ຂປລ
ທ່ານ ເຮີລີ້ເຟີ່ງ ກຳມະການກົມການເມືອງ ສູນກາງພັກ ກອມມູນິດຈີນ, ຮອງນາຍົກລັດຖະມົນຕີຈີນ ໄດ້ພົບປະກັບ ທ່ານ ອິວານ ກຣີນເບີກ ຮອງປະທານ ບໍລິຫານຄະນະກຳມະການ ແລະ ທ່ານສະຕີຟ ອໍລິນ ປະທານ ຂອງຄະນະກຳມະການແຫ່ງຊາດ ກ່ຽວກັບ ການພົວພັນ ອາເມລິກາ-ສປ ຈີນ ຢູ່ນະຄອນຫລວງປັກກິ່ງ.
ຂປລ.ວິທະຍຸ-ໂທລະພາບ ສູນກາງຈີນ,ເມື່ອບໍ່ດົນມານີ້ , ທ່ານ ເຮີລີ້ເຟີ່ງ ກຳມະການກົມການເມືອງ ສູນກາງພັກ ກອມມູນິດຈີນ, ຮອງນາຍົກລັດຖະມົນຕີຈີນ ໄດ້ພົບປະກັບ ທ່ານ ອິວານ ກຣີນເບີກ ຮອງປະທານ ບໍລິຫານຄະນະກຳມະການ ແລະ ທ່ານສະຕີຟ ອໍລິນ ປະທານ ຂອງຄະນະກຳມະການແຫ່ງຊາດ ກ່ຽວກັບ ການພົວພັນ ອາເມລິກາ-ສປ ຈີນ ຢູ່ນະຄອນຫລວງປັກກິ່ງ.
ທ່ານ ເຮີລີ້ເຟີ່ງ ກ່າວວ່າ: ສປ ຈີນ ແລະ ສ.ອາເມລິກາ ມີຊ່ອງຫວ່າງ ການຮ່ວມມື ທີ່ກວ້າງຂວາງ ໃນຂົງເຂດ ເສດຖະກິດການຄ້າ, ທັງສອງຝ່າຍ ຄວນເດີນໄປສູ່ ເປົ້າໝາຍດຽວກັນ, ພ້ອມກັນປົກປັກຮັກສາ ແລະ ຈັດຕັ້ງປະຕິບັດ ຄວາມຮັບຮູ້ ທີ່ເປັນເອກະພາບກັນ ແລະ ຜົນໄດ້ຮັບທີ່ສຳຄັນ ຈາກການພົບປະກັນ ລະຫວ່າງ ປະມຸກລັດ ສອງປະເທດ ຢູ່ນະຄອນບູຊານຂອງ ສ.ເກົາຫລີ ນັ້ນໃຫ້ເປັນຢ່າງດີ, ເພີ່ມທະວີ ການຮ່ວມມື ແລະ ຄຸ້ມຄອງຄວາມຂັດແຍ້ງ, ຊຸກຍູ້ການພົວພັນເສດຖະກິດ ການຄ້າຈີນ-ອາເມລິກາ ໃຫ້ຂະຫຍາຍຕົວ ຢ່າງໝັ້ນທ່ຽງ, ຫວັງວ່າ ຄະນະກຳມະການແຫ່ງຊາດ ກ່ຽວກັບການພົວພັນອາເມລິກາ-ຈີນ ຈະປະກອບສ່ວນໃໝ່ ເຂົ້າໃນການຊຸກຍູ້ ສາຍພົວພັນ ມິດຕະພາບ ແລະ ການຮ່ວມມື ລະຫວ່າງ ສປ ຈີນ-ສ.ອາເມລິກາ.
ຝ່າຍ ສ.ອາເມລິກາ ກ່າວວ່າ: ການຮັກສາ ການພົວພັນ ອາເມລິກາ-ຈີນ ໃຫ້ມີຄວາມໝັ້ນທ່ຽງ ແມ່ນສຳຄັນຫລາຍ ແລະ ຍິນດີເສີມຂະຫຍາຍ ບົດບາດ ແບບຂົວຕໍ່ໃຫ້ດີ ເພື່ອຊຸກຍູ້ ການແລກປ່ຽນ ແລະ ຮ່ວມມືກັນ ລະຫວ່າງ ສ.ອາເມລິກາ- ສປ ຈີນ ໃຫ້ນັບມື້ ກ້າວສູ່ລວງເລິກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
