ຂປລ
ປັດຈຸບັນ ສປຈີນ ມີເຄືອຂ່າຍ 5 ຈີ ຢູ່ທຸກເມືອງ ທົ່ວປະເທດ ລວມເຖິງ ໝູ່ບ້ານ ຫລາຍກວ່າ 90%.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ກະຊວງ ອຸດສາຫະກໍາ ແລະ ເຕັກໂນໂລຊີ ສື່ສານ ຂອງ ຈີນ ເປີດເຜີຍວ່າ: ປັດຈຸບັນ ສປຈີນ ມີເຄືອຂ່າຍ 5 ຈີ ຢູ່ທຸກເມືອງ ທົ່ວປະເທດ ລວມເຖິງ ໝູ່ບ້ານ ຫລາຍກວ່າ 90%.ໂດຍ ຈີນ ໄດ້ສ້າງເຄືອຂ່າຍ ຂໍ້ມູນ ແລະ ການສື່ສານ ຊັ້ນນໍາ ລະດັບໂລກ , ໂດຍມີ ສະຖານີຖານ 5 ຈີ ຈໍານວນ 3,84 ລ້ານແຫ່ງ, ກວມເອົາ ມູນຄ່າ ຫລາຍກວ່າ 60% ຂອງ ສະຖານີຖານ 5 ຈີ ທັງໝົດ ທົ່ວໂລກ.
ເຈົ້າໜ້າທີ່ກ່ຽວຂ້ອງ ລະບຸວ່າ ນັບຕັ້ງແຕ່ຈີນ ໄດ້ອອກໃບອະນຸຍາດ 5 G ສໍາລັບ ການໃຊ້ງານ ເຊິ່ງການຄ້າ ຊຸດທຳອິດ ໃນໄລຍະ 5 ປີຜ່ານມາ ກ່ອນ ເຕັກໂນໂລຊີ ໄດ້ຖືກນໍາມາໃຊ້ ບູລະນະ ເຂົ້າກັບ ດ້ວຍຫລາກຫລາຍ ພາກສ່ວນ ເຊັ່ນ: ອຸດສາຫະກຳ ພະລັງງານ, ການເຮັດ ບໍ່ແຮ່, ບໍລິການ ດູແລ ສຸຂະພາບ ແລະ ການສຶກສາ, ໂດຍມີ ການສົ່ງເສີມ ແລະ ການໝູນໃຊ້ ໃນວົງກວ້າງ. ໃນຂະນະທີ່ ຈີນ ໄດ້ສ້າງ ໂຮງງານ 5 ຈີ ຈຳນວນ 300 ແຫ່ງ ແລະ ເປີດຕົວ ໂຄງການ ປະໝູນໃຊ້ 5 ຈີ ກັບ ອິນເຕີເນັດ ອຸດສາຫະກຳ ຫລາຍກວ່າ 13.000 ໂຄງການ. /
KPL
