6 ເດືອນທ້າຍປີນີ້ ລັດຈະສູ້ຊົນເກັບລາຍຮັບໃຫ້ໄດ້ 26,319 ຕື້ກີບ

11/06/2024 14:59
Email Print 184
ຂປລ ຂປລ. ​ໄລຍະ 6 ເດືອນທ້າຍປີ 2024 ນີ້, ລັດຖະບານ ກໍ​ຄື ກະຊວງ​ການ​ເງິນ ຈະສູ້ຊົນເກັບລາຍຮັບໃຫ້ໄດ້ ປະມານ 26,319 ຕື້ກີບ ເທົ່າກັບ 52.47% ຂອງແຜນການປີ ຫລື ເທົ່າກັບ 8.95% ຂອງ GDP. ໃນນີ້, ລາຍຮັບພາຍໃນ ໃຫ້ໄດ້ 23,587 ຕື້ກີບ



ຂປລ. ​ໄລຍະ
6 ເດືອນທ້າຍປີ 2024 ນີ້, ລັດຖະບານ ກໍ​ຄື ກະຊວງ​ການ​ເງິນ ຈະສູ້ຊົນເກັບລາຍຮັບໃຫ້ໄດ້ ປະມານ 26,319 ຕື້ກີບ ເທົ່າກັບ 52.47% ຂອງແຜນການປີ ຫລື ເທົ່າກັບ 8.95% ຂອງ GDP. ໃນນີ້, ລາຍຮັບພາຍໃນ ໃຫ້ໄດ້ 23,587 ຕື້ກີບ, ຄາດຄະເນໝົດປີ ຈະສາມາດຈັດເກັບລາຍຮັບໄດ້ຕາມແຜນ ຫລື ເກີນແຜນທີ່ສະພາແຫ່ງຊາດ ຮັບຮອງ ໂດຍບໍ່ໃຫ້ຫລຸດ 17% ຂອງ GDP;ຄາດຄະເນລາຍຈ່າຍ ໃນ 6 ເດືອນທ້າຍປີ ປະມານ 30,395 ຕື້ກີບ ເທົ່າກັບ 52% ຂອງແຜນການປີ ຫລື ເທົ່າກັບ 10.35% ຂອງ GDP ໂດຍຮັບປະກັນລາຍ ຈ່າຍບຸລິມະສິດຂອງລັດຖະບານ ເປັນຕົ້ນ ເງິນເດືອນ, ເງິນນະໂຍບາຍ, ການຊຳລະໜີ້ສິນຕາມສັນຍາຜູກພັນ ແລະ ຮັບປະກັນລາຍຈ່າຍຮັບໃຊ້ການເຄື່ອນໄຫວຂອງກົງຈັກພັກ-ລັດ ໃຫ້ສາມາດເຄື່ອນໄຫວໄດ້ ເປັນປົກກະຕິ. ຄາດຄະເນແຜນລາຍຈ່າຍໝົດປີ ບໍ່ໃຫ້ເກີນມະຕິທີ່ສະພາແຫ່ງຊາດຮັບຮອງ ຫລື ບໍ່ເກີນ 20% ຂອງ GDP.

  ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ໃຫ້ຮູ້ໃນກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ວັນ​ທີ 10 ມິຖຸນາ 2024 ນີ້ວ່າ: ​ເພື່ອ​ບັນລຸ​ຄາດໝາຍ​ດັ່ງກ່າວ, ກະຊວງການເງິນ ຈະສຸມໃສ່ຈັດຕັ້ງປະຕິບັດ ບັນດາມາດຕະການຈຸດສຸມຕົ້ນຕໍ ແລະ ຄາດໝາຍທີ່ໄດ້ກຳນົດ ເພື່ອໃຫ້ສາມາດປະຕິບັດລາຍຮັບ ໃຫ້ໄດ້ຕາມແຜນ ແລະ ເກີນ ແຜນຕາມມະຕິ ຂອງສະພາແຫ່ງຊາດ ຄື ຕິດຕາມປະເມີນ 9 ແຂວງ ທີ່ເຮັດທົດລອງມອບຫົວໜ່ວຍທຸລະກິດ ໃຫ້ແຂວງຄຸ້ມຄອງ ເພື່ອສ້າງຄວາມເຂັ້ມແຂງໃຫ້ທ້ອງຖິ່ນ ທາງດ້ານງົບປະມານແຫ່ງລັດຕາມທິດ 3 ສ້າງ ເພື່ອກຳນົດຫລັກ ການ, ກົນໄກໃນການຄຸ້ມຄອງ ການຈັດແບ່ງປະເພດລາຍຮັບ ແລະ ການສ້າງແຜນໃນຕໍ່ໜ້າ ລະຫວ່າງ ສູນກາງ ແລະ ທ້ອງຖິ່ນໃຫ້ມີຄວາມສົມດຸນ, ສຸມໃສ່ລົງເລິກຕິດຕາມ ແລະ ກວດກາການ ມອບພັນທະຂອງຫົວໜ່ວຍທຸລະກິດຂະໝາດໃຫຍ່ທີ່ເປັນທ່າແຮງ ໂດຍໃຫ້ແຈ້ງມອບເປັນປົກກະຕິ, ກວດກາຜູ້ສະໜອງສິນຄ້າ ແລະ ການບໍລິການ ທີ່ຕິດພັນກັບ ຫົວໜ່ວຍທຸລະກິດຂະໜາດໃຫຍ່ດັ່ງກ່າວ, ກວດກາການປະຕິບັດພັນທະຂອງ ບັນດາຜູ້ຮັບເໝົາໂຄງການລົງທຶນຂະໜາາດໃຫ່ຍ ເປັນຕົ້ນ ເຂື່ອນໄຟຟ້າ, ບໍ່ແຮ່, ທາງລົດໄຟ, ທາງດ່ວນ ແລະ ອື່ນໆ, ຄຸ້ມຄອງທຸລະກິດການຂົນສົ່ງ, ການຄ້າທາງດີຈີຕອນ, ການຄ້າຂາຍອອນລາຍ ຈາກນິຕິບຸກຄົນພາຍໃນ ແລະ ຕ່າງປະເທດ ເພື່ອຂຶ້ນທະບຽນໃນການປະຕິບັດພັນທະຢ່າງຖືກຕ້ອງ ທີ່ເຫັນວ່າ ລາຍຮັບດັ່ງກ່າວບັນດາປະເທດອ້ອມຂ້າງ ແລະ ພາກພື້ນ ໄດ້ສຸມໃສ່ເກັບລາຍຮັບຈາກການຄ້າ ອອນລາຍຜ່ານມາ ທີ່ເປັນຖານລາຍຮັບກວມອັດຕາສ່ວນສູງສົມຄວນ; ເພີ່ມທະວີການກວດກາ, ຕ້ານ, ສະກັດກັ້ນການລັກລອບໜີພາສີ, ການຄ້າຂາຍເຖື່ອນ; ຄຸ້ມຄອງການນໍາເຂົ້າ-ສົ່ງອອກ ສິນຄ້າ ທີ່ເປັນສະກຸນເງິນຕາຕ່າງປະເທດ ແລະ ຊຳລະຜ່ານລະບົບທະນາຄານ; ສຸມໃສ່ການຈັດຕັ້ງປະຕິ ບັດ ບັນດາລັດຖະບັນຍັດ ເປັນຕົ້ນ ລັດ​ຖະບັນຍັດ 001/ປປທ ວ່າດ້ວຍລາຍການສິນຄ້າ ແລະ ອັດຕາພາສີຂາອອກ, 002/ປປທ ວ່າດ້ວຍ ອັດຕາຄ່າຊັບພະຍາກອນທຳມະຊາດ, 003/ປປທ ວ່າດ້ວຍ ການປັບປຸງອັດຕາອາກອນຊົມໃຊ້ ຂອງບາງປະເພດສິນຄ້າ, 003/ປປທ ວ່າດ້ວຍ ການປັບອາກອນມູນຄ່າເພີ່ມ ກັບມາໃຊ້ອັດຕາເກົ່າ; ຈັດຕັ້ງປະຕິບັດ ກົດໝາຍວ່າດ້ວຍອາກອນທີ່ດິນ ສະບັບເລກທີ 35/ສພຊ ປະຈຸບັນ ສາມາດຊໍາລະໄດ້ຜ່ານ 2 ຊ່ອງທາງ ຄື: ຊຳລະຜ່ານແອັບພິເຄຊັນ (Application) ຂອງບັນດາທະນາຄານ ທຸລະກິດ ທີ່ເຊື່ອມຕໍ່ກັບລະບົບ FINLINK ປະຈຸບັນ ມີ 2 ທະນາຄານ ໄດ້ສຸມໃສ່ລົງຂໍ້ມູນຕອນດິນເຂົ້າໃນລະບົບ TaxRIS ໄດ້ 896.022 ຕອນ. ໃນນີ້ ຕອນດິນທີ່ສາມາດຄິດໄລ່ອາກອນທີ່ດິນໄດ້ແລ້ວ 21.757 ຕອນ ໃນ 2 ແຂວງ ທົດລອງ (ນະຄອນຫລວງວຽງຈັນ ແລະ ແຂວງຫລວງພະບາງ) ແລະ ຍັງສາມາດຊຳລະຜ່ານຫ້ອງການບ້ານ ຕາມກົນໄກທີ່ເຄີຍປະຕິບັດຜ່ານມາ ເພື່ອເປັນພື້ນຖານເອົາຂໍ້ມູນ ເຂົ້າໃນລະບົບສ້າງຄວາມສະດວກ ໃຫ້ແກ່ການຊຳລະຜ່ານ ລະບົບທະນາຄານໃນຕໍ່ໄປ; ສຸມໃສ່ຊຸກຍູ້ ບັນດາຫົວໜ່ວຍທຸລະກິດ ຫັນມາຖືບັນຊີ ແລະ ນໍາໃຊ້ໃບເກັບເງິນ ເພື່ອເປັນພື້ນຖານໃນການເກັບລາຍຮັບ ແລະ ກວດກາ ຫົວໜ່ວຍທຸລະກິດ ທີ່ໄດ້ຮັບການຢັ້ງຢືນເຂົ້າສູ່ລະບົບອາກອນມູນຄ່າເພີ່ມ, ມີໃບຢັ້ງຢືນການຖືບັນຊີ ແຕ່ບໍ່ສະຫລຸບບັນຊີ, ບໍ່ນໍາໃຊ້ໃບເກັບເງິນທີ່ຖືກຕ້ອງ ທີ່ໄດ້ກຳນົດຕາມກົດໝາຍ ແລະ ລະບຽບການ.

ພ້ອມນີ້, ຈະໄດ້ສືບຕໍ່ປະຕິບັດ ມາດຕະການປະຢັດ ແລະ ຕ້ານການຟູມເຟືອຍ ສະບັບເລກທີ 205/ລບ ແລະ ດຳລັດສະບັບເລກທີ 599/ລບ ໂດຍເລີ່ມຫລຸດຜ່ອນເງິນນະໂຍບາຍນໍ້າມັນລົງ ສໍາລັບການນໍາທີ່ນໍາໃຊ້ ລົດໄຟຟ້າແລ້ວ ໃນຈໍານວນ 183 ຄັນ. ສ່ວນຜູ້ທີ່ຍັງສືບຕໍ່ນໍາໃຊ້ລົດນໍ້າມັນ ແມ່ນໃຫ້ສືບຕໍ່ປະຕິບັດ ຕາມດໍາລັດດັ່ງກ່າວ, ຖ້າຫາກຢຸດຕິການປະຕິບັດເງິນນະໂຍບາຍນໍ້າມັນ ຈະສາມາດປະ ຢັດລາຍຈ່າຍດັ່ງກ່າວໄດ້ ປະມານ 6 ຕື້ກວ່າກີບຕໍ່ປີ, ແລ້ວຫັນມາປະຕິບັດນະໂຍບາຍ ເງິນຄ່າກະແສໄຟຟ້າທົດແທນ ຄາດຄະເນ ປະມານ 1-2 ຕື້ກີບຕໍ່ປີ ແລະ ສ່ວນທີ່ເຫລືອ ສາມາດດັດສົມເພີ່ມເຂົ້າໃນ ລາຍຈ່າຍບໍລິຫານລວມຂອງ ກະຊວງ, ຂະແໜງການ ແລະ ທ້ອງຖິ່ນຕົນ; ສຸມໃສ່ປັບປຸງໂຄງສ້າງ ດັດສະນີເງິນເດືອນ ເພື່ອໃຫ້ສອດຄ່ອງກັບຄວາມເປັນຈິງ ໂດຍສົມທົບກັບກະຊວງພາຍໃນ ແລະ ພາກສ່ວນກ່ຽວຂ້ອງ; ສຸມໃສ່ຄຸ້ມຄອງລວມສູນ ລາຍຮັບ-ລາຍຈ່າຍງົບປະມານແຫ່ງລັດ ຜ່ານລະບົບບັນຊີລວມສູນ ຄັງເງິນແຫ່ງຊາດ (TSA) ຢູ່ສໍານັກງານໃຫຍ່ ຂອງບັນດາທະນາຄານທຸລະກິດ ແລະ ລວມສູນຢູ່ ທະນາຄານແຫ່ງ ສປປ ລາວ.

ພາຍ: ອ່າຍຄຳ

KPL

ຂ່າວອື່ນໆ

    • ອະດີດນາຍົກລັດຖະມົນຕີ ເນັ້ນການນໍາ  ເມືອງວຽງທອງ ຂຸດຄົ້ນທ່າແຮງບົ່ມຊ້ອນຂອງເມືອງການເມືອງ

      ອະດີດນາຍົກລັດຖະມົນຕີ ເນັ້ນການນໍາ ເມືອງວຽງທອງ ຂຸດຄົ້ນທ່າແຮງບົ່ມຊ້ອນຂອງເມືອງ

      6/13/2024 10:09:12 AM

      ຂປລ. ​ແຫ​ລ່ງຂ່າວ​ຈາກ ​ແຂວງ​ບໍລິ​ຄຳ​ໄຊ ​ໃຫ້​ຮູ້​ວ່າ: ​ໃນ​ໂອກາດ ​ເຄື່ອນ​ໄຫວພົບປະໂອ້ລົມ ພະນັກງານຫລັກແຫລ່ງນຳພາ-ຄຸ້ມຄອງ ເມືອງວຽງທອງ ​ໃນ​ວັນ​ທີ 12 ມິຖຸນາ 2024 ນີ້, ທ່ານ ບົວສອນ ບຸບຜາວັນ ອາດີດນາຍົກລັດຖະມົນຕີ ​ໄດ້​ໃຫ້​ທິດ​ຊີ້​ນໍາ​ຫລາຍ​ວຽກ​ຈຸດ​ສຸມ ເພື່ອເປັນບ່ອນອີງໃນການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ ຂອງເມືອງໃຫ້ໄດ້ຮັບຜົນດີ

    • ສສຊ ແຂວງໄຊຍະບູລີ ຕັ້ງໜ້າປັບປຸງຊີວິດການເປັນຢູ່ປະຊາຊາຊົນການເມືອງ

      ສສຊ ແຂວງໄຊຍະບູລີ ຕັ້ງໜ້າປັບປຸງຊີວິດການເປັນຢູ່ປະຊາຊາຊົນ

      6/13/2024 9:48:58 AM

      ທຸກສິ່ງທຸກຢ່າງ ໂດຍປະຊາຊົນ ແລະ ເພື່ອປະຊາຊົນ, ເປັນຜູ້ແທນຂອງປະຊາຊົນຕ້ອງຊ່ວຍເຫລືອປະຊາຊົນທີ່ເຂົາເຈົ້າຂາດເຂີນ, ສະເໜີບັນຫາຕ່າງໆ ຕ້ອງເອົາໃຈໃສ່ແກ້ໄຂ.

    • ປະທານປະເທດ ສໍາເລັດການຢ້ຽມຢາມລັດຖະກິດ ທີ່ມົງໂກລີການເມືອງ

      ປະທານປະເທດ ສໍາເລັດການຢ້ຽມຢາມລັດຖະກິດ ທີ່ມົງໂກລີ

      6/12/2024 3:23:38 PM

      ຂປລ. ໃນລະຫວ່າງວັນທີ 11-12 ມິຖຸນາ 2024 ນີ້, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມລັດຖະກິດ ທີ່ມົງໂກລີ, ໂດຍຕອບສະໜອງຕາມການເຊື້ອເຊີນຂອງ ທ່ານ ຄູເຣລສຸກຄ໌ ໂອຄະນາ ປະທານາທິບໍດີ ແຫ່ງ ມົງໂກລີເພື່ອສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືທີ່ດີ ລະຫວ່າງ ສອງປະເທດ ລາວ-ມົງໂກລີ ໃຫ້ນັບມື້ນັບເພີ່ມທະວີຍິ່ງໆຂຶ້ນ.

    • ກະຊວງປ້ອງກັນຄວາມສະຫງົບ ຫວນຄືນມູນເຊື້ອ 3 ວັນປະຫວັດສາດການເມືອງ

      ກະຊວງປ້ອງກັນຄວາມສະຫງົບ ຫວນຄືນມູນເຊື້ອ 3 ວັນປະຫວັດສາດ

      6/12/2024 3:16:25 PM

      ຂປລ. ກະຊວງປ້ອງກັນຄວາມສະຫງົບ ຈັດປາຖະກະຖາຫວນຄືນມູນເຊື້ອ ວັນຜ່າວົງປິດລ້ອມຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 65 ປີ (18/5/1959-18/5/2024), ວັນວິລະກໍາໂຕນຄຸກໂພນເຄັງຢ່າງມະຫັດສະຈັນ ຂອງບັນດາຜູ້ນໍາພັກ ແລະ ແນວລາວຮັກຊາດ ຄົບຮອບ 64 ປີ (24/5/1960-24/5/2024) ແລະ ວັນໄຊຊະນະບັ້ນຮົບດຽນບຽນຟູ ຄົບຮອບ 70 ປີ (7/5/1954-7/5/2024) ໃນວັນທີ 12 ມິຖຸນາ 2024

    • ສສຊ ສະເໜີ ລັດຖະບານ ແກ້ໄຂຫລາຍບັນ ກ່ຽວກັບການຂຸດຄົ້ນແຮ່ທາດ ຢູ່ລາວການເມືອງ

      ສສຊ ສະເໜີ ລັດຖະບານ ແກ້ໄຂຫລາຍບັນ ກ່ຽວກັບການຂຸດຄົ້ນແຮ່ທາດ ຢູ່ລາວ

      6/12/2024 3:09:50 PM

      ຂປລ. ໃນວາລະດຳເນີນກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ວັນທີ 12 ມິຖຸນາ 2024 ນີ້, ທ່ານ ໂພໄຊ ໄຊຍະສອນ ລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ລາຍງານກ່ຽວກັບການຈັດຕັ້ງປະຕິບັດ ໂຄງການລົງທຶນແຮ່ທາດ ໃນໄລຍະຜ່ານມາ ແລະ ກຳນົດແຜນການຈັດຕັ້ງປະຕິບັດ ວຽກງານໃນຕໍ່ໜ້າ.

ads
ads

Top