ຂປລ
ນັກທ່ອງທ່ຽວພາຍໃນ ແລະ ຕ່າງປະເທດຫລາຍຮ້ອຍຄົນຕໍ່ມ້ື ຫລັງໄຫລເຂົ້າທ່ຽວຊົມສະຖານທ່ອງທ່ຽວຖໍ້າກອງລໍຢູ່ເມືອງຄູນຄໍາ ແຂວງຄໍາມ່ວນ ແລະ ຄາດວ່າປີ 2024 ຈະສາມາດຶງດູດນັກທ່ອງທ່ຽວໄດ້ຢ່າງໜ້ອຍ6-8ພັນກວ່າຄົນ.
*ນັກທ່ອງທ່ຽວພາຍໃນ ແລະຕ່າງປະເທດຫລາຍຮ້ອຍຄົນຕໍ່ມ້ືຫລັງໄຫລເຂົ້າທ່ຽວຊົມສະຖານທ່ອງທ່ຽວຖໍ້າກອງລໍຢູ່ເມືອງຄູນຄໍາ ແຂວງຄໍາມ່ວນ ແລະ ຄາດວ່າປີ 2024 ຈະສາມາດຶງດູດນັກທ່ອງ ທ່ຽວໄດ້ຢ່າງໜ້ອຍ6-8ພັນກວ່າຄົນ. ວັນທີ 13 ເມສາ 2024 ທ່ີຜ່ານມາ, ເມືອງຄູນຄໍາຈັດງານເທສະການປີໃໝ່ລາວ ເພື່ອການສົ່ງເສີມການທ່ອງທ່ຽວຖໍ້າມະຫັດສະຈັນ ກອງລໍ ໂດຍເປັນກຽດເຂົ້າຮ່ວມຂອງທ່ານແກ້ວວິໄລໄຊຍະບຸດເຈົ້າເມືອງຄູນຄໍາ, ມີທ່ານ ໄຊສົມບູນ ສຸວັນດາລາ ຫົວໜ້າພະແນກຖະ ແຫລງຂ່າວ, ວັດທະນະທໍາ ແລະ ທ່ອງທ່ຽວແຂວງຄຳມ່ວນ ເຊິ່ງນ້ີເປັນສ່ວນໜຶ່ງໃນການສ້າງກິດຈະກໍາເພື່ອສົ່ງເສີມປະເພນີອັນດີງາມ ທີ່ເຄີຍປະຕິບັດສຶບທອດກັນມາແຕ່ບູຮານນະການຍັງເປັນການຜັນຂະຫຍາຍຈັດຕັ້ງປະຕິບັດວຽກງານການພັດທະນາການທ່ອງທ່ຽວໃນຂົງເຂດຖໍ້າກອງລໍ-ນາຕານຖ້າສົມທຽບແຕ່ເມື່ອກ່ອນເຖິງຈຸບັນເຫັນວ່າມີການພັດທະນາທີ່ດີຂຶ້ນເປັນຕົ້ນດ້ານເສດຖະກິດ, ສ້າງວຽກເຮັດງານທໍາແລະສາມາດແກ້ໄຂຊີວິດການເປັນຢູ່ຂອງພໍ່ແມ່ປະຊາຊົນໄດ້ດີຂຶ້ນເປັນກ້າວໆ.
ດັ່ງທີ່ຮູ້ນໍາກັນ, ຖໍ້າກອງລໍເປັນ ອີກຖໍ້າໜຶ່ງທີ່ມີຊື່ສຽງໂດ່ງດັງໃນ ສປປລາວ ແລະ ໃນອາຊຽນທີ່ມີຄວາມຍາວ7ກິໂລແມັດຂະນະທີ່ ແຂວງຄໍາມ່ວນ ໄດ້ປະກາດເປີດ ແຫລ່ງທ່ອງທ່ຽວທາງທໍາມະຊາດ ເພີ່ມໃໝ່ອີກ2ແຫ່ງເພື່ອຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດ ໃນໂອກາດປີທ່ອງທ່ຽວລາວ2024ຄາດວ່າແຂວງ ດັ່ງກ່າວຈະດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າ ໄປທ່ອງທ່ຽວພາຍໃນແຂວງໃຫ້ໄດ້5ແສນຄົນ. ທ່ານ ໄຊສົມບູນ ສຸວັນດາລາ,ຫົວໜ້າພະແນກຖະແຫລງຂ່າວ,ວັດ ທະນະທໍາ ແລະທ່ອງທ່ຽວແຂວງ ຄໍາມ່ວນໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວ ເມື່ອບໍ່ດົນມານີ້ວ່າ:ນອກຈາກ10ກວ່າ ກິດຈະກໍາທີ່ກໍານົດຈະຈັດຂຶ້ນໃນໂອກາດປີທ່ອງທ່ຽວລາວ 2024, ແຂວງຄໍາມ່ວນຈະເປີດແຫລ່ງທ່ອງທ່ຽວທາງທໍາມະຊາດທ່ີສວຍງາມ ເພີ່ມອີກ2ແຫ່ງເນື່ອງຈາກມີຫົວ ໜ່ວຍທຸລະກິດສໍາປະທານແລະພັດ ທະນາແລ້ວ ຄື: ຂຸນນໍ້າກອງແລງ ຕັ້ງຢູ່ບ້ານນາຄື,ເມືອງຫີນບູນແລະ ຕາດຊຽງລື ຕັ້ງຢູ່ບ້ານນາປຸ່ງ ຢູ່ ເມືອງບົວລະພາຊຶ່ງຖືເປັນສອງສະ ຖານທີ່ທ່ອງທ່ຽວທໍາມະຊາດໃໝ່ ທີ່ສວຍງາມແລະຈະດຶງດູດນັກທ່ອງ ທ່ຽວໄດ້ດີສົມຄວນ.
ສະເພາະນໍ້າກອງແລງເປັນວັງນໍ້າທີ່ມີສີຟ້າສົດໃສ, ມີຄວາມເລິກປະມານ 25 ແມັດ, ຢູ່ພື້ນມີແປວນໍ້າຍາວ 22 ແມັດອ້ອມຮອບດ້ວຍຕົ້ນຂະມ້າ ເຊິ່ງເຮັດໃຫ້ນໍ້າປ່ຽນສີຕາມລະດູການແຕ່ລະລະດູການຄືເປັນສີຂຽວມໍລະກົດ, ສີແດງແລະສີຟ້າໃສທ່ີມີຄວາມສວຍ ງາມເປັນພິເສດ ແລະ ເໝາະແກ່ການພັກຜ່ອນ. ທ່ານ ໄຊສົມບູນ ສຸວັນດາລາໃຫ້ຮູ້ຕື່ມວ່າ:ປັດຈຸບັນ, ແຂວງຄໍາມ່ວນມີແຫລ່ງທ່ອງທ່ຽວ ທັງໝົດ209ແຫລ່ງ,ໃນນັ້ນແມ່ນແຫລ່ງທ່ອງທ່ຽວທາງທໍາມະຊາດ 145 ແຫ່ງ, ວັດທະນະທໍາ 33 ແຫ່ງ ແລະ ແຫລ່ງທ່ອງທ່ຽວ ທາງປະຫວັດສາດ31ແຫ່ງ.ແຕ່ຍັງບໍ່ທັນໄດ້ຮັບການພັດທະນາໄດ້ໝົດຍ້ອນ ຂໍ້ຈໍາກັດຫລາຍດ້ານໂດຍສະເພາະດ້ານພື້ນຖານໂຄງລ່າງ ຖະໜົນຫົນທາງເຂົ້າຫາສະຖານທີ່ທ່ອງທ່ຽວ ຍ້ອນມີງົບປະມານຈໍາກັດແລະອື່ນໆ. ຢ່າງໃດກໍຕາມ, ຄໍາມ່ວນຖືເປັນ ແຂວງໜຶ່ງທີ່ມີສະຖານທີ່ທ່ອງທ່ຽວສໍາຄັນ ແລະ ໄດ້ຮັບຄວາມນິຍົມຈາກ ນັກທ່ອງທ່ຽວເຊັ່ນ:ພະທາດສີໂຄດຕະບອງ, ຖໍ້ານາງແອ່ນ, ທ່າຝຣັ່ງ, ຖໍ້ານໍ້າລອດເຊບັ້ງໄຟເມືອງບົວລະພາ,ຖໍ້າກອງລໍ, ພູຜາໝ່ານຫີນໜາມໜໍ່ເມືອງຄູນຄຳ, ວັງນໍ້າໃສ, ຖໍ້າພະໜອງປາຝາ ແລະ ສະຖານທີ່ອື່ນໆ.
ໂດຍ:ເກີດຂວັນໃຈມາລີຈັນສີ
KPL