ປະເທດ ເມັກຊິກ

29/11/2023 11:15

Email Print 1037

ຂປລ ປະເທດ ສະຫະລັດ ເມັກຊິກ (United Mexican States) ມີນະຄອນຫລວງ ຊື່ວ່າ ເມັກຊີໂກ, ເປັນປະເທດໜຶ່ງ ໃນທະວີບອາເມລິກາເໜືອ ມີຊາຍແດນທິດເໜືອ ຕິດກັບ ສະຫະລັດອາເມລິກາ, ທິດໃຕ້ແລະທິດຕາເວັນຕົກ ຕິດກັບ ມະ ຫາສະໝຸດປາຊີຟິກ, ທິດຕາເວັນອອກສຽງໃຕ້ ຕິດກັບ ກົວເຕມາລາ, ເບລິດ ແລະ ທະເລກາຣາອິບ, ສ່ວນຕາເວັນອອກຕິດກັບອ່າວເມັກຊິກ, ມີເນື້ອທ່ີເຖິງ 2 ລ້ານກິໂລຕາແມັດ

ປະເທດ ສະຫະລັດ ເມັກຊິກ (United Mexican States) ມີນະຄອນຫລວງ ຊື່ວ່າ ເມັກຊີໂກ, ເປັນປະເທດໜຶ່ງ ໃນທະວີບອາເມລິກາເໜືອ ມີຊາຍແດນທິດເໜືອ ຕິດກັບ ສະຫະລັດອາເມລິກາ, ທິດໃຕ້ແລະທິດຕາເວັນຕົກ ຕິດກັບ ມະ ຫາສະໝຸດປາຊີຟິກ, ທິດຕາເວັນອອກສຽງໃຕ້ ຕິດກັບ ກົວເຕມາລາ, ເບລິດ ແລະ ທະເລກາຣາອິບ, ສ່ວນຕາເວັນອອກຕິດກັບອ່າວເມັກຊິກ, ມີເນື້ອທ່ີເຖິງ 2 ລ້ານກິໂລຕາແມັດ, ຈັດເປັນ ອັນດັບ 5 ໃນທະວີບ ອາເມລິກາ ແລະ ອັນດັບ 15 ຂອງໂລກ, ກວມເອົາປະຊາກອນຫລາຍທ່ີສຸດເຖິງ 128,9 ລ້ານຄົນ (ປີ 2022). ປະຊາຊົນສ່ວນໃຫຍ່ນັບຖືສາສະໜາ ຄຣິສນິກາຍ ໂຣມັນຄາທໍລິກ 82,7% ແລະ ສາສະໜາອຶ່ນໆ; ພາສາທາງການແອັດສະປາຍ; ໃຊ້ສະກຸນເງິນ ເມັກຊິກັນເປໂຊ(MXN) ແລະ ໄດ້ສ້າງຕັ້ງສາຍພົວພັນ ທາງການທູດ ຮ່ວມກັບປະເທດ ສປປລາວ ນັບແຕ່ວັນທີ 29.11.1976 ເປັນຕົ້ນມາ. ສ່ວນວັນຊາດແມ່ນ ວັນທີ 16.9.1810.

ເສດຖະກິດ ຂອງປະເທດ ເມັກຊິກ ມີລັກສະນະປະສົມປະສານ ລະຫວ່າງ ອຸດສາຫະກຳທັນສະໄໝ ແລະ ເສດຖະ ກິດແບບດັ້ງເດີມ. ປັດຈຸບັນ, ລັດຖະບານ ໄດ້ສົ່ງເສີມພາກເອກະຊົນ ໃຫ້ມີບົດບາດສຳຄັນ ໃນການພັດທະນາເສດຖະກິດ ຂົງເຂດຕ່າງໆຄື: ການຂົນສົ່ງສິນຄ້າທາງທະເລ(Seaports), ທາງລົດໄຟ, ໂທລະຄົມມະນາຄົມ, ການຂົນສົ່ງແກັສທຳມະຊາດແລະອື່ນໆ. ເມັກຊິກ ໄດ້ປະກາດແຜນຟື້ນຟູ ເສດຖະກິດຂອງປະເທດ ຫລັງການແພ່ລະບາດ ຂອງພະຍາດໂຄວິດ-19, ມາດຕະການທີ່ສຳຄັນໄດ້ແກ່: ການຈ້າງງານ ແລະ ດຳເນີນທຸລະກິດ, ອຳນວຍຄວາມສະດວກ ດ້ານການລົງ ທຶນ, ການສົ່ງເສີມການຄ້າ ລະຫວ່າງປະເທດ ແລະ ກິດຈະກຳເສດຖະກິດໃນພາກພື້ນ. ໂດຍເຮັດໃຫ້ ລວມຍອດຜະລິດຕະພັນພາຍໃນປະເທດ(GDP)ບັນລຸ 1,076 ພັນຕື້ໂດລາສະຫະລັດ(ໃນປີ 2020), ສະເລ່ຍຕໍ່ຫົວຄົນ 8.3476 ກວ່າໂດລາສະຫະລັດຕໍ່ປີ, ອັດຕາການຈະເລີນເຕີບໂຕ 6,2% ຕໍ່ປີ. ມູນຄ່າການສົ່ງອອກສິນຄ້າເຊັ່ນ: ອຸດສາຫະກຳ, ເຄື່ອງໃຊ້ໄຟຟ້າ, ນ້ຳມັນ, ຜະລິດຕະພັນນ້ຳມັນ, ກາເຟ ບັນລຸເຖິງ 417.670 ລ້ານໂດລາ ສະຫະລັດຕໍ່ປີ ໂດຍສະເພາະສົ່ງໄປສ.ອາເມລິກາ, ການາດາ, ເຢຍລະມັນ ແລະ ຈີນ. ສ່ວນມູນຄ່າການນຳເຂົ້າສິນຄ້າ ເປັນຕົ້ນ: ເຄື່ອງກົນຈັກ ກະສິກຳ, ອຸປະກອນໄຟຟ້າ ແລະ ອື່ນໆ ລວມມີ 383.194 ລ້ານໂດລາ ສະຫະລັດຕໍ່ປີ. ສ່ວນປະເທດ ຄູ່ການຄ້າທີ່ນໍາເຂົ້າແມ່ນສ.ອາເມລິກາ, ຈີນ, ຍີ່ປຸ່ນ ເຢຍລະມັນ, ສ.ເກົາຫລີ, ການນາດາ ຕາມລຳດັບ. ນອກຈາກນີ້ ຍັງມີສະຖານທີ່ທ່ອງທ່ຽວອັນສວຍງາມ ຫລາຍແຫ່ງ ເຊັ່ນ: ໂຊກາໂລ ສະໜາມຫລວງກາງເມືອງ ເມັກຊິກ, ໂຮງລະຄອນ, ອະນຸສາວະລີ ແລະ ສະຖານທ່ີອື່ນໆອີກດ້ວຍ./.

ໂດຍ: ດາວັນ

KPL

ອາຊຽນ ASEAN
ປະເທດ ເປຣູ
4/28/2025 2:01:56 PM
ປະເທດເປຣູ (Peru) ທີ່ມີຊື່ທາງການຄື ສາທາລະນະລັດ ເປຣູ(Republic Of Peru), ມີນະຄອນຫລວງຊື່ວ່າ ລີມາ(Lima), ຕັ້ງຢູ່ທາງຕາເວັນຕົກຂອງທະວີບ ອາເມລິກາໃຕ້ ມີຊາຍແດນທິດເໜືອຕິດກັບ ເອກວາດໍ ແລະ ໂກໂລມບີ , ທິດຕາເວັນອອກຕິດກັບ ບຣາຊິນ ແລະ ໂບລີວີ, ທິດໃຕ້ຕິດກັບ ຊີເລ ແລະ ທິດຕາເວັນຕົກຕິດກັບ ມະຫາສະໝຸດປາຊີຟິກ. ມີເນື້ອທີ່ທັງໝົດ1.285.000 ກິໂລຕາແມັດ, ກວມເອົາປະຊາກອນ 33,85 ລ້ານຄົນ(ໃນປີ 2023)
ອາຊຽນ ASEAN
ຄະນະຜູ້ແທນລາວ ເຂົ້າຮ່ວມກອງປະຊຸມສະພາ ປະຊາຄົມວັດທະນະທຳ-ສັງຄົມອາຊຽນ ຄັ້ງທີ 33
4/28/2025 9:27:05 AM
ຂປລ. ໃນລະຫວ່າງວັນທີ 22-26 ເມສາ 2025 ທີ່ເມືອງກຸຈິງ ແຂວງສາລະວັກ ປະເທດມາເລເຊຍ, ທ່ານ ວັນສີ ກົວມົວ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ແຫ່ງ ສປປ ລາວ ໄດ້ນໍາພາຄະນະຜູ້ແທນ ເຂົ້າຮ່ວມກອງປະຊຸມສະພາປະຊາຄົມ ວັດທະນະທຳ-ສັງຄົມອາຊຽນ ຄັ້ງທີ 33
ອາຊຽນ ASEAN
ປະເທດ ສປຈີນ
4/25/2025 11:59:37 AM
ປະເທດຈີນ(China) ມີຊື່ຢ່າງເປັນທາງການວ່າ: ສາທາລະນະລັດ ປະຊາຊົນຈີນ(People’s Republic of China), ມີນະຄອນ ຫລວງ ຊື່ວ່າ: ປັກກິ່ງ, ຈີນ ເປັນລັດເອກະລາດ ໃນອາຊີຕາເວັນອອກ, ຕັ້ງຢູ່ລະຫວ່າງ ສປປ ເກົາຫລີ ກັບ ຫວຽດນາມ ຕິດກັບທະເລຈີນໃຕ້, ອ່າວເກົາຫລີ, ທະເລເຫລືອງ ແລະ ທະເລຈີນຕາເວັນອອກ; ເປັນປະເທດທີ່ມີ ປະຊາກອນ ຫລາຍທີ່ ສຸດໃນໂລກ 1,411 ຕື້ກວ່າຄົນ(ໃນປີ 2023)
ອາຊຽນ ASEAN
ນະໂຍບາຍພາສີຂອງສ.ອາເມລິກາ ສ້າງຜົນກະທົບຕໍ່ການຄ້າໃນພາກພື້ນ-ສາກົນ
4/10/2025 4:34:33 PM
ອາຊຽນ ໄດ້ຈັດກອງປະຊຸມ ລັດຖະມົນຕີ ເສດຖະກິດ ອາຊຽນ ຜ່ານທາງວິດີໂອ, ເພື່ອປຶກສາ ຫາລືວ່າ ຈະເຮັດແນວໃດ ເພື່ອຮັບມືກັບ ນະໂຍບາຍ ພາສີ ຫລ້າສຸດ ຂອງ ສ.ອາເມລິກາ ແລະ ໄດ້ອອກຖະແຫລງການຮ່ວມ ຫລັງກອງປະຊຸມ.
ອາຊຽນ ASEAN
ສປປ ລາວ ຮ່ວມສະເຫລີມສະຫລອງ ວັນສັງຄົມສົງເຄາະອາຊຽນ
3/27/2025 5:01:34 PM
ຂປລ. ສປປ ລາວ ໄດ້ຮ່ວມກັບບັນດາປະເທດສະມາຊິກອາຊຽນ ສະເຫລີມສະຫລອງວັນສັງຄົມສົງເຄາະອາຊຽນ (15 ມີນາ) ເພື່ອຍົກສູງບົດບາດອັນສໍາຄັນ ຂອງນັກສັງຄົມສົງເຄາະ ແລະ ບຸກຄະລາກອນສັງຄົມສົງເຄາະ ໃນການຫລຸດຜ່ອນຄວາມສ່ຽງ ຈາກໄພພິບັດ ແລະ ການສ້າງຄວາມທົນທານຕໍ່ ການປ່ຽນແປງສະພາບ ດິນຟ້າອາກາດ ໃນວັນທີ 25 ມີນາ 2025 ທີ່ນະຄອນຫລວງວຽງຈັນ ໂດຍມີພະນັກງານຈາກພາກລັດ, ສະຖາບັນການສຶກສາ, ຄູ່ຮ່ວມພັດທະນາ ແລະ ນັກສຶກສາທີ່ໜຸ່ມນ້ອຍ ຈາກພາກວິຊາສັງຄົມສົງເຄາະ ແລະ ການພັດທະນາ ຄະນະວິທະຍາສາດສັງຄົມ ເຂົ້າຮ່ວມ.