ຂປລ
ການລົງທຶນ ໂດຍກົງ ລະຫວ່າງ ປະເທດ (ເອຟດີໄອ) ເມື່ອປີ 2023 ຫລຸດລົງ ທົ່ວໂລກ ເປັນປີທີ 2 ຕິດຕໍ່ກັນ , ກວມເອົາ 2% ຫລື 1,3 ພັນຕື້ໂດລາ ສະຫະລັດ
ຂປລ. ສຳນັກຂ່າວ ເອເອຟພີ ລາຍງານ ຈາກ ນະຄອນຫລວງ ເຈນິວາ ປະເທດ ສະວິດ ເມື່ອວັນທີ 22 ມິຖຸນາ, ກອງປະຊຸມ ສະຫະປະຊາຊາດ ວ່າດ້ວຍການຄ້າ ແລະ ການພັດທະນາ ລາຍງານວ່າ: ການລົງທຶນ ໂດຍກົງ ລະຫວ່າງ ປະເທດ (ເອຟດີໄອ) ເມື່ອປີ 2023 ຫລຸດລົງ ທົ່ວໂລກ ເປັນປີທີ 2 ຕິດຕໍ່ກັນ , ກວມເອົາ 2% ຫລື 1,3 ພັນຕື້ໂດລາ ສະຫະລັດ, ທ່າມກາງ ການຢຸດຈຶ້ງ ຂອງ ເສດຖະກິດໂລກ. ຢ່າງໃດກໍ່ຕາມ ການລາຍງານ ດັ່ງກ່າວ ໄດ້ເນັ້ນເຖິງ ການພັດທະນາ ເຊິ່ງບວກ ບາງປະການ, ໂດຍອ້າງເຖິງ ການຫລຸດຜ່ອນ ເງື່ອນໄຂ ທາງດ້ານ ການເງິນ ແລະ ຄວາມພະຍາຍາມ ໃນການ ອຳນວຍ ຄວາມສະດວກ ດ້ານການລົງທຶນ ຮ່ວມກັນ ຊຶ່ງເປັນ ສ່ວນສຳຄັນ ຂອງ ນະໂຍບາຍ ລະດັບຊາດ ແລະ ຂໍ້ຕົກລົງ ລະຫວ່າງ ປະເທດ. ທັງນີ້, ການລົງທຶນ ທີ່ ຫລຸດລົງ ໄດ້ສົ່ງ ຜົນກະທົບ ຕໍ່ປະເທດ ທີ່ ພວມພັດທະນາ ໂດຍສະເພາະ. ເນື່ອງຈາກ ມີທ່າອຽງ ທີ່ຈະເປັນ ແຫລ່ງເງິນທຶນ ພາຍນອກ ຂະໜາດໃຫຍ່ ທີ່ສຸດ ຂອງປະເທດ. /
KPL
