ບໍລິສັດເບສເທເລຄອມ ມອບອຸປະກອນໄອທີ ໃຫ້ ຫສນຍ

09/02/2024 09:54
Email Print 570
ຂປລ ຂປລ. ໃນວັນທີ 8 ມັງກອນ 2024 ນີ້, ບໍລິສັດ ເບສເທເລຄອມ (Best Telecom) ໄດ້ນຳເອົາຄອມພິວເຕີ (ໂນດບຸກ) ຈຳນວນ 70 ໜ່ວຍ, ລວມມູນຄ່າ 800 ລ້ານກີບ ມາມອບໃຫ້ຫ້ອງວ່າການ ສຳນັກງານນາຍົກລັດຖະມົນຕີ (ຫສນຍ) ຕາງໜ້າມອບໂດຍ ທ່ານ ລິດທິກອນ ພູມມະສັກ ຜູ້ອຳນວຍການໃຫຍ່ ບໍລິສັດ ເບສເທເລຄອມ ແລະ ຮັບໂດຍ ທ່ານ ອາລຸນໄຊ ສູນນະລາດ ລັດຖະມົນຕີ, ຫົວໜ້າ ຫສນຍ ໂດຍມີພາກສ່ວນກ່ຽວຂ້ອງ ສອງຝ່າຍ ເຂົ້າຮ່ວມ ເປັນສັກຂີພິຍານ.



ຂປລ. ໃນວັນທີ 8 ມັງກອນ 2024 ນີ້
,  ບໍລິສັດ ເບສເທເລຄອມ (Best Telecom) ໄດ້ນຳເອົາຄອມພິວເຕີ (ໂນດບຸກ) ຈຳນວນ 70 ໜ່ວຍ, ລວມມູນຄ່າ 800 ລ້ານກີບ ມາມອບໃຫ້ຫ້ອງວ່າການ ສຳນັກງານນາຍົກລັດຖະມົນຕີ (ຫສນຍ) ຕາງໜ້າມອບໂດຍ ທ່ານ ລິດທິກອນ ພູມມະສັກ ຜູ້ອຳນວຍການໃຫຍ່ ບໍລິສັດ ເບສເທເລຄອມ ແລະ ຮັບໂດຍ ທ່ານ ອາລຸນໄຊ ສູນນະລາດ ລັດຖະມົນຕີ, ຫົວໜ້າ ຫສນຍ ໂດຍມີພາກສ່ວນກ່ຽວຂ້ອງ ສອງຝ່າຍ ເຂົ້າຮ່ວມ ເປັນສັກຂີພິຍານ.

ໂອກາດດັ່ງກ່າວ,  ທ່ານ ອາລຸນໄຊ ສູນນະລາດ ໄດ້ຕີລາຄາສູງ ແລະ ສະແດງຄວາມຂອບໃຈ ຕໍ່ບໍລິສັດ Best Telecom ທີ່ເຫັນໄດ້ຄວາມສຳຄັນ ນຳເອົາຄອມພິວເຕີມາມອບໃຫ້ໃນຄັ້ງນີ້, ພ້ອມທັງ ຢືນຢັນວ່າຈະເອົາເອົາອຸປະກອນທີ່ໄດ້ຮັບໃນຄັ້ງນີ້, ໄປໝູນໃຊ້ເຂົ້າໃນ ວຽກງານຕ່າງໆພາຍໃນ ຫສນຍ ໃຫ້ມີການພັດທະນາ, ວ່ອງໄວ ແລະ ຫັນເປັນທັນສະໄໝ ຂຶ້ນກວ່າເກົ່າ. ພ້ອມທັງ ອວຍພອນໃຫ້ ບໍລິສັດ Best Telecom ກໍຄື ທ່ານ ລິດທິກອນ ພູມມະສັກ ພ້ອມດ້ວຍຄະນະ ຈົ່ງປະສົບຜົນສຳເລັດ ໃນການປະຕິບັດໜ້າ ທີ່ວຽກງານ, ດຳເນີນທຸລະກິດໄປຢ່າງໂລ່ງລ່ຽນ, ຖືກຕ້ອງຕາມນະໂຍບາຍຂອງພັກ, ລັດວາງອອກສືບຕໍ່ໃຫ້ການສະໜັບສະໜູນ ຊ່ວຍເຫລືອສັງຄົມ ກໍຄື ໃຫ້ ການຊ່ວຍເຫລືອ ສຳນັກງານ, ອົງການພາກລັດ ແບບນີ້ຕະຫລອດໄປ.

ທ່ານ ລິດທິກອນ ພູມມະສັກ ກໍໄດ້ສະແດງຄວາມພາກພູມໃຈ ທີ່ໄດ້ເປັນສ່ວນໜຶ່ງໃນການປະກອບສ່ວນ ຊຸກຍູ້ຊ່ວຍເຫລືອ ອຸປະກອນໄອທີ ໃຫ້ ຫສນຍ ໃນຄັ້ງນີ້, ແນໃສ່ເຮັດໃຫ້ການຈັດຕັ້ງປະຕິບັດໜ້າທີ່ ວຽກງານຂອງພະນັກງານ-ລັດຖະກອນ ພາຍໃນ ຫສນຍ ມີຄວາມວອງໄວ, ທັນສະໄໝ ຂຶ້ນກວ່າເກົ່າ, ພ້ອມທັງ ສະແດງຄວາມເຊື່ອໝັ້ນວ່າ ພາຍໃຕ້ການນຳພາ-ຊີ້ນຳ ຂອງທ່ານ ອາລຸນໄຊ ສູນນະລາດ ວຽກງານຕ່າງໆ ພາຍໃນ ຫສນຍ ຈະມີຜົນສຳເລັດ ແລະ ພັດທະນາຂຶ້ນເປັນກ້າວໆ.

ຂ່າວ: ທະນູທອງ

ພາບ: ຂັນໄຊ


KPL

ຂ່າວອື່ນໆ

ads
ads

Top