ຂປລ
ຄຽງຄູ່ກັບ ລົດໄຟ ຂົນສົ່ງ ສິນຄ້າ ສາກົນ ຂອງທາງລົດໄຟຈີນ-ລາວ ທີ່ໄດ້ບັນທຸກຜັກ ແລະ ໝາກໄມ້ສົດ ຂະບວນໜຶ່ງ ໄດ້ອອກເດີນທາງ ຈາກສະຖານີ ຫວາງເຈ່ຍຢິງ ຕາເວັນຕົກ ຂອງນະຄອນຄຸນໝິງ ແຂວງຢຸນນານ ແລະ ແລ່ນລົງໃຕ້ ໄປສູ່ ສປປ ລາວ ຢ່າງວ່ອງໄວ, ເປັນຂີດໝາຍ ສະແດງ ໃຫ້ເຫັນວ່າ ນັບແຕ່ ເປີດນຳໃຊ້ ທາງລົດໄຟຈີນ-ລາວໃນປີ 2021 ເປັນຕົ້ນມາ, ຍອດປະລິມານ ຂົນສົ່ງສິນຄ້າ ຫຼລາຍກວ່າ 50 ລ້ານໂຕນ.
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 2 ມັງກອນນີ້, ຄຽງຄູ່ກັບ ລົດໄຟ ຂົນສົ່ງ ສິນຄ້າ ສາກົນ ຂອງທາງລົດໄຟຈີນ-ລາວ ທີ່ໄດ້ບັນທຸກຜັກ ແລະ ໝາກໄມ້ສົດ ຂະບວນໜຶ່ງ ໄດ້ອອກເດີນທາງ ຈາກສະຖານີ ຫວາງເຈ່ຍຢິງ ຕາເວັນຕົກ ຂອງນະຄອນຄຸນໝິງ ແຂວງຢຸນນານ ແລະ ແລ່ນລົງໃຕ້ ໄປສູ່ ສປປ ລາວ ຢ່າງວ່ອງໄວ, ເປັນຂີດໝາຍ ສະແດງ ໃຫ້ເຫັນວ່າ ນັບແຕ່ ເປີດນຳໃຊ້ ທາງລົດໄຟຈີນ-ລາວໃນປີ 2021 ເປັນຕົ້ນມາ, ຍອດປະລິມານ ຂົນສົ່ງສິນຄ້າ ຫຼລາຍກວ່າ 50 ລ້ານໂຕນ.
ຕາມສະຖິຕິ, ຍອດປະລິມານ ຂົນສົ່ງສິນຄ້າ ຜ່ານທາງລົດໄຟຈີນ-ລາວໃນປີ 2024 ໄດ້ມີເຖິງ 19.600.000 ໂຕນ, ໄດ້ຮັກສາ ຢູ່ໃນລະດັບ ຫລາຍກວ່າ 5 ໝື່ນໂຕນຕໍ່ມື້,ໃນນັ້ນ ປະລິມານຂົນສົ່ງສິນຄ້າ ຂ້າມຊາຍແດນ ມີເຖິງ 4.780.000 ໂຕນ, ປະລິມານສິນຄ້າ ນຳເຂົ້າຫລາຍກວ່າ ປະລິມານ ສິນຄ້າສົ່ງອອກ ຢ່າງຫລວງຫລາຍ ເຊິ່ງໄດ້ສະແດງ ໃຫ້ເຫັນເຖິງ ຄວາມຕ້ອງການ ຂອງຕະຫລາດ ແລະ ຄວາມມີຊີວິດ ຊີວາ ດ້ານການຄ້າ ທີ່ເຂັ້ມແຂງ. ການຂົນສົ່ງສິນຄ້າ ຜ່ານທາງລົດໄຟຈີນ-ລາວ ໄດ້ມີການຫັນປ່ຽນ ຢ່າງຈະແຈ້ງຄື “ຈາກການເປີດນຳໃຊ້ ຮອດການແລ່ນ ສະດວກ, ຈາກການແລ່ນສະດວກ ຮອດການແລ່ນໄວ ແລະ ຈາກການແລ່ນໄວ ຮອດການແລ່ນ ຫລາຍຖ້ຽວ”,ເຊິ່ງໄດ້ໃຫ້ການສະໜັບ ສະໜູນ ດ້ານກຳລັງ ການຂົນສົ່ງ ທີ່ເຂັ້ມແຂງ ແກ່ການລົງເລິກ ການຮ່ວມມື ໃນຫລາຍດ້ານ ລະຫວ່າງ ສປ ຈີນ ກັບບັນດາ ປະເທດ ອາຊຽນ ເຊັ່ນ: ການຄ້າ, ການລົງທຶນ ແລະ ດ້ານອື່ນໆ, ຍິ່ງໄດ້ເພີ່ມພະລັງແຮງ ທີ່ເຂັ້ມແຂງ ເຂົ້າໃນການໄປມາ ຫາສູ່ກັນ ດ້ານເສດຖະກິດ ການຄ້າ ໃນສາກົນ ຕື່ມອີກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
