ຂປລ
ໝາກພ້າວ ແມ່ນໝາກໄມ້ພື້ນເມືອງລາວຊະນິດໜຶ່ງທີ່ນິຍົມບໍລິໂພກ ເນື່ອງຈາກວ່າໝາກພ້າວ ກິນໄດ້ທັງສົດ ແລະ ສາມາດນໍາໄປປຸງແຕ່ງເປັນອາຫານຫວານໄດ້ຫລາຍ ຫລື ເວົ້າໄດ້ວ່າເຮັດອາຫານຫວານຈະຂາດໝາກພ້າວບໍໄດ້ເລີຍ.
*ໝາກພ້າວ ແມ່ນໝາກໄມ້ພື້ນເມືອງລາວຊະນິດໜຶ່ງທີ່ນິຍົມບໍລິໂພກ ເນື່ອງຈາກວ່າໝາກພ້າວ ກິນໄດ້ທັງສົດ ແລະ ສາມາດນໍາໄປປຸງແຕ່ງເປັນອາຫານຫວານໄດ້ຫລາຍ ຫລື ເວົ້າໄດ້ວ່າເຮັດອາຫານຫວານຈະຂາດໝາກພ້າວບໍໄດ້ເລີຍ ນອກນີ້, ໝາກພ້າວຍັງ ເປັນທີ່ນິຍົມນໍາມາແປຮູບເປັນເຄື່ອງດື່ມເພື່ອສຸຂະພາບ ເພື່ອສະໜອງຄວາມຕ້ອງການຂອງຜູ້ບໍລິໂພກ ແລະ ເມື່ອເວົ້າເຖິງຜະລິດຕະພັນທີ່ປຸງແຕ່ງຈາກໝາກພ້າວມີຫລາຍແບບ ແຕ່ມື້ນີ້ຄໍລໍາສົ່ງເສີມທຸລະກິດ ຈະນໍາເອົາຜະລິດຕະພັນຫອມຫວານມັນເຕົ້າຮວຍ ໝາກພ້າວແຊບໆມາຝາກ, ມາຕ້ອນທ່ານຜູ້ອ່ານທັງຫລາຍ ເພື່ອວ່າທ່ານໃດສົນໃຈກໍສາມາດສະໜັບສະໜູບຜະລິດຕະພັນຂອງຄົນລາວເຮົາໄດ້ ແຕ່ບອກໄດ້ເລີຍວ່າແຊບສົມຊື່ແນ່ນອນດ້ວຍນໍ້າເຕົ້າຮວຍທີ່ຫອມຫວານປະສົມຕ່ອນໝາກພ້າວອ່ອນ, ນຸ້ມບອກໄດ້ ເລີຍວ່າແຊບຊ້ອຍ ຖ້າທ່ານໄດ້ລອງແລ້ວຈະຕິດໃຈແນ່ນອນ.
ທ່ານນາງ ລູນ້າ ດວງສົງຄາມ ເຈົ້າຂອງຜະລິດຕະພັນຫອມຫວານມັນເຕົ້າຮວຍໝາກພ້າວແຊບໆໄດ້ໃຫ້ຮູ້ວ່າ: ຕົນເອງມັກກິນຂອງຫວານຢູ່ແລ້ວ ໂດຍຈະໃຊ້ເວລາວ່າງໃນການປຸງແຕ່ງເມນູເຂົ້າໜົມຫວານປະເພດຕ່າງໆເພື່ອໃຫ້ຄົນໃນຄອບຄົວ ແລະ ໝູ່ເພື່ອນໄດ້ທົດລອງຮັບປະທານ ໃນນີ້ສຳລັບເມນູ “ຫອມຫວານມັນເຕົ້າຮວຍໝາກພ້າວແຊບໆ” ກໍ່ແມ່ນອີກໜຶ່ງທີ່ປຸງແຕ່ງຂຶ້ນມາໃນທ້າຍປີຜ່ານມານີ້ ທີ່ຂ້າພະເຈົ້າໄດ້ຮຽນຮູ້ວິທີການປຸງດ້ວຍຕົນເອງຜ່ານສື່ສັງຄົມອອນໄລຕ່າງໆແລ້ວພັດທະນາໃຫ້ກາຍເປັນສູດສະເພາະທີ່ມີຄວາມແຊບບໍ່ຊໍ້າແບບໃຜໂດຍ ໄດ້ເລີ່ມຕົ້ນຜະລິດພຽງແຕ່ 15 ຈອກ ເທົ່ານັ້ນແລ້ວແຈກຢາຍໃຫ້ຄົນອ້ອມຂ້າງໄດ້ທົດລອງຊີມ ກໍແນະນໍາໃຫ້ຜະລິດເພື່ອຂາຍເມນູດັ່ງກ່າວນັບແຕ່ນັ້ນເປັນຕົ້ນມາ ໃນນີ້ຈະເນັ້ນຂາຍໃຫ້ຖານລູກຄ້າຜ່ານສື່ສັງຄົມອອນໄລເປັນຫລັກ.
ໂດຍຜະລິດຕະພັນ “ຫອມຫວານມັນເຕົ້າຮວຍໝາກພ້າວແຊບໆ” ແມ່ນມີຄວາມໂດດເດັ່ນທີ່ແຕກຕ່າງຈາກຜະລິດຕະພັນອ່ືນ ຢູ່ທີ່ມີສາມລົດຊາດໃນຕົວເອງຄື: ຫວານ, ມັນ ແລະ ມີຄວາມຫອມ ເພາະນຳໃຊ້ວັດຖຸດິບພາຍໃນຈາກທຳມະຊາດເຊັ່ນ ໝາກພ້າວນ້ຳຫອມ ເປັນສ່ວນປະກອບຫລັກປາສະຈາກສານເຄມີເຈືອປົນ, ປາສະຈາກສານແຕ່ງກິ່ນ, ປາສະຈາກນົມງົວ, ບໍ່ໃສ່ກະທິ ຮັບປະກັນການຜະລິດມີຄວາມສົດໃໝ່ໃນທຸກໆມື້ ໂດຍຜະລິດຕະພັນມີອາຍຸການເກັບຮັກສາຫລັງຈາກປຸງແລ້ວເກັບໃນຄວາມເຢັນແມ່ນໄລຍະເວລາ 7 ມື້ ແລະ ຖ້າແຊ່ແຂງແມ່ນເກັບຮັກສາໄດ້ 1 ເດືອນ ເນື່ອງຈາກວ່າ ພວກເຮົາເອົາໃຈໃສ່ທຸກຂັ້ນຕອນໃນການຜະລິດ ແລະ ມີບັນຈຸພັນທີ່ສະອາດຄຽງຄູ່ກັບຄວາມທັນສະໄໝທີ່ປະທັບໃຈຜູ້ບໍລິໂພກຈົນໄດ້ຮັບຄວາມເຊື່ອໝັ້ນ ຂາຍໄດ້ 200 ຈອກຕໍ່ມື້ ໃນລາຄາ 25.000 ກີບ ຕໍ່ 1 ຈອກ. ຜະລິດຕະພັນ “ຫອມຫວານມັນເຕົ້າຮວຍໝາກພ້າວແຊບໆ” ຜະລິດສົດໃໝ່ທຸກໆມື້, ໂດຍມີສະຖານທີ່ຜະລິດຢູ່ບ້ານໜອງໜ້ຽວ, ເມືອງສີໂຄດຕະບອງ, ນະຄອນຫລວງວຽງຈັນ, ສຳລັບລູກຄ້າໃນສັງຄົມທີ່ສົນໃຈສາມາດສອບຖາມຂໍ້ມູນເພີ່ມຕື່ມໄດ້ທີ່ Facebook page: HOM WAN MUN ເຕົາຮ້ວຍໝາກພ້າວແຊບໆ, ນອກຈາກຈໍາໜ່າຍທົ່ວໄປແລ້ວ ມີການສົ່ງຜະລິດຕະພັນໄ ຂຶ້ນພາເຊີນຕາມງານລ້ຽງງານສັງສັນຕ່າງໃນສັງຄົມນຳດ້ວຍໂດຍເລີ່ມຕົ້ນຮັບງານໃນລະດັບ 100 ຈອກຂຶ້ນໄປ.
ໂດຍ: ມາລີດາ
KPL
