ຂປລ
ຂປລ. ແຂວງຈໍາປາສັກ, ກຽມຄວາມພ້ອມ ໃນການສະເຫລີມສະຫລອງກາເຟ, ຊາ, ແລະ ຜົນຜະລິດກະສິກຳຂອງລາວ ໃນບຸນກາເຟ, ຊາ ແລະ ຜົນຜະລິດກະສິກຳພູພຽງບໍລະເວນ ເຊິ່ງຈະຈັດຂຶ້ນໃນວັນທີ 21-23 ກຸມພາ 2024
ຂປລ. ແຂວງຈໍາປາສັກ, ກຽມຄວາມພ້ອມ ໃນການສະເຫລີມສະຫລອງກາເຟ, ຊາ, ແລະ ຜົນຜະລິດກະສິກຳຂອງລາວ ໃນບຸນກາເຟ, ຊາ ແລະ ຜົນຜະລິດກະສິກຳພູພຽງບໍລະເວນ ເຊິ່ງຈະຈັດຂຶ້ນໃນວັນທີ 21-23 ກຸມພາ 2024, ທີ່ອານຸສາວະລີ ທ່ານ ສີທົນກົມມະດຳ ເມືອງ ປາກຊ່ອງ, ງານຄັ້ງນີ້ ຈັດຂຶ້ນໂດຍພະແນກອຸດສາຫະກຳ ແລະ ການຄ້າ ແຂວງ, ພະແນກກະສິກຳ ແລະ ປ່າໄມ້ ແຂວງ ແລະ ສະມາຄົມກາເຟລາວ ແນໃສ່ຮັດແໜ້ນການເຊື່ອມໂຍງລະຫວ່າງກາເຟ, ຊາ, ຜະລິດຕະພັນກະສິກຳ ແລະ ການທ່ອງທ່ຽວ ເພື່ອສົ່ງເສີມຂະແໜງກະສິກຳ ແລະ ການທ່ອງທ່ຽວຂອງພາກພື້ນ ໂດຍເນັ້ນໃສ່ປູກຝັງສະພາບແວດລ້ອມແຫ່ງ ການພັດທະນາກະສິກຳທີ່ດີເດັ່ນ ໄປຄຽງຄູ່ກັບທັດສະນີຍະພາບ ການທ່ອງທ່ຽວ ທີ່ອຸດົມສົມບູນ.
ໃນງານຄັ້ງນີ້, ຜູ້ເຂົ້າຮ່ວມຈະໄດ້ຟັງ ການສົນທະນາກ່ຽວກັບກາເຟ ພາຍໃຕ້ຫົວຂໍ້ຕ່າງໆເຊັ່ນ: ເສັ້ນທາງການພັດທະນາກາເຟ ພິເສດຂອງລາວ, ເສັ້ນທາງຂອງການເປັນ Barista ມືອາຊີບໃຫ້ແກ່ໄວໜຸ່ມ, ການສົ່ງເສີມຊາວສວນ ເພື່ອຍົກສະມັດຕະພາບ ການຜະລິດກາເຟ ແລະ ວິທີການຜະລິດກາເຟຄຸນະພາບ ແລະ ເງື່ອນໄຂຄັດເລືອກເມັດກາເຟພິເສດ ເພື່ອສ້າງໃຫ້ເກີດແຮງບັນດານໃຈ ແລະຄວາມເຂົ້າໃຈກ່ຽວກັບກາເຟ. ນອກນີ້, ຍັງມີຈຸດປະສົງ ເພື່ອສົ່ງເສີມຊຸມຊົນຜູ້ຮັກ ແລະ ມີຄວາມສົນໃຈ ກ່ຽວກັບກາເຟ.
ງານສະເຫລີມສະຫລອງກາເຟ, ຊາ ແລະ ຜົນຜະລິດກະສິກຳ ປະຈຳປີ 2024 ແມ່ນເປີດໃຫ້ຜູ້ທີ່ມີຄວາມສົນໃຈ, ເຈົ້າຂອງທຸລະກິດ ແລະ ຜູ້ທີ່ມີຄວາມສົນໃຈມາຮ່ວມ.
ສອບຖາມຂໍ້ມູນເພີ່ມເຕີມ, ກະລຸນາຕິດຕໍ່ຫາ:
ທ່ານ ສີວິໄຊ ໄຊຍະແສງ
ຫົວໜ້າຫ້ອງການ, ສະມາຄົມກາເຟລາວ
ໂທ: +856 20 55 856 619
KPL
