ກອງທຶນແອລເອັມຊີ ສະໜັບສະໜູນ ແຈກຢາຍນໍ້າສະອາດ ໃນມຽນມາ

22/05/2024 16:21
Email Print 274
ຂປລ ປະຊາຊົນ ຂອງ ສາມໝູ່ບ້ານ ໃນລັດສານ ທາງພາກ ຕາເວັນອອກ ຂອງ ປະເທດ ຈະສາມາດ ເຂົ້າເຖິງ ນໍ້າສະອາດ ພຽງພໍ ກັບ ຄວາມຕ້ອງການ ຫລັງຈາກ ໂຄງການ ເຂົ້າເຖິງນໍ້າ ທີ່ໄດ້ຮັບທຶນ ສະໜັບສະໜູນ ຈາກ ກອບຄວາມຮ່ວມມື ລ້ານຊ້າງ-ແມ່ນໍ້າຂອງ(LMC) ກໍ່ສ້າງສຳເລັດ.

ຂປລ. ສຳນັກຂ່າວ ຊິນຮວາ ຂອງ ສປຈີນ,​ວັນທີ 21 ພືດສະພາ,​ ທ່ານໂສທັນຮອງອະທິບໍດີ ປະຈຳກະຊວງ ສະຫະກອນແລະ ການພັດທະນາ ຊົນນະບົດ ຂອງ ມຽນມາເປີດເຜີຍວ່າ: ປະຊາຊົນ ຂອງ ສາມໝູ່ບ້ານໃນລັດສານ ທາງພາກ ຕາເວັນອອກ ຂອງ ປະເທດ ຈະສາມາດເຂົ້າເຖິງ ນໍ້າສະອາດພຽງພໍ ກັບ ຄວາມຕ້ອງການ ຫລັງຈາກ ໂຄງການ ເຂົ້າເຖິງນໍ້າ ທີ່ໄດ້ຮັບທຶນ ສະໜັບສະໜູນ ຈາກກອບຄວາມຮ່ວມມື ລ້ານຊ້າງ-​ແມ່ນໍ້າຂອງ(LMC) ກໍ່ສ້າງ​ສຳ​ເລັດ.

ບົດລາຍງານ ລະບຸວ່າ ​ ໂຄງການ​ນີ້ ໄດ້​ສະໜັບ ສະໜູນ ຈາກ​ ກອງ​ທຶນ ພິ​ເສດ ​ປະຈຳ​ປີ  2023 ຂອງ​ກອບ​ຄວາມ ​ຮ່ວມ​ມື ລ້ານ​ຊ້າງ-​ແມ່​ນໍ້າຂອງ ​ໃນ​ໝູ່​ບ້ານ 3 ​ແຫ່ງ ໃນ​ເມືອງ ຢອງ​ຊາ​ເວ, ຢັດ​ຊຸກ ​ແລະ ​ເມືອງ​ໂລ​ເຊມ , ​ໂດຍ​ໂຄງການ​ນີ້ ຈະ​ມີ ປະ​ໂຫຍ​ດ ຕໍ່​ໝູ່​ບ້ານ ກຸ່ມ​​ເປົ້າໝາຍ ​ແລະ ມີ​ສັກ​ກາ​ຍະ​ພາບ ຂະຫຍາຍ ​ໄປຍັງ ພື້ນ​ທີ່​ອື່ນໆ. ​ໂຄງການ​ນີ້ ໄດ້​ເລີ່​ມ ດຳເນີນງານ ເມື່ອເດືອນ​ສິງຫາ ປີ 2023 ​ແລະ ຈະ​ສຳ​ເລັດ ໃນ​ເດືອນ ​ມີນາ ປີ 2025, ໂດຍມີ​​ເປົ້າ​ໝາຍ ​ເພື່ອແຈກ​ຢາຍ ​ນໍ້າ​ດື່ມ​ ບໍລິສຸດ ​ໃຫ້ແກ່​ ຫລາຍ​ພື້ນ​ທີ່ ທີ່​ປະສົບ ​ບັນຫາ ການຂາດ​ແຄນ​ນໍ້າ./

KPL

ຂ່າວອື່ນໆ

ads
ads

Top