ຂປລ
ທ່ານ ວາລາດີເມຍ ປູຕິນ(Vladimir Putin), ປະທານາທິບໍດີ ຣັດເຊຍ ຮຽກຮ້ອງໃຫ້ລັດຖະບານ ແລະ Sberbank - ທະນາຄານ ໃຫຍ່ສຸດ ຂອງປະເທດນີ້ - ພັດທະນາກົນໄກ ຮ່ວມມືກັບ ສປ ຈີນ ໃນຂົງເຂດ ປັນຍາປະດິດ (AI).
ຂປລ.ວິທະຍຸ ກະຈາຍສຽງ ຫວຽດນາມ, ວັນທີ 1 ມັງກອນ, ສຳນັກ ຂ່າວສານ TASS ຂອງ ຣັດເຊຍ ໄດ້ໃຫ້ຂ່າວວ່າ: ທ່ານ ວາລາດີເມຍ ປູຕິນ(Vladimir Putin), ປະທານາທິບໍດີ ຣັດເຊຍ ຮຽກຮ້ອງໃຫ້ລັດຖະບານ ແລະ Sberbank - ທະນາຄານ ໃຫຍ່ສຸດ ຂອງປະເທດນີ້ - ພັດທະນາກົນໄກ ຮ່ວມມືກັບ ສປ ຈີນ ໃນຂົງເຂດ ປັນຍາປະດິດ (AI). ປັດຈຸບັນ, ຣັດເຊຍ ພວມລົງທຶນ ຢ່າງແຮງ ເພື່ອສາມາດ ເປັນເຈົ້າຂອງ ເຕັກໂນໂລຢີຊິບ ຄວາມໄວສູງ, ໜຶ່ງໃນບັນດາຂົງເຂດ ເຕັກໂນໂລຊີ ທີ່ຈຳເປັນ ແລະ ເຕັມໄປດ້ວຍ ການໝັ້ນໝາຍ ຂອງສະຕະວັດທີ XXI.
ບັນດາ ບໍລິສັດ ຜະລິດຊິບ ໃນໂລກ ໄດ້ຢຸດຕິ ການສົ່ງອອກ ຜະລິດ ຕະພັນ ໄປຍັງ ຣັດເຊຍ, ຍ້ອນຖືກ ຜົນກະທົບ ຈາກບັນດາ ມາດຕະການ ຈໍາກັດ ການສົ່ງອອກ ເຕັກໂນໂລຊີ ທີ່ກ້າວໜ້າ ໂດຍບັນດາ ປະເທດ ຕາເວັນຕົກ ຈັດວາງ. ສິ່ງດັ່ງກ່າວ ໄດ້ຮັບຖືວ່າ ສົ່ງຜົນກະທົບ ຫລາຍຢ່າງ ຕໍ່ບັນດາເປົ້າໝາຍ ພັດທະນາ AI ຂອງ ຣັດເຊຍ. ໃນສານ ອວຍພອນປີ ໃໝ່ ສົ່ງເຖິງ ທ່ານ ວາລາດີເມຍ ປູຕິນ,ປະທານາທິບໍດີ ຣັດເຊຍ ໃນວັນທີ 31 ທັນວາ, ທ່ານ ສີ ຈີ້ນຜິງ,ປະທານປະເທດ ຈີນ ຢັ້ງຢືນເຖິງ ສາຍພົວພັນ ຄູ່ຮ່ວມມື ອັນເລິກເຊິ່ງ ກວ້າງຂວາງ ແລະ ຍືນຍົງ ລະຫວ່າງ ສອງປະເທດ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
