ຂປລ
ຖ້າຈະເວົ້າເຖິງ ຄຸນປະໂຫຍດຂອງນົມແມ່ແລ້ວ ເວົ້າໝົດມື້ຍັງບໍ່ໝົດ ແລະ ເປັນທີ່ຍອມຮັບທົ່ວໂລກວ່ານົມແມ່ ເປັນນົມທີ່ດີທີ່ສຸດສໍາລັບເດັກນ້ອຍເກີດໃໝ່ ເພາະມີສານອາຫານທີ່ບໍາລຸງສະໜອງ ແລະ ຮ່າງກາຍໄດ້ຢ່າງຄົບຖ້ວນ.
*ຖ້າຈະເວົ້າເຖິງ ຄຸນປະໂຫຍດຂອງນົມແມ່ແລ້ວ ເວົ້າໝົດມື້ຍັງບໍ່ໝົດ ແລະ ເປັນທີ່ຍອມຮັບທົ່ວໂລກວ່ານົມແມ່ ເປັນນົມທີ່ດີທີ່ສຸດສໍາລັບເດັກນ້ອຍເກີດໃໝ່ ເພາະມີສານອາຫານທີ່ບໍາລຸງສະໜອງ ແລະ ຮ່າງກາຍໄດ້ຢ່າງຄົບຖ້ວນ, ຖ້າເດັກນ້ອຍໄດ້ຮັບນົມແມ່ຢ່າງດຽວເປັນໄລຍະເວລາ 6 ເດືອນ ແລະ ດື່ມຕໍ່ເນື່ອງເທົ່າທີ່ແມ່ຈະສາມາດໃຫ້ນົມລູກໄດ້ຈະດີທີ່ສຸດຕໍ່ລູກນ້ອຍ ແລະ ທ່ານໃດ ທີ່ກໍາລັງເຂົ້າສະມາຄົມແມ່ມືໃໝ່ຄວນຮູ້ 10 ປະໂຫຍດດີໆຈາກນົມແມ່ມີດັ່ງນີ້:
1, ນົມແມ່ເປັນສານອາຫານທີ່ໄດ້ມາຈາກທໍາມະຊາດ ເຊິ່ງນົມຜົງ ຫລື ສານອາຫານປະເພດອື່ນໆບໍ່ສາມາດທົດແທນໄດ້.
2, ນົມແມ່ຊ່ວຍໃຫ້ລູກຈະເລີນເຕີບໂຕຢ່າງເຕັມທີ ດ້ວຍສານອາຫານທີ່ຄົບຖ້ວນ ເມື່ອລູກໄດ້ຮັບນົມຮ່າງກາຍຈະດູດຊຶມ ແລະ ນໍາສານອາຫານໄປໃຊ້ຢ່າງເຕັມທີ.
3, ນົມແມ່ຊ່ວຍໃຫ້ລູກຫ່າງໄກພະຍາດ ເພາະນົມແມ່ປຽບເໝືອນ ວັກແຊັງ ທໍາມະຊາດຊ່ວຍສ້າງພູມຄຸມກັນຕ່າງໆ.
4, ນົມແມ່ມີ ( DHA ) ເປັນໄຂມັນທີ່ອີ່ມຕົວເຮັດໜ້າທີ່ຊ່ວຍບໍາລຸງສະໜອງ ແລະ (Taurine) ແມ່ນກົດ ຊະນິດໜຶ່ງທີ່ມີຄວາມສໍາຄັນ ຕໍ່ພັດທະນາການ ຂອງລະບົບປະສາດ ໂດຍສະເພາະສະໝອງຂອງເດັກນ້ອຍທີ່ເກີດໃໝ່.
5, ນົມແມ່ຫລຸດຄວາມສຽງການເກີດພະບາດພູມແພ້ ຫລັງອອກລູກແມ່ຈະມີນໍ້ານົມສີເຫລືອງ ຫລື ໂຄລຣອດຕໍາ ເຊິ່ງນໍ້ານົມສ່ວນນີ້ໃຫ້ພູມຄຸ້ມກັນທີດີ.
6, ນົມແມ່ຊ່ວຍປັບຄວາມສົມດູນຂອງລະບົບຍ່ອຍອາຫານ ແລະ ລະບົບຂັບຖ່າຍ.
7, ນົມແມ່ມີສານທໍາລາຍເຊື້ອພະຍາດ ເວລາລູກດູດນົມແມ່ຈະມີນົມແມ່ຕິດຢູ່ໃນປາກ ຊ່ວຍປ້ອງກັນ ແລະ ລະງັບການຈະເລີນເຕີບໂຕຂອງເຊື້ອພະຍາດ ແລະ ເຊື້ອລາ.
8, ນົມແມ່ບໍ່ເຮັດໃຫ້ເດັກນ້ອຍຕຸ້ຍຫລາຍ ເນື່ອງຈາກມີສັດສ່ວນອາຫານໃນປະລິມານທີ່ເໝາະສົມ.
9, ນົມແມ່ຊ່ວຍສ້າງຄວາມຜູກພັນລະຫວ່າງແມ່ລູກ ໃນໄລຍະທີ່ລູກດູດນົມແມ່ ຢູ່ໃນອ້ອມກອດແມ່ຈະໄດ້ຮັບຄວາມຮັກ ຄວາມອົບອຸ່ນ ເຊິ່ງສົ່ງຜົນຕໍ່ສະພາບຈິດໃຈ ແລະ ສະໝອງ.
10,ການໃຫ້ນົມລູກ ເຮັດໃຫ້ຮ່າງກາຍແມ່ມີຄວາມສົມດຸນ ຊ່ວຍຫລຸດໄຂມັນ ແລະ ເຮັດໃຫ້ມົດລູກຮັດຕົວເຂົ້າໄດ້ຢ່າງວ່ອງໄວ.
KPL
