ຂປລ
*ຫັດຖະກໍາ ຕໍ່າແຜ່ນ ແມ່ນ ມໍລະດົກທາງພູມປັນຍາ ຂອງ ເອື້ອຍນ້ອງແມ່ຍິງລາວ ທີ່ມີມູນເຊື້ອອັນດີງາມມາແຕ່ຮຸ້ນປູ່ຍ່າຕາຍາຍ ທີ່ມອບໃຫ້ລູກຫລານ ເພື່ອສືບທອດປະເພນີ້ອັນດີງາມແບບນີ້ໃຫ້ຄຽງຄູ່ກັບແມ່ຍິງລາວ
ຫັດຖະກໍາ ຕໍ່າແຜ່ນ ແມ່ນ ມໍລະດົກທາງພູມປັນຍາ ຂອງ ເອື້ອຍນ້ອງແມ່ຍິງລາວ ທີ່ມີມູນເຊື້ອອັນດີງາມມາແຕ່ຮຸ້ນປູ່ຍ່າຕາຍາຍ ທີ່ມອບໃຫ້ລູກຫລານ ເພື່ອສືບທອດປະເພນີ້ອັນດີງາມແບບນີ້ໃຫ້ຄຽງຄູ່ກັບແມ່ຍິງລາວ ຈົນມາ ຮອດປັດຈຸບັນ ປະເທດຊາດບ້ານເມືອງ ມີການພັດທະນາມໍລະດົກທາງພູມປັນຍາ ກັບມີຄຸນທີ່ກິນບໍ່ບົກ ຈົກບໍ່ແຫ້ງພຽງແຕ່ຄວາມດຸໝັ່ນ ມີແນວຄິດສ້າງສັນ ກໍສາມາດສ້າງລາຍຮັບໃຫ້ຄອບຄົວໄດ້ ເໝືອນ ນາງ ທອງວັນ ປະຊາຊົນ ຈາກບ້ານ ນາຍາງໃຕ້ ເມືອງ ນໍ້າບາກ ແຂວງຫລວງພະບາງ.
ນາງ ທອງວັນ ເວົ້າໃຫ້ຟັງວ່າ: ການເຂົ້າຮ່ວມ ງານ ມະຫາກໍາສີມື ຫັດຖະກໍາລາວ 2023 ໃນຄັ້ງນີ້ ເຫັນວ່າ ບັນຍາກາດ ການຊື້, ການຂາຍ ແມ່ນຝຶດເຄື່ອງກວ່າເມື່ອກ່ອນຫລາຍ , ມີແຕ່ລູກຄ້າເກົ່າ ທີ່ເຄີຍຊື້,ເຄີຍຂາຍນໍາມາ ສ່ວນລູກຄ້າໃໝ່ກໍມີຢູ່ແຕ່ກໍບໍ່ຫລາຍ ຄິດວ່າເກີດຈາກສະພາບເສດຖະກິດຂອງປະເທດ ຈຶ່ງເຮັດໃຫ້ປະຊາຊົນ ມີກໍາຊື້ໜ້ອຍລົງ ຖ້າທຽບໃສ່ກ່ອນໂຄວິດ ແມ່ນຕ່າງກັນຫລາຍ. ແນວໃດກໍ່ດີ ເຖິງວ່າການຄ້າຂາຍ ຈະບໍ່ໄດ້ດັ່ງເປົ້າໝາຍ ກໍ່ພະຍາຍາມບຸກບຶນ ເພື່ອເຮັດໃຫ້ອາຊີບນີ້ ເປັນມໍລະດົກຕົກທອດຮອດລູກຫລາຍ , ເພາະການຕໍ່າຫູກທໍໄໝ ແມ່ນວັດທະນະທໍາທີ່ສວຍງາມຂອງ ທີ່ບົ່ງບອກເຖິງຄວາມ ອົດທົນພະຍາຍາມ , ຄວາມດຸໝັ້ນຂະຫຍັນພຽນ ຂອງເອື້ອຍນ້ອງແມ່ຍິງລາວ ແຕ່ອະດີດຈົນເຖິງ ປັດຈຸບັນ ເຊິ່ງຈຸດນີ້ ມັນໄດ້ກາຍເປັນຈຸດເລີ່ມຕົ້ນໃນອາຊີບ ການຂາຍ ຜະລິດຕະພັນຫັດຖະກໍາຂອງໃຜຫລາຍໆ ລວມທັງຂ້າພະເຈົ້າເອງ ຍ້ອນການຕໍ່າທູກທໍໄໝ ແມ່ນຄວາມຊິນເຄີຍເຄີຍເຮັດມາແຕ່ຍັງນ້ອຍ ແຕ່ ອາຍຸ 15 ປີ ເຊິ່ງຕອນນັ້ນເຮັດ ເພື່ອຊົມໃຊ້ ພາຍໃນຄອບຄົວ ແຕ່ມາປັດຈຸບັນ ປະເທດຊາດມີຄວາມຈະເລີນ ກ້າວໜ້າທຸກຢ່າງກໍ່ຫັນປ່ຽນໄປເປັນທຸລະກິດ ເພື່ອສ້າງລາຍຮັບດັ່ງນັ້ນ ຈຶ່ງເລີ່ມຜະລິດແພຝ້າຍທໍາມະຊາດ ຂາຍເປັນສິນຄ້າ ໂດຍຜະລິດຕະພັນ ທີ່ຜະລິດ ກໍມີ: ແພເສື້ອ, ປູໂຕະ, ບ່ຽງ, ເສື້ອປັກແສ່ວ ແລະ ອື່ນໆ ຕາມລູກຄ້າສັ່ງ. ສໍາລັບ ການຜະລິດນັ້ນ ມີທັງຜະລິດເອງ ແລະ ໃຫ້ປະຊາຊົນຜະລິດໃຫ້ແລ້ວໄປຮັບຊື້ຄືນ ໂດຍລາຄາກໍຂຶ້ນຢູ່ກັບລວດລາຍ , ຮູບແບບຂອງການຜະລິດນັ້ນເອງ ເຊິ່ງລາຍທີ່ມີຄວາມໂດດເດັ່ນ ທີ່ເປັນເອກະລັກຂອງຊົນເຜົ່າແລນແຕນຂອງພວກເຮົາແມ່ນ ການປັກແສ່ວລາຍນາກ ໂດຍລາຍນີ້ ແມ່ນໄດ້ຮັບຄວາມນິຍົມຈາກລູກຄ້າ ທັງພາຍໃນ ແລະ ຕ່າງປະເທດ ທີ່ມາສັ່ງຈອງ ໂດຍລາຄາເລີ່ມຕົ້ນ ແມ່ນ 35 ພັນຂຶ້ນໄປ.
ນາງ ທອງວັນ ເວົ້າຕື່ມວ່າ: ຕົນເອງຮູ້ສຶກດີໃຈຫລາຍ ທີ່ປັດຈຸບັນ ໄວໜຸ່ມ ກໍຫັນມາເຮັດອາຊີບ ການຄ້າ-ຂາຍ ແພຝ້າຍ ແລະ ເຄື່ອງໄໝຂຶ້ນເພາະຈະເຮັດໃຫ້ ອາຊີບນີ້ ມີຄວາມຍືນຍົງຄຽງຄູ່ກັບແມ່ຍິງລາວຕະຫລອດໄປ.
ໂດຍ: ມາລີດ
KPL
