ຂປລ
*ຍັງອີກບໍ່ພໍເທົ່າໃດມື້ ທົ່ວປວງຊົນລາວທັງຊາດກໍຈະໄດ້ພ້ອມກັນສະເຫລີມສະຫລອງວັນຊາດທີ 2 ທັນວາຄົບຮອບ 48 ປີ ໃຫ້ມີບັນຍາກາດຟົດຟື້ນ, ເຊິ່ງມັນຮຽກຮ້ອງໃຫ້ທົ່ວປວງຊົນທັງຊາດ ຈົ່ງພ້ອມກັນເປັນເຈົ້າການແຂ່ງຂັນ ສ້າງຜົນ ງານຕ້ອນຮັບວັນສຳຄັນດັ່ງກ່າວ ໃຫ້ມີ ຄວາມໝາຍສຳຄັນເລິກເຊິ່ງ ໂດຍສະເພາະແມ່ນການພ້ອມ ກັນຈັດຕັ້ງປະ ຕິບັດ 6 ສ ຕາມທີ່ຂັ້ນເທິງວາງອອກຢ່າງເຂັ້ມງວດ. ຢ່າງໃດກໍ່ດີ ເພື່ອເຮັດໃຫ້ການສະເຫລີມສະຫລອງ ວັນຊາດທີ 2 ທັນວາ ໃຫ້ມີບັນຍາກາດຟົດຟື້ນນັ້ນ.
*ຍັງອີກບໍ່ພໍເທົ່າໃດມື້ ທົ່ວປວງຊົນລາວທັງຊາດກໍຈະໄດ້ພ້ອມກັນສະເຫລີມສະຫລອງວັນຊາດທີ 2 ທັນວາຄົບຮອບ 48 ປີ ໃຫ້ມີບັນຍາກາດຟົດຟື້ນ, ເຊິ່ງມັນຮຽກຮ້ອງໃຫ້ທົ່ວປວງຊົນທັງຊາດ ຈົ່ງພ້ອມກັນເປັນເຈົ້າການແຂ່ງຂັນ ສ້າງຜົນງານຕ້ອນຮັບວັນສຳຄັນດັ່ງກ່າວ ໃຫ້ມີ ຄວາມໝາຍສຳຄັນເລິກເຊິ່ງ ໂດຍສະເພາະແມ່ນການພ້ອມກັນຈັດຕັ້ງປະຕິບັດ 6 ສ ຕາມທີ່ຂັ້ນເທິງວາງອອກຢ່າງເຂັ້ມງວດ. ຢ່າງໃດກໍ່ດີ ເພື່ອເຮັດໃຫ້ການສະເຫລີມສະຫລອງ ວັນຊາດທີ 2 ທັນວາ ໃຫ້ມີບັນຍາກາດຟົດຟື້ນນັ້ນ. ດັ່ງນັ້ນ, ມື້ໜັງສືພິມປະເທດລາວຂໍ ນຳສະເໜີ ບາງເນື້ອໃນສຳຄັນ ຂອງບາງກອງປະຊຸມໃຫຍ່ຂອງພັກ ໃນໄລຍະຜ່ານມາໃຫ້ທ່ານຜູ້ອ່ານໄດ້ຮັບຮູ້ ເພື່ອເປັນການປຸກລະດົມແນວຄິດຮັກຊາດ ໃຫ້ແກ່ພວກເຮຕະຫລອດໄລຍະ 48 ປີ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ, ພັກເຮົາ ໄດ້ຖືສຳຄັນໃນການ ປຸກລະດົມແນວຄິດຮັກຊາດ ແລະ ຄວາມສາມັກຄີເປັນປຶກແຜ່ນ ເປັນບັນຫາສໍາຄັນຕັດສິນໄຊຊະນະ ຂອງການປະຕິວັດ. ພົ້ນເດັ່ນຢູ່ໃນກອງປະຊຸມໃຫຍ່ ຄັ້ງທີ VII ຂອງພັກ ໄດ້ໃຫ້ທັດສະນະວ່າ: ການເພີ່ມທະວີຄວາມສາມັກຄີ ທົ່ວປວງຊົນເປັນໜ້າທີ່ຍຸດທະສາດພື້ນຖານ ຍາວນານຂອງປະເທດເຮົາ, ກ່ອນອື່ນໝົດຕ້ອງສຶກສາອົບຮົມນໍ້າໃຈຮັກຊາດ ເອກະພາບ, ນໍ້າໃຈສາມັກຄີຮັກຫອມຕອມຕຸ້ມກັນ ໃນປວງຊົນລາວ ເໝືອນດັ່ງອ້າຍເອື້ອຍນ້ອງ ຮ່ວມອຸທອນໃນຄອບຄົວດຽວກັນ. ຂະນະທີ່ຢູ່ໃນກອງປະຊຸມໃຫຍ່ຄັ້ງທີ X ຂອງພັກ ກໍໄດ້ມີທັດສະ ນະວ່າ: ການເພີ່ມທະວີຄວາມສາມັກຄີ ເປັນປຶກແຜ່ນແໜ້ນໜາຂອງທົ່ວປວງຊົນລາວ ພາຍໃຕ້ການນໍາພາຂອງພັກ ເປັນກໍາລັງແຮງຊະນະເລີດ ແລະ ເປັນປັດໄຈພື້ນຖານໃຫ້ແກ່ການສ້າງ ແລະ ຮັກສາສະຖຽນລະພາບທາງການເມືອງ ແລະ ຄວາມສະຫງົບທາງສັງຄົມ, ຮັບປະ ກັນ ໃຫ້ແກ່ການປົກປັກຮັກສາໝາກຜົນຂອງການປະຕິວັດ ແລະ ຜືນແຜ່ນດິນອັນຄົບຖ້ວມ ຂອງປະເທດຊາດໃຫ້ໝັ້ນຄົງ ກໍຄືການສ້າງສາພັດທະນາປະເທດຊາດ ໃຫ້ບັນລຸຕາມຈຸດໝາຍທີ່ກໍານົດໄວ້.
ພ້ອມກັນນີ້, ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດໄດ້ມີຄໍາເຫັນໂອ້ລົມຕໍ່ກອງປະຊຸມໃຫຍ່ ຄັ້ງທີ XI ຂອງຜູ້ແທນແນວລາວສ້າງຊາດ ທົ່ວປະເທດວ່າ: ການສ້າງຄວາມສາມັກຄີປອງດອງ ແມ່ນໝາກຫົວໃຈສໍາຄັນເພື່ອຕ້ານ ແລະ ສະກັດກັ້ນຄວາມແຕກ ແຍກໃນສັງຄົມ ເພາະວ່າຄວາມແຕກແຍກໃນສັງຄົມ ມັນເປັນໄພອັນຕະລາຍຕໍ່ສະຖຽນລະພາບ ຂອງປະເທດຊາດ, ຕໍ່ສິດຜົນປະໂຫຍດອັນຊອບທໍາຂອງປະຊາຊົນ. ຈິດໃຈຮັກລະບອບປະຊາທິປະໄຕ ປະຊາຊົນ, ຮັກມູນເຊື້ອຂອງຊາດ, ຮັກວັດທະນະທໍາ-ຮີດ ຄອງປະເພນີອັນ ດີງາມຂອງຊາດ, ຮັກບັນພະບູລຸດ ແລະ ການນໍາທີ່ດີເດັ່ນຂອງປະເທດຊາດ, ມີອຸດົມການທີ່ຖືກຕ້ອງ, ມີສະຕິຊາດ, ເປັນເຈົ້າຕົນເອງ, ເພິ່ງຕົນເອງ, ກຸ້ມຕົນເອງ, ມີຄວາມດຸໝັ່ນ, ຄວາມອົດທົນ ແລະ ມີສະຕິເຄົາລົບລະບຽບ-ກົດໝາຍ, ຄວາມສາມັກຄີເປັນປຶກແຜ່ນສະແດງ ອອກໃນການຜູກພັນ, ການພົວພັນ, ການຮັກແພງຊ່ວຍເຫລືອຊຶ່ງກັນ ແລະ ກັນໃນການພັດທະນາເສດຖະກິດ-ສັງຄົມ, ມີຄວາມໄວ້ເນື້ອເຊື່ອໃຈ, ເຄົາລົບນັບຖືໃຫ້ກຽດກັນ ແລະ ຈິງໃຈຕໍ່ກັນ.
ຂະນະທີ່ໃນກອງປະຊຸມວຽກງານການເມືອງ-ແນວຄິດທົ່ວປະເທດ ຄັ້ງທີ V ທີ່ຈັດຂຶ້ນໃນທ້າຍປີ 2022, ສະຫາຍ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ, ເລຂາຄະນະພັກ, ປະທານສູນກາງແນວລາວສ້າງຊາດ ໄດ້ຍົກໃຫ້ເຫັນວ່າ: “ການປຸກລະດົມຍົກສູງ ຈິດໃຈຮັກຊາດ ແລະ ເພີ່ມທະວີຄວາມສາມັກຄີເປັນປຶກແຜ່ນ ຂອງທົ່ວປວງຊົນລາວທັງຊາດ” ເປັນບັນຫາສຳຄັນຕົ້ນຕໍ ເພື່ອນຳພາປະເທດຊາດ ໄປສູ່ຄວາມຈະເລີນສີວິໄລ. ດັ່ງນັ້ນ, ການສຶກສາອົບຮົມໃຫ້ປະຊາຊົນບັນດາເຜົ່າ ມີຄວາມສາມັກຄີ ເພື່ອສ້າງສະຕິຊາດ ທີ່ເປັນ ເອກະພາບ, ມີຄວາມຖະໜອມຫອມຮັກ, ຊ່ວຍເຫລືອຊຶ່ງກັນ ແລະ ກັນຈຶ່ງສາມາດແກ້ໄຂໄດ້ບັນຫາໄພອັນຕະລາຍດັ່ງກ່າວ, ພວກເຮົາຮັບຮູ້ ແລະ ຢືນຢັນໄດ້ວ່ານໍ້າໃຈຮັກຊາດ ແລະ ຄວາມສາມັກຄີເປັນປຶກແຜ່ນແມ່ນຊັບສິນ, ມໍລະດົກ ແລະ ມູນເຊື້ອທີ່ລໍ້າຄ່າຂອງພັກ-ລັດ ແລະ ປະຊາຊົນ.
ຢ່າງໃດກໍຕາມ ໂດຍລວມແລ້ວ ພວກເຮົາຕ້ອງສືບຕໍ່ຈັດຕັ້ງຜັນຂະຫຍາຍການສຶກສາອົບຮົມນໍ້າໃຈຮັກຊາດ ແລະ ຄວາມສາມັກຄີເປັນປຶກແຜ່ນ ໃນທົ່ວສັງຄົມລາວແຕ່ຮາກຖານ ມາຮອດວົງຄະນາຍາດແຫ່ງຊາດ, ໂດຍບໍ່ຈໍາແນກຊົນເຜົ່າ, ສາສະໜາຊັ້ນຄົນ ແລະ ພີ່ນ້ອງເຊື້ອຊາດ ລາວຢູ່ຕ່າງປະເທດ. ສ້າງໃຫ້ໄດ້ກ້ອນກໍາລັງມະຫາສາມັກຄີພ້ອມກັນສ້າງສາ ແລະ ພັດທະນາປະເທດຊາດຕາມແນວທາງຂອງພັກ, ແຜນພັດທະນາເສດຖະກິດ-ສັງຄົມຂອງລັດຖະບານ./
ຂຽນ: ຢາຕົ້ງ
KPL
