເມືອງ ຄື: ອ່າງເກັບນໍ້າຫວຍນານ້ອຍ 15.000 ໂຕ, ອ່າງເກັບນໍ້າຫ້ວຍເພຍງາມ 7.000 ໂຕ, ວັງສະຫງວນບ້ານຂອນ 7.000 ໂຕ, ວັງສະຫງວນຝາຍນໍ້າເງິນ 7.000 ໂຕ ແລະ ປ່ອຍລົງແຫລ່ງນໍ້າທໍາມະຊາດອີກຈໍານວນໜຶ່ງ, ປາທີ່ປ່ອຍໃນປີນີ້ ປະກອບມີ: ປານິນ, ປາໄນ, ປາປາກ ແລະ ປາອິນເດຍ.

ຂ່າວ-ພາບ: ສຸລີຍາ ແສງເດືອນ

KPL

ວັດທະນະທຳ-ສັງຄົມ
ເຊກອງ ເມືອງແຫ່ງສະເໜ່ ໄດ້ຮັບລາງວັນຫ້ອງວາງສະແດງແຫ່ງຊາດ ດີເດັ່ນ-ສວຍງາມ
9/23/2026 11:55:28 AM
ໃນໂອກາດແຂວງເຊກອງ ຕົວແທນເມືອງແຫ່ງສະເໜ່ ຂອງ ສປປ ລາວ ເຂົ້າຮ່ວມງານວາງສະແດງສິນຄ້າ ຈີນ-ອາຊຽນ ຄັ້ງທີ 23 ປະຈຳປີ 2026 ທີ່ນະຄອນໜານໜິງ ແຂວງກວາງຊີ ສປ ຈີນ, ຫ້ອງວາງສະແດງ “ເຊກອງ ເມືອງແຫ່ງສະເໜ່” ໄດ້ຮັບລາງວັນຫ້ອງວາງສະແດງດີເດັ່ນ-ສວຍງາມ (Best National Pavilion) ຈາກການຈັດຕົບແຕ່ງ ແລະ ນຳສະເໜີເນື້ອໃນພາຍໃນຫ້ອງວາງສະແດງ.
ວັດທະນະທຳ-ສັງຄົມ
ຍົກລະດັບຄວາມຮູ້ການນຳໃຊ້ປັນຍາປະດິດ
9/23/2026 11:51:41 AM
ສູນກາງສະຫະພັນແມ່ຍິງລາວ (ສສຍລ) ຮ່ວມກັບມູນນິທິເອເຊຍ ຈັດຊຸດຝຶກອົບຮົມໃນຫົວຂໍ້ “ການນຳໃຊ້ປັນຍາປະດິດໃນພາກປະຕິບັດ ແລະ ມີຄວາມຮັບຜິດຊອບ ເພື່ອເພີ່ມປະສິດທິພາບການປະຕິບັດໜ້າທີ່ໃນອົງກອນ ສຳລັບສູນກາງສະຫະພັນແມ່ຍິງ” ເພື່ອສ້າງຄວາມເຂັ້ມແຂງ ແລະ ຍົກລະດັບທັກສະການນຳໃຊ້ເຕັກໂນໂລຊີປັນຍາປະດິດ (AI) ໃນວັນທີ 21-22 ກັນຍາ 2026
ວັດທະນະທຳ-ສັງຄົມ
4 ພາກສ່ວນຮ່ວມຕີລາຄາ ແລະ ປະເມີນຜົນກ່ຽວກັບການດຳເນີນຄະດີຕາມຂະບວນຍຸຕິທຳ
9/23/2026 11:44:18 AM
ກະຊວງປ້ອງກັນຄວາມສະຫງົບ, ອົງການໄອຍະການປະຊາຊົນສູງສຸດ, ສານປະຊາຊົນສູງສຸດ ແລະ ກະຊວງຍຸຕິທຳ ຈັດກອງປະຊຸມຮ່ວມ 4 ພາກສ່ວນ ກ່ຽວກັບການດຳເນີນຄະດີຕາມຂະບວນຍຸຕິທຳ ຄັ້ງທີ VIII ໃນວັນທີ 21 ກັນຍາ 2026 ໂດຍການເປັນປະທານຮ່ວມຂອງ ທ່ານ ພົທ ວັນທອງ ກອງມະນີ ຄະນະເລຂາທິການສູນກາງພັກ, ລັດຖະມົນຕີກະຊວງປ້ອງກັນຄວາມສະຫງົບ, ທ່ານ ໄພວີ ສີບົວລິພາ ກຳມະການສູນກາງພັກ, ປະທານສານປະຊາຊົນສູງສຸດ, ທ່ານ ນາງ ລີວົງ ລາວລີ ກຳມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ແລະ ທ່ານ ນາງ ສີສຸດາ ໂສພາວັນດີ ຮອງລັດຖະມົນຕີກະຊວງຍຸຕິທຳ, ມີບັນດາການນຳຂອງ 4 ພາກສ່ວນ ແລະ ແຂກຖືກເຊີນ ເຂົ້າຮ່ວມ.
ວັດທະນະທຳ-ສັງຄົມ
ກຽມພົບກັບມະຫະກຳສີມືຫັດຖະກຳລາວ ໃນທ້າຍເດືອນຕຸລານີ້
9/23/2026 9:55:10 AM
ສະມາຄົມຫັດຖະກຳລາວ ຮ່ວມກັບກົມສົ່ງເສີມ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (ຈນກ) ກະຊວງອຸດສາຫະກຳ ແລະ ການຄ້າ ກຽມຈະຈັດງານວາງສະແດງ ແລະ ຂາຍສິນຄ້າຫັດຖະກໍາລາວ ຄັ້ງທີ 25 ປະຈໍາປີ 2026 ໃນລະຫວ່າງວັນທີ 31 ຕຸລາ ຫາ 8 ພະຈິກ 2026 ທີ່ສູນວາງສະແດງສິນຄ້າລາວ-ໄອເຕັກ (ຕຶກເກົ່າ)
ວັດທະນະທຳ-ສັງຄົມ
ບໍລິຄຳໄຊ ຫາລືການພັດທະນາໂຄງການພັດທະນາແສງຕາເວັນ
9/22/2026 12:22:10 AM
ຂປລ. ແຫລ່ງຂ່າວຈາກແຂວງ ບໍລິຄຳໄຊ ໃຫ້ຮູ້ວ່າ: ກອງປະຊຸມ ປຶກສາຫາລືແບບເປີດກວ້າງ ລະ ຫວ່າງ ໂຄງການພະລັງງານແສງ ຕາເວັນ 100 ເມກາວັດ ແລະ ຊຸມ ຊົນທ້ອງຖິ່ນ ກ່ຽວກັບການພັດທະ ນາໂຄງການພະລັງງານແສງຕາ ເວັນ ແລະ ກົນໄກສິນເຊື່ອກາກບອນ ໄດ້ຈັດຂ້ຶນທ່ີພະແນກອຸດສາຫະກໍາ ແລະ ການຄ້າແຂວງ ໂດຍການເປັນ ປະທານຮ່ວມຂອງ ທ່ານ ສຸກສາ ຄອນ ບົວທອງ ຮອງຫົວໜ້າພະແນກ ອຸດສະຫະກຳ ແລະ ການຄ້າແຂວງ ບໍລິຄຳໄຊ, ທ່ານ ເພັງຊົງ ຕົງນາມະ ວົງ ຜູ້ອຳນວຍການ ໂຄງການພະລັງ ງານແສງຕາເວັນ ພ້ອມດ້ວຍອຳ ນາດການປົກຄອງບ້ານນໍ້າງຽບ, ບ້ານກ້ວຍອຸດົມ, ພະແນກການທ່ ກ່ຽວຂ້ອງຂັ້ນແຂວງ, ຂັ້ນເມືອງ ເຂົ້າຮ່ວມ.