ຂປລ
ຫ່າງຫາຍມາດດົນພໍສົມຄວນສໍາລັບການນໍາສະເໜີທຸລະກິດກ່ຽວກັບຮ້ານອາຫານ, ມື້ນີ້ຄໍລໍາສົ່ງເສີມທຸລະກິດຈະມາຫວນຄືນບັນຍາກາດເກົ່າເກ່ົາ ແລະ ພາບັນດາທ່ານມາຮູ້ຈັກ ຮ້ານອາຫານສວນອາຫານ ຫ້ວຍວີ ທີ່ມີຊື່ສຽງຂອງເມືອງລະມາມ ແຂວງເຊກອງ.
*ຫ່າງຫາຍມາດດົນພໍສົມຄວນສໍາລັບການນໍາສະເໜີທຸລະກິດກ່ຽວກັບຮ້ານອາຫານ, ມື້ນີ້ຄໍລໍາສົ່ງເສີມທຸລະກິດຈະມາຫວນຄືນບັນຍາກາດເກົ່າເກ່ົາ ແລ ະພາບັນດາທ່ານມາຮູ້ຈັກ ຮ້ານອາຫານສວນອາຫານ ຫ້ວຍວີ ທີ່ມີຊື່ສຽງຂອງເມືອງລະມາມ ແຂວງເຊກອງ ເຊິ່ງເປັນອີກສະຖານທີ່ໜຶ່ງໜ້າທ່ຽວຊົມດ້ວຍທິວທັດທໍາມະຊາ, ມີນໍ້າຕົກຕາດອ້ອມຮອບໄປດ້ວຍຕົ້ນໄມ້ນ້ອຍໃຫຍ່ ແລະ ຕູບໄມ້ມຸງດ້ວຍຫຍ້າກາງນໍ້າໄວ້ຄອຍບໍລິການລູກຄ້າແລະເສີບອາຫານລົດເລີດແບບລາວໆເຂົ້າກັບບັນຍາກາດຫລາຍ ເມື່ອໄດ້ໄປນັ່ງຕູບກິນອາຫານແຊບໆເບິ່ງນໍ້າຕົກຕາດໄປພ້ອມແລ້ວຮູ້ສຶກສະບາຍໃຈປານໄດ້ໄປຫລິ້ນຕາດ ຫລື ໄປກິນເຂົ້າປ່າກໍ່ວ່າໄດ້.
ທ່ານ ພູນຊັບ ແກ້ວມະນີວົງ ຜູ້ບໍລິຫານສວນອາຫານຫ້ວຍວີ ໄດ້ຮູ້ວ່າ: ສວນອາຫານຫ້ວຍວີ ຕັ້ງຢູ່ບ້ານໂພນເມືອງລະມາມແຄມເສັ້ນທາງໃຫຍ່(ເຊກອງ-ເມືອງກະລຶມ) ຫ່າງຈາກເທສະບານແຂວງ ປະມານ10ກິໂລແມັດໄດ້ເລີ່ມລົງມືພັດທະນາ ແລະ ເປີດໃຫ້ບໍລິການນັບ ແຕ່ປີ2014ເປັນຕົ້ນມາ,ເປັນສວນອາຫານທີ່ມີຄວາມແຕກຕ່າງຈາກສວນອາຫານທົ່ວໄປ ໂດຍເນັ້ນຄວາມເປັນທຳມະຊາດ, ສະອາດ, ອາຫານແຊບ,ບັນຍາກາດດີເນື່ອງຈາກວ່າໄດ້ອອກແບບຮ້ານຕິດພັນກັບທຳມະຊາດແລະສິ່ງແວດລ້ອມ.
ນອກນັ້ນ, ຍັງມີອາຫານຫລາກ ຫລາຍລາຍການໄວ້ບໍລິການແກ່ລູກຄ້າ ເຊັ່ນ: ພັນປາ, ປາລາດພິກ,ປາໜຶ້ງໝາກນາວ, ຕຳເຂົ້າປຸ້ນ, ຕຳໝີ່, ຕໍາ ໝາກຮຸ່ງ- ໝາກແຕງ, ປີ້ງກຸ້ງ-ປາມຶກ, ອາຫານປະເພດຍ່ຳ, ຜັດ, ດາດ- ຈຸ່ມ,ລວກ-ທອດ ແລະ ອື່ນໆທີ່ເປັນສູດສະເພາະຂອງຮ້ານໃນລາຄາ ເລີ່ມຕົ້ນ30ຫາ120ພັນກີບ. ສວນຫ້ວຍວີ ນອກຈາກເນ້ັນຄວາມເປັນທຳມະຊາດແລ້ວ ຍັງເນັ້ນການບໍລິການທີ່ດີຕໍ່ລູກຄ້າ, ມີຕູບ,ມີສິ່ງອຳນວຍຄວາມສະດວກ ແລະ ມີສະຖານທີ່ຈອດລົດກວ້າງຂວາງໄວ້ບໍລິການແກ່ລູກຄ້າ,ສາມາດຮອງຮັບລູກຄ້າໄດ້ຫລາຍກວ່າ300ຄົນ ເຊິ່ງໃນປັດຈຸບັນສາມາດດຶງດູດລູກຄ້າໄດ້ດີພໍສົມຄວນໂດຍສະເພາະວັນພັກຜ່ອນ, ບຸນປະເພນີ ແລະ ວັນບຸນສໍາຄັນຈະມີແຂກເຂົ້າມາໃຊ້ບໍລິການເປັນຈຳນວນຫລາຍ. ທ່ານພູນຊັບຍັງໃຫ້ຮູ້ອີກວ່າ:ໃນຕໍ່ໜ້າໂດຍສະເພາະໃນປີ2024ນີ້ ເປັນປີທ່ອງທ່ຽວລາວສວນອາຫານ ຈະໄດ້ມີການປັບປຸງແລະພັດທະນາ ເພື່ອຮອງຮັບນັກທ່ອງທ່ຽວເປັນຕົ້ນຈະໄດ້ມີການປັບປຸງໜອງປາ,ປັບປຸງພື້ນທີ່ສວນ,ເພີ່ມເຄື່ອງຫລິ້ນສໍາລັບເດັກນ້ອຍໃຫ້ຫລາກຫລາຍ ແລະ ປັບປຸງການບໍລິການຕ່າງໆ.
ສະນັ້ນ, ສຳລັບທ່ານໃດທີ່ຍັງຊອກຫາບ່ອນ ພັກຜ່ອນທີ່ມີອາກາດດີເຢັນສະບາຍ ຄືໄດ້ຢູ່ກັບທຳມະຊາດ ກໍສາມາດ ມາແວ່ຫລິ້ນຢູ່ສວນອາຫານຫ້ວຍວີ ໄດ້ຫລືສາມາດໂທສອບຖາມຂໍ້ມູນ ໄດ້ທີ່ເບີໂທ:02054375242.
ໂດຍ:ມາລີດາ
KPL