ຂປລ
ອາກາດທີ່ຮ້ອນອົບເອົ້າແບບນ້ີເຊື່ອວ່າຫລາຍທ່ານມີວິທີຄາຍຄວາມຮ້ອນທີ່ແຕກຕ່າງກັນອອກໄປ, ໃນນີ້ການໄດ້ຮັບປະທານອາຫານຫວານໆເຢັນໆ ຖືວ່າສາມາດຊ່ວຍດັບຄວາມຮ້ອນ ແລະ ເຮັດໃຫ້ອາລົມດີຂຶ້ນໄດ້ດ້ວຍອາຫານປະເພດຫວານໆເຢັນ.
*ອາກາດທີ່ຮ້ອນອົບເອົ້າແບບນ້ີເຊື່ອວ່າຫລາຍທ່ານມີວິທີຄາຍຄວາມຮ້ອນທີ່ແຕກຕ່າງກັນອອກໄປ,ໃນນີ້ການໄດ້ຮັບປະທານອາຫານຫວານໆເຢັນໆຖືວ່າສາມາດຊ່ວຍດັບຄວາມຮ້ອນ ແລະ ເຮັດໃຫ້ອາລົມດີຂຶ້ນໄດ້ດ້ວຍອາຫານປະເພດຫວານໆເຢັນ ເປັນຕົ້ນ: ກະແລັມ, ນໍ້າປັ່ນ, ນໍ້າຫວານ ແລະ ອື່ນໆອີກຫລາກຫລາຍແລ້ວແຕ່ຄວາມມັກຂອງແຕ່ລະຄົນວ່າມັກກິນແບບໃດ ແຕ່ສໍາລັບຜູ້ຂຽນເອງແມ່ນມັກກິນກະແລັມເຊັ່ນກັນ ສະນັ້ນ, ມື້ນີ້ຈຶ່ງຈະພາບັນດາທ່ານມາຮູ້ຈັກກັບກະແລັມເຂົ້າໜຽວໃບເຕີຍແຊບໆຂອງອ້າຍບຸນສົງເປັນອີກກະແລັມເຈົ້າໜຶ່ງທີ່ແຊບຊ້ອຍດ້ວຍລົດຊາດກະແລັມ ທີ່ຫອມຫວານກົມກຽວກັບເຂົ້າໜຽວໃບເຕີຍ ໄດ້ເປັນຢ່າງດີຈຶ່ງເຮັດໃຫ້ລູກຄ້າຕິດອົກຕິດໃຈ ຈົນສາມາດສ້າງຍອດຂາຍໄດ້10-15ລ້ານກີບຕໍ່ເດືອນໃນໄລຍະອາກາດຮ້ອນໆແບບນີ້.
ທ່ານບຸນສົງພື້ນຖານແມ່ນຄົນ ທ່າແຂກແຂວງຄໍາມ່ວນແຕ່ປັດຈຸບັນ ຢູ່ບ້ານຂົວຫລວງເວົ້າໃຫ້ຟັງວ່າ: ກ່ອນຈະມາເຮັດອາຊີບນ້ີ ແມ່ນເຮັດສວນມາກ່ອນແຕ່ກໍ່ພໍແຕ່ໄດ້ຢູ່, ໄດ້ກິນໃນຊີວິດປະຈໍາວັນບໍ່ພໍສິໄດ້ເກັບທ້ອນຈຶ່ງມີແນວຄິດຫັນປ່ຽນອາຊີບໃໝ່ຈຶ່ງໄດ້ປຶກສາກັບຄອບຄົວວ່າຈະເຮັດຫຍັງ, ເຮັດຢູ່ໃສເພາະວ່າຕົ້ນທຶນບໍ່ສູງສິເຮັດຫຍັງກໍ່ຍາກຕ້ອງໄດ້ຄິດແລ້ວຄິດອີກຈຶ່ງຕັດສິນໃຈ ມາເຮັດກະແລັມຂາຍເພາະເປັນສິ່ງທີ່ມັກຢູ່ແລ້ວອີກຢ່າງໜຶ່ງໄລຍະນັ້ນ ລະດູຮ້ອຍຖ້າເຮັດຄົງຈະໄດ້ຂາຍດີ. ພາຍຫລັງຕັດສິນໃຈໄດ້ແລ້ວວ່າຈະເຮັດຫຍັງ ກໍໄດ້ໄປຮຽນວິທີເຮັດກະເມື່ອເປັນແລ້ວກໍນໍາມາປັບໃຊ້ໃຫ້ເກີດປະໂຫຍດສູງສຸດ ກໍຄືການເຮັດກະແລັມຂາຍແຕ່ປີ 2022 ຫລັງຈາກການລະບາດຂອງພະຍາດໂຄວິດ-19 ເບົາບາງລົງກໍໄດ້ຊ້ືຖັງກະແລັມແລ້ວກໍແຕ່ງລົດຈັກໃຫ້ເປັນລົດກະແລັມເພື່ອເລາະຂາຍຕາມ ຈຸດຕ່າງໆໃນຂອບເຂດບ້ານໂນນ ຄໍ້,ໂນນຫວາຍ,ເມືອງນ້ອຍ,ຊຽງ ດາ ແລະ ໜ້າໄອເຕັກໃນມື້ທີ່ມີຕະຫລາດຜັກປອດສານພິດ ແມ່ນໄດ້ ຂາຍດີຫລາຍຈົນຢາກໃຫ້ມີຕະຫລາດ ນີ້ທຸກມື້.ສໍາລັບກະແລັມທີ່ຂາຍກໍມີ ລົດເຜືອກ,ໝາກພ້າວ,ສະຕໍເບີລີ, ໃບເຕີຍເສີບພ້ອມເຂົ້າໜຽວໃບເຕີຍຫອມໆຫວານແມ່ນເຂົ້າກັນຫລາຍ ເພາະອາກາດໃນໄລຍະນີ້ແມ່ນໄດ້ຂາຍດີຫລາຍໃນແຕ່ລະມື້ສະເລຍ ແລ້ວຫລາຍຮ້ອຍຈອກເນື່ອງຈາກວ່າລູກຄ້າຕິດໃຈໃນລົດຊາດຂອງກະແລັມ ເພາະມີຄວາມຄວາມໂດດເດັ່ນທີ່ຄວາມເປັນທຳມະຊາດ ບໍ່ແຕ່ງສີ,ບໍ່ແຕ່ງກິ່ນ,ບໍ່ມີສານກັນບູດ ເພາະຕົນເອງເອົາໃຈໃສ່ເຮັດເອງ ໃນທຸກໆຂັ້ນຕອນການຜະລິດ ເພື່ອ ໃຫ້ໄດ້ສິນຄ້າຄຸນນະພາບດີທີ່ສຸດອອກສູ່ສັງຄົມທັງນີ້ກໍ່ເພື່ອເຮັດໃຫ້ຜູ້ບໍລິໂພກໄດ້ຮັບປະທານອາຫານທີ່ແຊບ ແລະ ເປັນມິດຕໍ່ສຸຂະພາບໂດຍປັດຈຸບັນມີເຖີງ4 ລົດຊາດໃຫ້ ທ່ານໄດ້ກິນຕາມຄວາມຕ້ອງການ. ທ່ານບຸນສົງເວົ້າຕື່ມວ່າ:ພາຍຫລັງທີ່ຫັນປ່ຽນອາຊີບເຮັດໃຫ້ຊີວິດການເປັນຢູ່ດີຂຶ້ມລາຍຮັບເພີ່ມຂຶ້ນເດືອນໜຶ່ງປະມານ 10 ປາຍລ້ານ ຖ້າໄລຍະລະດູແລ້ງ, ສ່ວນລະດູໜາວປະມານ5-6 ລ້ານກີບ. ສຳລັບລູກຄ້າທຸກໆ ທ່ານທີ່ສົນໃຈສັ່ງຊ້ືຜະລິດຕະພັນກະແລັມ ໄວ້ເປັນອາຫານຫວານໃນງານຕ່າງໆ ກໍສາມາດຕິດຕໍ່ໄດ້ທີ່ເບີໂທລະສັບ 020 93378892 ໃນລາຄາ 2 ລ້ານກີບຂຶ້ນໄປໄດ້ກະແລັມ 200 ປາຍຈອກ, ແຖມຈວຍເຂ້ົາໜົມ100 ອັນ ມີເຂົ້າໜຽວໃບເຕີຍກ໋ອງໜຶ່ງ, ໝາກຕາວ2ກ໋ອງ, ມີຖົ່ວດິນໂລໜຶ່ງ.
ໂດຍ:ມາລີດາ
KPL