ຂປລ
ໃນໄລຍະບຸນປີໃໝ່ລາວ,ນອກຈາກຊາວລາວແລະນັກທ່ອງທ່ຽວ ມັກຫລິ້ນນໍ້າດ້ວຍວິທີຫົດສົງພະທະຮູບ,ຄູບາອາຈານ,ພໍ່ແມ່,ລຸງປ້າອາວອາ ແລະ ໝູ່ເພື່ອນ ເພື່ອສະແດງເຖິງຄວາມກະຕັນຍູຮູ້ບຸນຄຸນ, ລ້າງກໍາຈັດປັດເປົ່າສິ່ງບໍ່ດີອອກຈາກຮ່າງແລະຮັບໂຊກຮັບໄຊໃຫຍ່ຫລວງກວ່າເກົ່າແຕ່ອີກທາງເລືອກໜຶ່ງຄືຄົນເຮົາມັກຊອກຫາແຫລ່ງທ່ອງທ່ຽວເປັນທໍາມະຊາດທ່ີມີນ້ໍາໄຫລເຢັນຕະຫລອດປີເພື່ອ ເປັນຂອງຂວັນໃນວັນພັກຜ່ອນດ້ວຍບັນຍາກາດງຽບສະຫງົບ,ຢູ່ຫ່າງຈາກຜູ້ຄົນແລະລວມທັງມົນລະພິດ.
*ໃນໄລຍະບຸນປີໃໝ່ລາວ,ນອກຈາກຊາວລາວແລະນັກທ່ອງທ່ຽວ ມັກຫລິ້ນນໍ້າດ້ວຍວິທີຫົດສົງພະທະຮູບ,ຄູບາອາຈານ,ພໍ່ແມ່,ລຸງປ້າອາວອາ ແລະ ໝູ່ເພື່ອນ ເພື່ອສະແດງເຖິງຄວາມກະຕັນຍູຮູ້ບຸນຄຸນ, ລ້າງກໍາຈັດປັດເປົ່າສິ່ງບໍ່ດີອອກຈາກຮ່າງແລະຮັບໂຊກຮັບໄຊໃຫຍ່ຫລວງກວ່າເກົ່າແຕ່ອີກທາງເລືອກໜຶ່ງຄືຄົນເຮົາມັກຊອກຫາແຫລ່ງທ່ອງທ່ຽວເປັນທໍາມະຊາດທ່ີມີນ້ໍາໄຫລເຢັນຕະຫລອດປີເພື່ອ ເປັນຂອງຂວັນໃນວັນພັກຜ່ອນດ້ວຍບັນຍາກາດງຽບສະຫງົບ,ຢູ່ຫ່າງຈາກຜູ້ຄົນແລະລວມທັງມົນລະພິດ.ມື້ນີ້ຜູ້ຂຽນໄດ້ນໍາເອົາບັນຍາກາດດີໆຈາກປີໃໝ່ມາຝາກມາຕ້ອນຄື ລະຫວ່າງວັນທີ14-15ເມສາ2024 ເຊິ່ງເປັນວັນສັງຂານເນົາຂອງບຸນປີ ໃໝ່ລາວພສ2567ປະຊາຊົນສ່ວນ ຫລາຍນອກຈາກສ້າງສັນມ່ວນຊື່ນ ຢູ່ກັບບ້ານເຮືອນຂອງຕົນແລ້ວຍັງນິ ຍົມໄປທ່ຽວຕາມສະຖານທີ່ທ່ອງທ່ຽວແຫ່ງຕ່າງໆໂດຍສະເພາະສະຖານທີ່ທ່ອງທ່ຽວແກ້ງຊັນຢູ່ ນະຄອນປາກເຊແຂວງຈຳປາສັກເຊິ່ງເປັນສະຖານທີ່ທ່ອງທ່ຽວແຫ່ງໃໝທີ່ຫາກໍເປີດໃຫ້ມວນຊົນເຂົ້າທ່ຽວຊົມ,ແຕ່ກໍມີຜູ້ຄົນມາທ່ອງທ່ຽວເປັນຈຳນວນຫລວງຫລາຍ.
ທ່ານ ສຸບິນ ໂພສາງ ຜູ້ພັດທະນາແຫລ່ງທ່ອງທ່ຽວແກ້ງຊັນບ້ານ ແກ້ງຊັນ ນະຄອນປາກເຊ ໃຫ້ສຳພາດວ່າ:ແຫລ່ງທ່ອງທ່ຽວແກ້ງຊັນຫ່າງຈາກຕົວເມືອງປາກເຊພຽງ7 ກິໂລແມັດ, ເລີ່ມເປີດໃຫ້ແຂກເຂົ້າໄປທ່ອງທ່ຽວໃນວັນແມ່ຍິງສາກົນທີ 8 ມີນາ2024ຜ່ານມາແລະໄດ້ ເປັນທີ່ຮູ້ຈັກກັນຫລາຍຂຶ້ນເຮັດໃຫ້ບຸນປີໃໝ່ປີນ້ີ ໄດ້ມີຄົນມາທ່ຽວຫລາຍເປັນພິເສດ.ແຫລ່ງທ່ອງທ່ຽວແກ້ງຊັນເປັນສະຖານທີ່ໃໝ່ຂອງນະຄອນປາກເຊ ແຕ່ເຫັນວ່ານັບແຕ່ມື້ເປີດມາຮອດປັດຈຸບັນແມ່ນມີການຕອບຮັບຈາກຜູ້ມາທ່ຽວເປັນຢ່າງດີໂດຍສະ ເພາະໃນເທສະການຕ່າງໆຄື: ວັນແມ່ຍິງແລະບຸນປີໃໝ່ລາວ,ຂ້າພະເຈົ້າຮູ້ສຶກດີໃຈແລະຂອບໃຈທີ່ທຸກຄົນໃຫ້ຄວາມສົນໃຈມາທ່ຽວສະຖານທີ່ແຫ່ງນ້ີແລະຂໍເຊີນຊວນທຸກທ່ານທັງພາຍໃນແລະຕ່າງປະເທດເຂົ້າມາທ່ຽວຊົມ,ຫລິ້ນນ້ຳເຢັນໆຈາກທຳມະຊາດສາຍນ້ໍາເຊໂດນ ຊຶ່ງຈະເຮັດໃຫ້ທ່ານມີຄວາມສຸກ, ຄວາມປອດໄພຢ່າງແນ່ນອນ.ພ້ອມດຽວກັນນີ້ສະຖານທີ່ທ່ອງທ່ຽວແກ້ງຊັນບໍ່ໄດ້ເກັບຄ່າເຂົ້າທ່ຽວຊົມ, ເກັບແຕ່ຄ່າບໍລິການຝາກລົດ, ຄ່າເຊົ່າຕູບ. ນອກຈາກນີ້,ຍັງມີເຄື່ອງດື່ມ,ອາຫານຄອຍບໍລິການຕ້ອນຮັບພິເສດໄລຍະບຸນປີໃໝ່ກໍມີວົງດົນຕີນັກຮ້ອງ, ໝໍລຳມາສ້າງສັນບັນຍາກາດໃຫ້ຟົດຟື້ນມ່ວນຊື່ນຕະຫລອດງານ.
ຂໍ້ມູນສຳລັບຜູ້ທີ່ສົນໃຈຢາກມາທ່ຽວແຫລ່ງທ່ອງທ່ຽວແກ້ງຊັນ ສາມາດຈອງຕູບໄດ້ທີ່ເບີໂທລະສັບ 020 5656 8789 ຄ່າເຊົ່າຕູບ50 ພັນກີບຕໍ່ຕູບລາຄາຝາກລົດກໍເປັນກັນເອງ.
ໂດຍ:ປະພິດ ພາບ:ເກດສະໜາ
KPL