ຂປລ
ໃນວັນທີ 13 ພຶດສະພາຜ່ານມານີ້, ທີ່ສະໜາມກິລາເຕະບານມະຫາວິທະຍາໄລແຫ່ງຊາດ ໄດ້ມີການແຂ່ງຂັນກິລາເຕະບານຊາຍ ງານມະຫະກຳກິລາມະຫາໄລລາວຄັ້ງທີ 2 ຮອບຊີງຫລຽນຄຳ.
*ໃນວັນທີ 13 ພຶດສະພາຜ່ານມານີ້, ທີ່ສະໜາມກິລາເຕະບານມະຫາວິທະຍາໄລແຫ່ງຊາດ ໄດ້ມີການແຂ່ງຂັນກິລາເຕະບານຊາຍ ງານມະຫະກຳກິລາມະຫາໄລລາວຄັ້ງທີ 2 ຮອບຊີງຫລຽນຄຳ ໂດຍການພົບກັນລະຫວ່າງທີມນັກກິລາວິທະຍາຄານກອງທັບ ແລະ ມະຫາວິທະຍາໄລສຸພານຸວົງ ເຊິ່ງຜົນປະກົດວ່າ ທີມ ນັກກິລາວິທະຍາຄານກອງທັບ ເອົາຊະນະທີມມະຫາວິທະຍາໄລສຸພານຸວົງ 2-1 ປະຕູ ຍາດໄດ້ຫລຽນຄຳມາຄອງສຳເລັດ. ສຳລັບຫລຽນເງິນຕົກເປັນຂອງມະຫາວິທະຍາໄລສຸພານຸວົງ, ຫລຽນທອງແມ່ນສະຖາບັນລາວ-ອາເມລິກາ. ຂະນະທີ່ທີມນັກກິລາບານສົ່ງໃນຮົ່ມ ວິທະຍາຄານກອງທັບກໍສາມາດຍາດໄດ້ຫລຽນຄຳທັງທີມຍິງ ແລະ ທີມຊາຍມາຄອງເຊັ່ນດຽວກັນ.
ສຳລັບຜົນຂອງການແຂ່ງຂັນກິລາບານສົ່ງໃນຮົ່ມປະເພດຊາຍ ອັນດັບ 1 ຫລຽນຄຳ ແມ່ນວິທະຍາ ຄານກອງທັບ; ຫລຽນເງິນວິທະຍາຄານສັນຕິບານປະຊາຊົນ ແລະ ຫລຽນທອງສະຖາບັນລາວ-ອາເມລິກາ.
ຂະນະທີ່ກິລາບານສົ່ງໃນຮົ່ມປະເພດຍິງ ຫລຽນຄຳ ກໍຍັງແມ່ນວິທະຍາຄານກອງທັບ; ຫລຽນເງິນ ມະຫາວິ ທະຍາໄລແຫ່ງຊາດ ແລະ ຫລຽນທອງ ສະຖາບັນລາວ-ອາເມລິກາ.
ໂດຍ:ຢ່າຕົ່ງ
KPL
