ສະຫລຸບວຽກງານ ຖວທ ທົ່ວປະເທດ ປະຈຳ ປີ 2023 ແລະ ທິດທາງແຜນການ ປີ 2024

12/02/2024 12:05
Email Print 406
ຂປລ ຂປລ. ກອງປະຊຸມສະຫລຸບວຽກງານ ຖະແຫລງຂ່າວ ວັດທະນະທຳ ແລະ ທ່ອງທ່ຽວ (ຖວທ) ທົ່ວປະເທດ ປະຈຳປີ 2023 ແລະ ທິດທາງແຜນການ ປີ 2024 ຈັດຂຶ້ນໃນວັນທີ 12-13 ກຸມພາ 2024

ຂປລ. ກອງປະຊຸມສະຫລຸບວຽກງານ ຖະແຫລງຂ່າວ ວັດທະນະທຳ ແລະ ທ່ອງທ່ຽວ (ຖວທ) ທົ່ວປະເທດ ປະຈຳປີ 2023 ແລະ ທິດທາງແຜນການ ປີ 2024 ຈັດຂຶ້ນໃນວັນທີ 12-13 ກຸມພາ 2024 ໂດຍການເປັນປະທານຂອງ ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະ ແຫລງຂ່າວ ວັດທະນະທຳ ແລະ ທ່ອງທ່ຽວ, ມີຜູ້ຕ່າງໜ້າຈາກພະແນກ ຖວທ ໃນຂອບເຂດທົ່ວປະເທດເຂົ້າຮ່ວມ.

ທ່ານ ນາງ  ສວນສະຫວັນ ວິຍະເກດ ໄດ້ມີ​ຄຳ​ເຫັນວ່າ: ວຽກງານ ຖວທ ແມ່ນວຽກງານຊຸກຍູ້ສົ່ງເສີມ, ພັດທະນາຄົນ ແລະ ສັງຄົມ, ແມ່ນວຽກງານສ້າງພື້ນຖານອະລິຍະທໍາ ທາງດ້ານຈິດໃຈຂອງສັງຄົມ ເຊິ່ງເປັນປັດໄຈປະກອບສ່ວນ ເຂົ້າໃນການຕັດສິນການຄົງຕົວ ແລະ ຂະຫຍາຍຕົວຂອງຊາດ ໃຫ້ທຽບທັນກັບບັນດາອະລິຍະປະເທດຕ່າງໆ ແລະ ສາມາດເຂົ້າຮ່ວມກັບກະແສຄວາມກ້າວໜ້າ ຂອງຂະບວນວິວັດແຫ່ງ ການພັດທະນາໃນໂລກໄດ້. ​ໃນ 1 ປີຜ່ານມາຄະນະພັກ, ຂັ້ນທັງສູນກາງ ແລະ ທ້ອງຖິ່ນ ໄດ້ເອົາໃຈໃສ່ ກຳນົດບັນດາ ແຜນການ, ແຜນງານ ແລະ ໂຄງການຈຸດສຸມ ຂອງວຽກງານ ຖວທ ເຂົ້າໃນແຜນພັດທະນາທັງຂັ້ນສູງກາງ ແລະ ທ້ອງຖິ່ນ ຢ່າງຖືກຕ້ອງສອດຄ່ອງ; ພະນັກງານ-ລັດຖະ ກອນ ທົ່ວຂະແໜງການ ຖວທ ມີຄວາມຫ້າວຫັນ, ເປັນເຈົ້າການປະຕິບັດໜ້າທີ່ວຽກງານ ວິຊາສະເພາະຂອງຕົນເອງ ດ້ວຍຄວາມຮັບຜິດຊອບສູງ, ສາມາດເຮັດໜ້າທີ່ເປັນເສນາທິການໃຫ້ ແກ່ຄະນະພັກ-ຄະ ນະນຳກະຊວງ ກໍຄື ຄະນະພັກ ແລະ ອຳນາດການປົກຄອງທ້ອງຖິ່ນ ອັນໄດ້ເຮັດໃຫ້ວຽກງານຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມີຜົນສຳເລັດ ຫລາຍດ້ານທັງດ້ານປະລິມານ ແລະ ຄຸນນະພາບປະກອບສ່ວນ ຢ່າງຕັ້ງໜ້າເຂົ້າໃນ ການພັດທະນາເສດຖະກິດ-ສັງຄົມ ຂອງປະເທດ ໃຫ້ມີຄວາມເຂັ້ມ ແຂງ, ພ້ອມທັງເຮັດໃຫ້ປະ​ເທດຊາດມີຄວາມສະຫງົບ, ມີສະຖຽນລະພາບ ແລະ ຄວາມໝັ້ນຄົງທາງດ້ານການເມືອງ, ປະຊາຊົນບັນດາເຜົ່າມີ ຄວາມສາມັກຄີປອງດອງ ແລະ ມີຊີວິດການເປັນຢູ່ທາງດ້ານວັດຖຸ ກໍຄື ຈິດໃຈນັບມື້ນັບດີຂຶ້ນໄປເລື້ອຍໆ.



ໃນ​ກອງ​ປະຊຸມ,
ທ່ານ ວັນສີ ກົວມົວ ຮອງລັດຖະມົນຕີ ກະຊວງ ຖວທ ໄດ້​ໃຫ້​ຮູ້​ວ່າ: ​ໃນ 1 ປີຜ່ານມາ ຂະ​ແໜງ ຖວທ ສາມາດຍາດໄດ້ຜົນສຳເລັດຫລາຍດ້ານ ເປັນຕົ້ນ ວຽກງານ ຖະແຫລງຂ່າວ-ສື່ມວນຊົນ ໄດ້ຂະຫຍາຍລະບົບໂທລະໂຄ່ງໄລຍະ II ມີທັງໝົດ 1.000 ຊຸດ, ປະຕິບັດແລ້ວ 1.087 ຊຸດ; ລົງສໍາຫລວດ ແລະ ເກັບກໍາຂໍ້ມູນທີ່ດິນຖະແຫລງຂ່າວຢູ່ 3 ແຂວງພາກເໜືອ ແລະ 2 ແຂວງພາກໃຕ້ ເພື່ອຂຶ້ນແຜນງົບປະມານ ໃຫ້ແກ່ການກໍ່ສ້າງ ແລະ ຕິດຕັ້ງສະຖານນີວິທະຍຸ FM ໃຫ້ແກ່ເມືອງທີ່ບໍ່ມີສະຖານີວິທະຍຸ ໂດຍສະເພາະ ບັນດາເມືອງ ທີ່ຢູ່ລຽບຕາມຊາຍແດນສຳເລັດ 8 ເມືອງ; ປັດຈຸບັນພາຫະ ນະສື່ມວນຊົນໃນຂອບເຂດທົ່ວປະເທດ ປະເພດສື່ສິ່ງພິມມີທັງໝົດ 116 ສະບັບ; ພາກເອກະຊົນ 13 ສະບັບ, ພາກລັດມີ 103 ສະບັບ. ໃນນີ້, ເປັນລາຍວັນ 11 ສະບັບ; ສະຖານີວິທະຍຸກະຈາຍສຽງທົ່ວປະເທດມີທັງໝົດ 168 ສະຖານີ. ໃນນີ້, ມີສະຖານນີ FM ແລະ AM  86 ສະຖານີ, ວິທະຍຸເຄືອຂ່າຍມີ 82 ສະຖານີ; ສະຖານີໂທລະພາບທົ່ວປະເທດມີ 49 ສະຖານນ (ສະຖານີໂທລະພາບອານາລອກມີ 25 ສະຖານີ, ໂທລະພາບຜ່ານດາວທຽມ ມີ 10 ສະຖານີ ແລະ ໂທລະພາບດີຈີຕອນ 14 ສະຖານີ); ໜ້າຂ່າວອອນລາຍ 86 ໜ້າຂ່າວ ແລະ ໂທລະໂຄ່ງ ມີ 7.858 ຊຸດ. ນອກຈາກນີ້ກໍໄດ້ສໍາເລັດພິທີມອບ-ຮັບ ສະຖານີວິທະຍຸ-ໂທລະພາບ ແຂວງໄຊສົມບູນ ໂດຍການຊ່ວຍ ເຫລືອຂອງ ສສ ຫວຽດນາມ.

ພ້ອມ​ກັນ​ນີ້, ກໍໄດ້ສ້າງພະນັກງານສືບທອດປ່ຽນແທນ ໃນຂະແໜງຖະແຫລງຂ່າວ-ສື່ມວນຊົນ ໃຫ້ມີຄຸນນະພາບດີກວ່າເກົ່າ, ສຶກສາຮຽນຮູ້ວິຊາສະເພາະທີ່ກ່ຽວຂ້ອງ ຢູ່ພາຍໃນ ແລະ ຕ່າງປະເທດ ເປັນຕົ້ນ ການອົບຮົມວິຊາການຂຽນຂ່າວ, ຕັດຕໍ່ພາບນິ້ງ-ວິດີໂອ ແລະ ອື່ນໆ; ໄດ້ເອົາໃຈໃສ່ໃນການສືບທອດ, ເສີມຂະຫຍາຍມູນເຊື້ອ ແລະ ອະນຸລັກຮັກສາຄຸນຄ່າ ວັດທະນະທຳອັນດີງາມຂອງຊາດ, ຂອງເຜົ່າໄດ້ເປັນຢ່າງດີ. ພ້ອມກັນນັ້ນ, ກໍເອົາໃຈໃສ່ປ້ອງກັນ, ສະກັດກັ້ນ, ແກ້ໄຂກະແສວັດທະນະທໍາ ແລະ ຄ່ານິຍົມທີ່ບໍ່ສອດຄ່ອງ ບໍ່ໃຫ້ແຊກຊຶມ ເຂົ້າມາດ້ວຍການສຶກສາອົບຮົມ, ໂຄສະນາເຜີຍແຜ່ໃຫ້ສັງຄົມຮັບຮູ້ ແລະ ເຂົ້າໃຈຢ່າງກວ້າງຂວາງ; ໄດ້ສົ່ງເສີມ ແລະ ອະນຸລັກຮັກສາວັດທະນະທໍາ ທີ່ເປັນເອກະລັກຂອງບັນດາເຜົ່າ ເປັນຕົ້ນ ລົງເກັບກຳຂໍ້ມູນປະຫວັດ, ວິຖິຊີວິດ ແລະ ການນຸ່ງຖືຂອງຊົນເຜົ່າອາຄາ, ຊົນເຜົ່າໄທແດງ, ຊົນເຜົ່າຜູ້ນ້ອຍ; ໄດ້ຖ່າຍທໍາສາລະຄະດີ ໂຄສະນາເຜີຍແຜ່ ຊິວິດວັດທະນະທຳ ອອກອາກາດຜ່ານທາງ ໂທລະພາບແຫ່ງຊາດລາວ ແລະ ຜະລິດລາຍການ ອອກອາກາດທາງ ວິທະຍຸກະຈາຍສຽງແຫ່ງຊາດ, ສຶກສາ, ຄົ້ນຄວ້າ, ເກັບກຳຂໍ້ມູນ ແລະ ປະກອບແບບຟອມ ຟ້ອນລໍາວົງລາວເຖິງອົງການອຸຍແນັສໂກ ເພື່ອສະເໜີເປັນມໍລະດົກວັດທະນະທໍານາມມະທໍາ, ພ້ອມທັງໄດ້ຄົ້ນຄວ້າ, ເກັບກຳຂໍ້ມູນ, ສັງລວມຮູບພາບ ແລະ ວິດີໂອ ເພື່ອກະກຽມ ປະກອບແບບຟອມສະເໜີລົງທະບຽນ ປະເພນີສູ່ຂວັນແລະ ຄົ້ນຄວ້າຂໍ້ມູນສ້າງປື້ມການອະນຸລັກ ແລະ ສົ່ງເສີມສິລະປະວັດທະນະທໍານາມມະທຳຟ້ອນລາຍງ້າວ;

ພ້ອມ​ທັງ​ໄດ້ເອົາໃຈໃສ່ຄຸ້ມຄອງ, ກວດກາ ວຽກງານການພິມ, ສິ່ງພິມຢູ່ພາຍໃນປະເທດ ແລະ ນຳເຂົ້າຈາກຕ່າງປະເທດຢ່າງຕັ້ງໜ້າ ເພື່ອສະກັດກັ້ນບັນດາສິ່ງພິມ ທີ່ບໍ່ຖືກຕ້ອງ ຕາມລະບຽບກົດໝາຍ ແລະ ລາມົກອານາຈານ; ສຸມໃສ່ການອະນຸລັກ, ປົກປັກຮັກສາ ແລະ ເສີມຂະຫຍາຍຄຸນຄ່າ ຂອງມໍລະດົກແຫ່ງຊາດ ໃນລະດັບຕ່າງໆ, ສຳເລັດການນຳສະເໜີ ຫັດຖະກຳພື້ນເມືອງ ພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ຖືກຮັບຮອງເປັນມໍລະດົກວັດທະນະທຳ ທີ່ບໍ່ເປັນວັດຖຸຂອງມວນມະນຸດ ໂດຍອົງການອຸຍແນັສໂກ, ສຳເລັດການນຳສົ່ງເອກະສານຄຳຮ້ອງ ສະເໜີອຸທິຍານແຫ່ງຊາດຫີນໜາມໜໍ່ ເປັນມໍລະດົກໂລກທາງທໍາມະຊາດ ແບບເຊື່ອມຕໍ່ກັບ ສວນອຸທິຍານແຫ່ງຊາດຟອງຫຍາແກ່ບາງ ມໍລະ ດົກໂລກຂອງ ສສ ຫວຽດນາມ, ສຳເລັດການຮັບຮອງ ມໍລະດົກແຫ່ງຊາດລະດັບທ້ອງຖິ່ນ 5 ແຫ່ງ​ ແລະ ຂົງ​ເຂດ​ວຽກ​ງານ​ອື່ນໆ ສາມາດ​ຍາດ​ໄດ້ຜົນສຳ​ເລັດ​ເຊັ່ນ​ດຽວ​ກັນ.

ຂ່າວ: ກິດຕາ

ພາບ: ອ່າຍຄຳ

KPL

ຂ່າວອື່ນໆ

    • ກອງປະຊຸມວຽກງານການປົກຄອງທ້ອງຖິ່ນ ທົ່ວປະເທດ ຄັ້ງທີ Iການເມືອງ

      ກອງປະຊຸມວຽກງານການປົກຄອງທ້ອງຖິ່ນ ທົ່ວປະເທດ ຄັ້ງທີ I

      7/12/2024 11:00:48 PM

      ຂປລ. ກະຊວງພາຍໃນ ແລະ ຫ້ອງວ່າການສໍານັກງານນາຍົກລັດຖະມົນຕີ ຈັດກອງປະຊຸມວຽກງານ ການປົກຄອງທ້ອງຖິ່ນ ທົ່ວປະເທດ ຄັ້ງທີ I ໄລຍະ ປີ 2021-2023 ແລະ ທິດທາງ, ແຜນວຽກຈຸດສຸມຮອດປີ 2025 ໃນວັນທີ 12 ກໍລະກົດ 2024 ພາຍໃຕ້ການເປັນປະທານຂອງ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ, ຜູ້ຊີ້ນໍາວຽກງານຂົງເຂດການປົກຄອງ ແລະ ວັດທະນະທໍາ-ສັງຄົມ, ມີບັນດາທ່ານລັດຖະມົນຕີ-ຮອງລັດຖະມົນຕີ, ເລຂາທິການສະພາແຫ່ງຊາດ, ເຈົ້າແຂວງ-ຮອງເຈົ້າແຂວງ, ຮອງເຈົ້າຄອງນະຄອນຫລວງວຽງຈັນ ແລະ ພາກສ່ວນ ກ່ຽວຂ້ອງເຂົ້າຮ່ວມ.

    • ຮອງນາຍົກລັດຖະມົນຕີ ຕ້ອນຮັບການ ເຂົ້າພົບປະຂອງ ປະທານພັກໂຄເມໂຕະ ຂອງ ຍີ່ປຸ່ນການເມືອງ

      ຮອງນາຍົກລັດຖະມົນຕີ ຕ້ອນຮັບການ ເຂົ້າພົບປະຂອງ ປະທານພັກໂຄເມໂຕະ ຂອງ ຍີ່ປຸ່ນ

      7/12/2024 10:53:56 PM

      ຂປລ. ຕອນເຊົ້າວັນທີ 12 ກໍລະກົດ 2024, ທີ່ກະຊວງການຕ່າງປະເທດ, ທ່ານ ສະເຫລີມໄຊ ກົມມະສິດ ຮອງນາຍົກລັດະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າພົບປະຂອງ ທ່ານ ຢາມະກຸຈິ ນັດສຶໂອະ (Mr. YAMAGUCHI Natsuo), ປະທານພັກໂຄເມໂຕະ (Chief Representative of KOMEITO) ໃນໂອກາດທີ່ເດີນທາງມາຢ້ຽມຢາມເຮັດວຽກ ຢູ່ ສປປ ລາວ.

    • ຄະນະຜູ້ແທນຂັ້ນສູງພັກ ໂຄເມໂຕະ ຢ້ຽມຢາມ ແລະ ເຮັດວຽກຢູ່ ສປປ ລາວການເມືອງ

      ຄະນະຜູ້ແທນຂັ້ນສູງພັກ ໂຄເມໂຕະ ຢ້ຽມຢາມ ແລະ ເຮັດວຽກຢູ່ ສປປ ລາວ

      7/12/2024 10:35:10 PM

      ຂປລ. ໃນວັນທີ 12 ກໍລະກົດ 2024 ທີ່ ສໍານັກງານຫ້ອງວ່າການສູນກາງພັກ, ທ່ານ ທອງລຸນ ສີສຸລິດ ເລຂາທິ ການໃຫຍ່ ຄະນະບໍລິຫານງານສູນກາງພັກ ປປ ລາວ, ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າ ຢ້ຽມຂ່ຳນັບຂອງ ທ່ານ ນັດສຶໂອະ ຢາມາກູຈິ ປະທານພັກໂຄເມໂຕະ, ສະມາຊິກສະພາສູງຍີ່ປຸ່ນ ພ້ອມຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 11-13 ກໍລະກົດ 2024.

    • ສຳເລັດ ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນນະຄອນຫລວງວຽງຈັນ ຊຸດທີ IIການເມືອງ

      ສຳເລັດ ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນນະຄອນຫລວງວຽງຈັນ ຊຸດທີ II

      7/12/2024 10:27:05 PM

      ຂປລ. ກອງປະຊຸມສະໄໝສາມັນ ເທື່ອທີ 7 ຂອງສະພາປະຊາຊົນ ນະຄອນຫລວງວຽງຈັນ (ສປນວ) ຊຸດທີ II ໄດ້ປິດລົງດ້ວຍຜົນສຳເລັດອັນຈົບງາມ ພາຍຫລັງດຳເນີນມາແຕ່ວັນທີ 8-12 ກໍລະກົດ 2024 ໃຫ້ກຽດເຂົ້າຮ່ວມມີ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ, ມີເຈົ້າຄອງ, ຮອງເຈົ້າ ນະຄອນຫລວງວຽງຈັນ (ນວ), ພ້ອມດ້ວຍ ບັນດາສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 1 ນະຄອນຫລວງວຽງຈັນ, ສະມາຊິກສະພາປະຊາຊົນ ນະຄອນຫລວງວຽງຈັນ, ການນໍາພັກ-ລັດ ຂັ້ນນະຄອນຫລວງ ແລະ ແຂກຖືກເຊີນ ເຂົ້າຮ່ວມ.

    • ສປນວ ຮັບຮອງເອົາບົດລາຍງານການ ຈັດຕັ້ງປະຕິບັດວຽກງານ ຂົງເຂດຕຸລາການການເມືອງ

      ສປນວ ຮັບຮອງເອົາບົດລາຍງານການ ຈັດຕັ້ງປະຕິບັດວຽກງານ ຂົງເຂດຕຸລາການ

      7/12/2024 10:21:08 PM

      ຂປລ. ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນ ນະຄອນຫລວງວຽງຈັນ (ສປນວ) ຊຸດທີ II ໃນວັນທີ 12 ກໍລະກົດ 2024 ພາຍໃຕ້ການເປັນປະທານຂອງ ທ່ານ ອານຸພາບ ຕຸນາລົມ ປະທານສະພາປະຊາຊົນ ນະຄອນຫລວງວຽງຈັນ, ບັນດາສະມາຊິກສະພາປະຊາຊົນ ນະຄອນຫລວງວຽງຈັນ (ສສນວ), ສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 1 ນະຄອນຫລວງວຽງຈັນ

ads
ads

Top