ຂປລ
ມຽນມາ ໄດ້ຈັດພິທີ ເດີນສວນສະໜາມ ເພື່ອສະເຫລີມ ສະຫລອງ ວັນສ້າງຕັ້ງ ກອງທັບ ຄົບຮອບ 79ປີ ໂດຍມີ ທະຫານເຮືອ, ທະຫານບົກ ແລະ ທະຫານ ອາກາດ ຫລາຍກວ່າ 7500 ຄົນ, ທີມສະແດງ ຂອງກອງທັບອາ ກາດ, ທະຫານມ້າ ແລະ ອື່ນໆ ເຂົ້າຮ່ວມພິທີຢ່າງເປັນ ຂະບວນ ຟົດຟື້ນ.
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 27 ມີນານີ້, ຢູ່ນະຄອນຫລວງ ເນປີດໍ ຂອງ ມຽນມາ ໄດ້ຈັດພິທີ ເດີນສວນສະໜາມ ເພື່ອສະເຫລີມ ສະຫລອງ ວັນສ້າງຕັ້ງ ກອງທັບ ຄົບຮອບ 79ປີໂດຍມີ ທະຫານເຮືອ, ທະຫານບົກ ແລະ ທະຫານ ອາກາດ ຫລາຍກວ່າ 7500 ຄົນ, ທີມສະແດງ ຂອງກອງທັບອາກາດ, ທະຫານມ້າ ແລະ ອື່ນໆ ເຂົ້າຮ່ວມພິທີຢ່າງເປັນ ຂະບວນ ຟົດຟື້ນ. ນອກນີ້, ແຂກຜູ້ມີກຽດ ຫລາຍຮ້ອຍຄົນ ລວມທັງ ຜູ້ຕາງໜ້າຊົນ ເຜົ່າສ່ວນໜ້ອຍ, ບັນດາ ເອກອັກ ຄະລັດຖະທູດ ຂອງຕ່າງປະເທດ ປະຈຳ ຢູ່ມຽນມາກໍໄດ້ເຂົ້າຮ່ວມ ພິທີດັ່ງກ່າວ ຕາມການເຊື້ອເຊີນ. ສຳລັບ ວັນທີ 27 ມີນາປີ1945, ກອງທັບປ້ອງກັນ ປະເທດ ມຽນມາ ທີ່ໃນເມື່ອກ່ອນ ຊື່ວ່າ ກອງທັບ ເອກະລາດ ມຽນມາໄດ້ລຸກຮືຂຶ້ນ ແລະ ເຂົ້າຮ່ວມ ກັບບັນດາ ປະເທດ ໃນໂລກ ທີ່ຄັດຄ້ານ ຟາຊິດເພື່ອຕໍ່ຕ້ານ ຍີ່ປຸ່ນ ຜູ້ຮຸກຮານ, ວັນທີ 27 ມີນາກໍກາຍເປັນ ວັນສ້າງຕັ້ງ ກອງທັບປ້ອງກັນ ປະເທດ ມຽນມາ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
