ມະຫາວິທະຍາໄລຊົນເຜົ່າກຸ້ຍໂຈ​ ປະກອບສ່ວນ ສ້າງ​ບຸກຄະລາ​ກອນ​ຮັບ​ໃຊ້ທາງລົດໄຟ ລາວ-ຈີນ ​

22/01/2024 12:59
Email Print 3733
ຂປລ ຂປລ. ມະຫາວິທະຍາໄລຊົນເຜົ່າກຸ້ຍໂຈ​ ເປັນ​ໜຶ່ງ​ໃນ​ມະຫາວິທະຍາໄລ ​ຂອງ ສປ ຈີນ ທີ່ປະ ກອບສ່ວນສ້າງ​ບຸກຄະລາ​ກອນ​ ເພື່ອ​ຮັບ​ໃຊ້ຫລາຍສາຂາອາຊີບໃຫ້ແກ່ນັກສຶກສາ ທັງພາຍໃນ ແລະ ຕ່າງ ປະເທດ ໂດຍສະເພາະ ການສ້າງບຸກຄະລາກອນໄວໜຸ່ມໃນ ສປປ ລາວ ເຂົ້າໃນການຮັບໃຊ້ເສັ້ນທາງລົດ ໄຟ ລາວ-ຈີນ. ໂຄງການກໍ່ສ້າງທາງລົດໄຟລາວ-ຈີນ ແມ່ນໂຄງການຮ່ວມມືທີ່ສຳຄັນ ພາຍໃຕ້ຂໍ້ລິເລີ່ມ "ໜຶ່ງແລວ ໜຶ່ງເສັ້ນທາງ" ຂອງຈີນ, ແມ່ນໝາກຜົນຂອງການປຶກສາຫາລື, ການຮ່ວມມືກໍ່ສ້າງ ແລະ ການຮ່ວມສາຍສຳພັນລະຫວ່າງ ສປປ ລາວ ກັບ ສປ ຈີນ.

ທ້າວ ວິໄຊ ໄຊຍະວົງ (ໂຈ່​ໄຄ) ນັກ​ສຶກສາ ຈາກ ສປປ ລາວ

ຂປລ. ມະຫາວິທະຍາໄລຊົນເຜົ່າກຸ້ຍໂຈ​ ເປັນ​ໜຶ່ງ​ໃນ​ມະຫາວິທະຍາໄລ ​ຂອງ ສປ ຈີນ ທີ່ປະ ກອບສ່ວນສ້າງ​ບຸກຄະລາ​ກອນ​ ເພື່ອ​ຮັບ​ໃຊ້ຫລາຍສາຂາອາຊີບໃຫ້ແກ່ນັກສຶກສາ ທັງພາຍໃນ ແລະ ຕ່າງ ປະເທດ ໂດຍສະເພາະ ການສ້າງບຸກຄະລາກອນໄວໜຸ່ມໃນ ສປປ ລາວ ເຂົ້າໃນການຮັບໃຊ້ເສັ້ນທາງລົດ ໄຟ ລາວ-ຈີນ. ໂຄງການກໍ່ສ້າງທາງລົດໄຟລາວ-ຈີນ ແມ່ນໂຄງການຮ່ວມມືທີ່ສຳຄັນ ພາຍໃຕ້ຂໍ້ລິເລີ່ມ "ໜຶ່ງແລວ ໜຶ່ງເສັ້ນທາງ" ຂອງຈີນ, ແມ່ນໝາກຜົນຂອງການປຶກສາຫາລື, ການຮ່ວມມືກໍ່ສ້າງ ແລະ ການຮ່ວມສາຍສຳພັນລະຫວ່າງ ສປປ ລາວ ກັບ ສປ ຈີນ.

ທ່ານ ພຸດ ສິມມາລາວົງ ລັດຖະມົນຕີ ​ກະຊວງ​ສຶກສາ​ທິການ ​ແລະ ກິລາ​ ສປປ ລາວ ​ໄດ້​ມີ​ຄຳ​ເຫັນ​​ໃນພິທີ​ເປີດ​ປີ​ແລກປ່ຽນ​ການ​ສຶກສາ​ ຈີນ-ອາ​ຊຽນ 2023 ວ່າ: ການ​ພັດທະນາ​ຊັບພະຍາກອນ​ມະ ນຸດ ​ມີ​ບົດບາດ​ສຳຄັນ​ໃນ​ການ​ພັດທະນາ​ປະ​ເທດ​ຊາດ ​ໂດຍ​ສະ​ເພາະ​ແມ່ນ​ການ​ພັດທະນາ​ເສດຖະກິດ-ສັງຄົມ​ຂອງ​ປະ​ເທດ, ສອງປະ​ເທດ​ຕ້ອງ​ຮ່ວມ​ກັນ​ພັດທະນາ​ການ​ສຶກສາ ​ເພື່ອ​ສະໜັບສະໜູນ​ການ​ພັດ ທະນາ​ຊັບພະຍາກອນ​ມະນຸດ ​ແລະ ​ເສດຖະກິດ​ສັງຄົມ​ທັງ​ໝົດ.

ທ້າວ ວິໄຊ ໄຊຍະວົງ (ໂຈ່​ໄຄ) ນັກ​ສຶກສາ ຈາກ ສປປ ລາວ ເປັນ​ໜຶ່ງ​ໃນນັກ​ສຶກສາ​ທີ່​ໄດ້​ມີ​ໂອ າດໄປ​ສຶກສາ​ຢູ່​ທີ່​ມະຫາວິທະຍາໄລຊົນເຜົ່າກຸ້ຍໂຈ​ ທີ່​ໄດ້ເຮັດວຽກກາຍເປັນຜູ້ຊ່ວຍພະນັກງານຂັບລົດໄຟ ຂອງເສັ້ນທາງລົດໄຟ ລາວ-ຈີນ ມາ​ເປັນ​ເວລາ 7 ປີໄດ້ກ່າວວ່າ: ​ໂຄງການ "ໜຶ່ງ​ແລວ​ ​ໜຶ່ງ​ເສັ້ນທາງ" ທີ່​ ສປ ຈີນ ​ແລະ ​ສປປ ລາວ​ ຮ່ວມ​ກັນ​ສ້າງ ທາງ​ລົດ​ໄຟ​ ລາວ-ຈີນ ​ແລ່ນ​ຜ່ານ​ກວ່າ 1.000 ກິ​ໂລ​ແມັດ ​ເຊື່ອມ​ຕໍ່​ນະຄອນຄຸນ​ໝິງ ສປ ຈີນ ​ແລະ ​ນະຄອນຫລວງ​ວຽງ​ຈັນ ສປປ ລາວ ​​ໄດ້​ເຮັດ​ໃຫ້ ສປປ ລາວ ຈາກ​ປະ​ເທດ​ທີ່​ບໍ່​ມີ​ທາງອອກ​ສູ່​ທະ​ເລ ກາຍ​ເປັນ​ປະ​ເທດ ທີ່​ມີ​ການ​ເຊື່ອມ​​ໂຍງ​ກັບ​ພາກ​ພື້ນ. ນອກຈາກ​ນັ້ນ,​ ຍັງ​ໄດ້​ເປີດ​ໂອກາດ​ໃຫ້ ​ໄວ​ໜຸ່ມ​ລາວ ອີກ​ຫລາຍ​ຄົນ​ໄດ້ມີ​​ເຮັດງານ​ທຳ​.

ທ້າວ ໂຈ່​ໄຄ ໄດ້​ເວົ້າ​ວ່າ: ຂ້ອຍ​ໄດ້​ຮຽນ​ຢູ່​ທີ່ ມະຫາວິທະຍາໄລຊົນເຜົ່າກຸ້ຍໂຈ​ ​ແຕ່​ປີ 2014-2016 ສາຂາ ການ​ຄຸ້ມ​ຄອງ​ການ​ຂົນ​ສົ່ງ ​ແລະ ​ເປັນ​ນັກຮຽນ​ເກັ່ງ​ຄົນ​ໜຶ່ງ ທີ່ໄດ້ຮັບ​ການ​ຍອມຮັບ​ຈາກ ມະຫາວິທະຍາ​ໄລ ຂອງ​ ສປ ຈີນ, ພາຍຫລັງ​​ສຳ​ເລັດ​ການ​ສຶກສາກໍໄດ້ກັບ ສປປ ລາວ, ​ໃນ​ເວລາ​ນັ້ນ ​ໂຄງການ​ເສັ້ນທາງລົດໄຟ ລາວ-ຈີນ ຍັງ​ຢູ່​ໃນ​ໄລຍະ​ການ​ກໍ່ສ້າງ ໄດ້ປະກາດ​ຮັບ​ສະໝັກ​ພະນັກງານຈຳນວນຫລາຍ​ ​ແລະ ຕົນ​ເອງ​ໄດ້​ເຂົ້າ​ຮ່ວມ​ສະໝັກ ​ໃນ​​ໂຄງການດັ່ງກ່າວ ​ເຊິ່ງ​ເປັນ​ໂຄງການ ລະຫວ່າງ ​ປະ​ເທດ ​ຂະໜາດ​ໃຫຍ່, ຂ້ອຍ​ຄິດ​ວ່າ​ມັນ ອາດ​ເປັນ​​ຜົນ​ດີ​ຕໍ່​ອະນາຄົດ ​ແລະ ​ການ​ພັດທະນາ​​ຕົນ​ເອງ.

ຄູສອນພາສາຈີນ​ໄດ້ຕັ້ງຊື່ໃຫ້ຂ້ອຍວ່າ ໂຈ່ໄຄ ທີ່ແປວ່າ ຜູ້ມີໄຊຊະນະ ຂ້ອຍມັກຊື່ນີ້ຫລາຍ ເຊິ່ງມີຄວາມໝາຍໃກ້ຄຽງກັບຊື່ພາສາລາວຂອງຂ້ອຍຄື: ວິໄຊ, ຂ້ອຍຮູ້ສຶກພູມໃຈທີ່ໄດ້ນຳເອົາຄວາມຮູ້ທີ່ຮຽນ ມາໝູນໃຊ້ຢູ່ບ້ານເກີດຂອງຂ້ອຍ

ທ້າວ ໂຈ່ໄຄ ​ເປັນ​ໜຶ່ງຜູ້ທີ່ມີພື້ນຖານພາສາຈີນ ແລະ ມີທັກສະດ້ານວິຊາຊີບທີ່ດີ ລາວ​ໄດ້​ຖືກ​ຄັດ​ເລືອກ​ໃຫ້​ເປັນ​ພະນັກງານ​ຢູ່​ໂຄງການກໍ່ສ້າງ​ທາງ​ລົດ​ໄຟ​ ລາວ-ຈີນ, ລາວໄດ້ເຕີບໃຫຍ່ຈາກການ​ເປັນ​ພະ ນັກງານຝຶກຫັດ ຈົນ​ກາຍມາເປັນຜູ້ຊ່ວຍນັກຂັບຫົວຈັກລົດໄຟ.

​ເພື່ອ​ຕອບສະໜອງ​ຕາມຄວາມ​ຕ້ອງການ​ໃນ​ການ​ເປີດ​ ແລະ ​ດຳ​ເນີນ​ງານ​ຂອງ​ທາງ​ລົດ​ໄຟ​ ລາວ-ຈີນ ​ໃນ​ປີ 2019 ມະຫາວິທະຍາ​ໄລ​ກຸ້ຍ​ໂຈ​​ ແລະ ​ບໍລິສັດ​ ທາງ​ລົດ​ໄຟ​ຄຸນ​ໝິງ ​ສຳນັກງານ​ກຸ່ມ​ບໍລິສັດ​ຈຳກັດ ​ໄດ້​ລົງ​ນາມ​ໃນ​ແຜນການ​ຝຶກ​ອົບຮົມ ຜູ້ມີຄວາມສາມາດພິເສດ​ ດ້ານທາງ​ລົດ​ໄຟ​ ລາວ-ຈີນ ​ເພື່ອ​ສ້າງທັກສະພາສາ ກັບຜູ້ຊ່ຽວຊານທາງດ້ານຕ່າງໆ.

ນາງ ພອນພິລາ ນັກສຶກສາລາວ

ໃນເດືອນທັນວາ ປີ 2021, ນາງ ພອນພິລາ ເປັນໜຶ່ງໃນນັກ ສຶກສາຈາກ ມະຫາວິທະຍາໄລຊົນເຜົ່າກຸ້ຍໂຈ​ ທີ່ໄດ້ເຂົ້າມາເຮັດວຽກຢູ່ ເສັ້ນທາງລົດໄຟ ລາວ-ຈີນ D887 ຈາກ ຄຸນໝິງໃຕ້ ສປ ຈີນ ຫາ ນະ ຄອນຫລວງວຽງຈັນ ສປປ ລາວ.

ນາງ ສຸດໃຈ ກໍເປັນນັກສຶກສາລາວ ທີ່ສຳເລັດການສຶກສາຈາກ ມະຫາວິທະຍາໄລຊົນເຜົ່າກຸ້ຍໂຈ ສາຂາບໍລິຫານທຸລະກິດ ທີ່ໄດ້​ເຂົ້າເຮັດວຽກຢູ່ສະຖານີລົດໄຟ ລາວ-ຈີນ ຈາກນັກຝຶກງານ ມາເປັນຜູ້ຊ່ຽວຊານ ໃນການເຮັດວຽກ ທີ່ມີຄວາມສາມາດໃນການສິດສອນ​ວິຊາ​ພາສາ​ຈີນ​ ແລະ ​ດ້ານການລົດ​ໄຟ​ໃຫ້​ແກ່​ພະນັກງານ​ລາວ ​ທີ່​ຮັບ​ສະໝັກເຂົ້າມາເຮັດວຽກໃໝ່ ຢູ່ສະຖານີວຽງຈັນໃຕ້ ​ເຊິ່ງເປັນສະຖານີຂົນ ສົ່ງສິນຄ້າທີ່ໃຫຍ່ທີ່ສຸດ ໃນເສັ້ນທາງລົດໄຟລາວ-ຈີນ.

ບໍລິສັດ ຄຸນໝິງ ທີ່ປຶກສາຂໍ້ມູນຂ່າວສານລ້ານຊ້າງ-ແມ່ນໍ້າຂອງ ເປັນ​ບໍ​ລິ​ສັດ​ທີ່​ປຶກ​ສາ​ຂໍ້​ມູນ​ຂ່າວ​ສານ​ຕັ້ງ​ຢູ່​ໃນ​ນະ​ຄອນ​ຄຸນ​ມິ​ງ​, ແຂວງ​ຢຸນ​ນານ​ ກໍ​ເປັນ​ໜຶ່ງ​ໃນ​ບໍລິສັດ ທີ່​ໄດ້​ປະກອບສ່ວນ​ເຂົ້າ​ໃນ​ການ​ຊຸກຍູ້​ສົ່ງ​ເສີມ​ການ​ໂຄສະນາ​ຂໍ້​ມູນ​ຂ່າວສານ​ກ່ຽວ​ກັບ​ໂຄງການ​ລົດ​ໄຟ​ລາວ-ຈີນ ​ເຊິ່ງ​ເປັນ ໝາກຜົນ​ໃນ​ການ​ປະຕິບັດ​ຂໍ​ລິ​ເລີ່​ມ ໜຶ່ງ​ແລວ ໜຶ່ງ​ເສັ້ນທາງ ຂອງ ສປ ຈີນ.

KPL

ຂ່າວອື່ນໆ

    • ເລີ່ມຈັດຕັ້ງປະຕິ ບົດຮຽນຝຶກເວົ້າພາສາລາວ ທົ່ວປະເທດ ໃນສົກຮຽນ 2024-2025ສຶກສາ-ກິລາ

      ເລີ່ມຈັດຕັ້ງປະຕິ ບົດຮຽນຝຶກເວົ້າພາສາລາວ ທົ່ວປະເທດ ໃນສົກຮຽນ 2024-2025

      7/12/2024 10:41:02 PM

      ຂປລ. ກະຊວງສຶກສາທິການ ແລະ ກິລາ (ສສກ) ຮ່ວມກັບລັດຖະບານ ອົດສະຕຣາລີ ໂດຍຜ່ານແຜນງານ ປັບປຸງຄຸນນະພາບ ແລະ ຂະຫຍາຍໂອກາດເຂົ້າເຖິງ ການສຶກສາຂັ້ນພື້ນຖານ ໃນ ສປປ ລາວ (ແຜນງານບິຄວາ) ຈັດກອງປະຊຸມສະຫລຸບ ກ່ຽວກັບການທົດລອງ ສື່ການຮຽນ-ການສອນ ຝຶກເວົ້າພາສາລາວ ໃຫ້ນັກຮຽນ ຂັ້ນ ປ1 ເວົ້າພາສາອື່ນ ທີ່ບໍ່ແມ່ນພາສາລາວ ເປັນຫລັກໃນຄອບຄົວ ໃນວັນທີ 11 ກໍລະກົດ 2024 ທີ່ນະຄອນຫລວງວຽງຈັນ

    • ປະທານປະເທດຫວຽດນາມ ຢ້ຽມຢາມ  ໂຮງຮຽນສອງພາສາ ລາວ-ຫວຽດນາມ ຫວງຽນຢູສຶກສາ-ກິລາ

      ປະທານປະເທດຫວຽດນາມ ຢ້ຽມຢາມ ໂຮງຮຽນສອງພາສາ ລາວ-ຫວຽດນາມ ຫວງຽນຢູ

      7/12/2024 10:15:11 PM

      ຂປລ. ໃນໂອກາດການຢ້ຽມຢາມທາງລັດຖະກິດທີ່ ສປປ ລາວ, ວັນທີ 12 ກໍລະກົດ 2024 ນີ້, ສະຫາຍ ໂຕ ເລິມ ປະທານປະເທດແຫ່ງ ສສ ຫວຽດນາມ ພ້ອມດ້ວຍຄະນະ ໄດ້ໄປຢ້ຽມຢາມ ໂຮງຮຽນສອງພາສາ ລາວ-ຫວຽດນາມ ຫວງຽນຢູ ໂດຍການຕ້ອນຮັບຂອງ ທ່ານ ນາງ ສີວັນເຮືອງ ເພັງຄໍາໄມ ຜູ້ອໍານວຍການ ໂຮງຮຽນສອງພາສາ ລາວ-ຫວຽດນາມ ຫວງຽນຢູ.

    • ລັດຖະບານເຢຍລະມັນ ສະໜັບສະໜູນ ວຽກງານສົ່ງເສີມອາຫານທ່ຽງໃນໂຮງຮຽນສຶກສາ-ກິລາ

      ລັດຖະບານເຢຍລະມັນ ສະໜັບສະໜູນ ວຽກງານສົ່ງເສີມອາຫານທ່ຽງໃນໂຮງຮຽນ

      7/2/2024 4:40:41 PM

      ຂປລ. ພິທີເຊັນບົດບັນທຶກການຮ່ວມມື ລະຫວ່າງ ກະຊວງສຶກສາທິການ ແລະ ກິລາ ແລະ ລັດ ຖະບານເຢຍລະມັນ ຈັດ​ຂຶ້ນ​ໃນວັນທີ 2 ກໍລະກົດ 2024 ທີ່ນະຄອນຫລວງວຽງຈັນ ແນໃສ່ສະໜັບສະໜູນເຄືອຂ່າຍ ຄວາມປອດໄພທາງສັງຄົມ ກໍຄື ວຽກງານສົ່ງເສີມ ອາຫານທ່ຽງໃນໂຮງຮຽນ, ລວມທັງ ການສົ່ງເສີມການຜະລິດກະສິກຳທ້ອງຖິ່ນ ເພື່ອສະໜອງສະບຽງອາຫານ ໃຫ້ໂຮງຮຽນຢ່າງຕໍ່ເນື່ອງ ແນໃສ່ຫລຸດຜ່ອນຄວາມທຸກຍາກໃນເຂດຊົນນະບົດ

    • ແຂ່ງຂັນກິລາແລ່ນຮາຟມາຣາທອນ ຄັ້ງທີ  IV  ສະຫລອງວັນຕ້ານຢາເສບຕິດສາກົນສຶກສາ-ກິລາ

      ແຂ່ງຂັນກິລາແລ່ນຮາຟມາຣາທອນ ຄັ້ງທີ IV ສະຫລອງວັນຕ້ານຢາເສບຕິດສາກົນ

      6/26/2024 4:20:02 PM

      ຂປລ. ເນື່ອງໃນໂອກາດສະເຫລີມສະຫລອງວັນຕ້ານຢາເສບຕິດສາກົນ ຄົບຮອບ 37 ປີ (26 ມິຖຸນາ 1987 ຫາ 26 ມິຖຸນາ 2024) ອົງການ ປົກຄອງແຂວງບໍ່ແກ້ວ ຮ່ວມກັບເຂດເສດຖະກິດພິເສດສາມຫລ່ຽມຄໍາ ຈັດການແຂ່ງຂັນແລ່ນຮາຟມາຣາທອນ ຂຶ້ນໃນວັນທີ 26 ມິຖຸນາ 2024 ທີ່ເຂດເສດຖະ ກິດພິເສດສາມຫລ່ຽມຄໍາ ເມືອງຕົ້ນເຜິ້ງ, ແຂວງບໍ່ແກ້ວ.

    • ບີຄວາ ສືບຕໍ່ສະໜັບສະໜູນການຜະລິດວິດີໂອ ສົ່ງເສີມຄວາມສະເໝີພາບລະຫວ່າງຍິງ-ຊາຍ ສໍາລັບຄູສຶກສາ-ກິລາ

      ບີຄວາ ສືບຕໍ່ສະໜັບສະໜູນການຜະລິດວິດີໂອ ສົ່ງເສີມຄວາມສະເໝີພາບລະຫວ່າງຍິງ-ຊາຍ ສໍາລັບຄູ

      6/21/2024 10:52:41 AM

      ຂປລ. ກະຊວງສຶກສາທິການ ແລະ ກິລາ (ສສກ) ຮ່ວມກັບ ລັດຖະບານອົດສະຕຣາລີ ໂດຍຜ່ານແຜນງານປັບປຸງຄຸນນະພາບ ແລະ ຂະຫຍາຍໂອກາດເຂົ້າເຖິງ ການສຶກສາຂັ້ນພື້ນຖານ ໃນ ສປປ ລາວ (ແຜນງານບີຄວາ) ແລະ ສະຖາບັນຄົ້ນຄວ້າວິທະຍາສາດການສຶກສາ (ສວສ) ຈັດຝຶກອົບຮົມ “ການຂຽນບົດເລື່ອງຂອງວິດີໂອ ສົ່ງເສິມບົດບາດຍິງ-ຊາຍ” ລະຫວ່າງວັນທີ 18-21 ມິຖຸນາ 2024

ads
ads

Top